Eb 6:1 - Nouvo Testaman dan Kreol Morisien

¹ Alor, anou les dekote bann lansegnman elemanter lor Lekris pou nou grandi kouma bann adilt. Nou pena pou retourn lor bann premie leson, kouma: aret nou bann move aksion ki amenn lamor e krwar dan Bondie;

Nouvo Testaman Kreol Morisien Harmonisation NTPS KM

¹ Alor, anou les dekote bann lansegnman elemanter lor Lekris pou nou grandi kouma bann adilt. Nou pena pou retourn lor bann premie leson, kouma: aret nou bann move aksion ki amenn lamor e krwar dan Bondie;

Eb 6:1 Referans Kwoze

Eb 9:14

asterla, ki kantite disan Kris pli efikas! Par Lespri eternel, li finn ofer limem ar Bondie kouma enn sakrifis parfe, pou pirifie nou konsians; nou pena pou fer bann rit initil, me nou kapav servi Bondie vivan.

2 Ko 7:1

Mo bann kamarad, tou sa bann promes la valab pou nou. Akoz sa nou bizin pirifie noumem, separ nou avek tou seki kapav sali nou lekor ek nou lam; e anou viv enn lavi konpletman sin, dan respe pou Bondie.

Zistwar Bann Zapot 26:20

Mo finn anons anpremie dan Damas, apre Zerizalem, answit partou dan Zide ek osi ar bann non-Zwif ki zot bizin repanti, retourn ar Bondie ek fer bann aksion ki montre ki zot finn vremem repanti.

Eb 12:13

e fer enn santie drwat pou zot lipie, pouki seki bwate pa paralize me okontrer gagn gerizon.

Mt 21:32

Ofet, Zan Batis finn vinn kot zot pou montre zot sime lazistis zot pa finn krwar dan li, me bann ramaser tax ek bann prostitie finn krwar dan li. Me zot, mem apre zot finn trouv sa, zot pa finn sanze pou krwar dan li.”

Eb 7:11

Lor baz pretriz Levitik ki lepep Izrael ti gagn lalwa; si perfeksion ti posib par sa pretriz la, kiserti atann enn lot pret dapre Melkisedek, si ena enn dapre Aaron?

Ef 4:12

pouki bann krwayan ena kapasite akonplir zot minister, pou grandi lekor Lekris.

Zn 12:44

Zezi kriy for, “Dimoun ki krwar dan mwa, pa krwar zis dan mo tou sel me dan Sa-Enn ki finn avoy mwa la.

Zn 5:24

Vremem laverite mo dir zot, dimoun ki tann mo parol e krwar dan Sa-Enn ki finn avoy mwa la, li posed lavi eternel; li pa pou kondane me li finn pas par lamor pou gagn lavi.

Mt 3:2

Li ti pe dir, “Sanz zot leker, Rwayom Bondie finn aprose.”

1 Tim 3:16

Wi, vremem, mister nou lafwa, li gran. Lekris finn paret kouma enn imin, Lespri Sin finn rann li zis, Bann anz finn kontanple li, Finn anons li kot tou bann pep lemonn krwar dan li E li finn mont dan laglwar.

2 Ko 7:10

Tristes ki Bondie servi li amenn enn sanzman leker ki sov nou e ki pena okenn regre; tristes dapre lemonn li amenn lamor.

2 Tim 2:19

Me fondasion ki Bondie finn mete li solid. Finn ekrir lor la: Lesegner konn so dimoun. Tou dimoun ki priy Lesegner bizin evit lemal.

Zistwar Bann Zapot 20:21

Mo finn rann temwagnaz ar bann Zwif ek bann Grek ki zot bizin repanti devan Bondie e gard lafwa dan Lesegner Zezi.

Zistwar Bann Zapot 11:18

Kan bannla tann sa zot res trankil. Zot ti glorifie Bondie. Zot dir, “Alor Bondie finn donn bann ki pa Zwif repantans ki donn vre lavi.”

Zistwar Bann Zapot 3:19

Alors, sanz zot leker e tourn ver Bondie pouki li efas zot pese,

Zn 14:1

“Pa bizin zot boulverse; krwar osi dan Bondie, krwar dan mwa.

Mk 6:12

Bann disip ale, zot proklame ki dimoun bizin sanz zot leker.

Mk 1:1

Premie komansman Bonn Nouvel Zezi Kris Garson Bondie.

Mt 4:17

Depi sa letan la Zezi koumans proklame, “Sanz zot leker, parski Rwayom Bondie pe aprose.”

1 Zn 4:12

Personn pa finn zame trouv Bondie; si nou kontan nou kamarad, Bondie viv dan nou e so lamour pou vinn parfe dan nou leker.

1 Pi 1:21

Par li, zot krwar dan Bondie ki finn resisit li parmi bann mor e finn donn li laglwar pouki zot lafwa ek zot lesperans repoz dan Bondie.

Let Zak 1:4

Zot landirans bizin kontigne mem pouki zot vinn parfe ek san okenn defo.

Eb 11:6

San lafwa, personn pa kapav fer Bondie plezir. Parski kikenn ki apros Bondie bizin krwar ki li existe e ki Bondie rekonpans dimoun ki rod li.

Let pou Kolosien 4:12

Epafras, ki enn parmi zot e enn serviter Zezi Kris, dir zot bonzour. Li touzour priy pou zot avek tou so leker, pouki zot res ferm, avek bann konviksion for, e ki zot donn enn wi total pou fer volonte Bondie.

Let pou Kolosien 1:28

Limem ki nou pe anonse; nou pe inform sakenn, nou pe instrir sakenn ek tou lasazes, pou fer li grandi spiritielman dan so relasion avek Lekris.

Ef 2:5

letan nou ti spiritielman mor akoz nou bann fot, li ti donn nou lavi avek Lekris. Par lagras Bondie ki nou sove.

1 Pi 5:10

Zot ena pou soufer ankor inpe letan. Bondie, ki lasours lagras, ki finn apel zot pou so laglwar eternel dan Zezi Kris, pou limem beni zot, donn zot lafors e ranz zot lexistans lor enn baz solid.

Ef 2:1

E zot, zot ti spiritielman mor akoz zot fot ek zot pese.

1 Ko 13:10

me kan seki parfe vini, seki pa parfe pou disparet.

Zistwar Bann Zapot 17:30

Bondie finn met deryer nou sa letan ignorans la; asterla li dimann tou dimoun partou repanti,

Zistwar Bann Zapot 2:38

Pier reponn, “Repanti, e resevwar batem dan nom Zezi Kris pou zot gagn pardon pou zot pese; e zot pou resevwar don ki Bondie done, Lespri Sin.

Mt 7:25

Lapli tonbe, linondasion vini, divan soufle lor lakaz la, li pa kraze, akoz li finn konstrir lor ros.

Mt 5:48

Zot bizin parfe parey kouma zot Papa ki dan lesiel li parfe.”

1 Tim 6:19

Zot va ramas enn zoli trezor bien solid pou lavenir e zot pou gout vre lavi.

Lk 6:48

Li parey kouma enn dimoun ki pe mont so lakaz. Li fouy enn transe bien fon, li poz fondasion la lor enn pavaz ros; letan inondasion vini, larivier deborde, bat ar lakaz la; lakaz la pa kraze parski li bien solid.

Mt 21:29

Li reponn, ‘Mo pa pou ale.’ Me plitar li sanz lide li ale.

1 Ko 2:6

Mo bizin dir kanmem, ki nou servi lasazes pou koz ar dimoun ki finn bien grandi dan zot lafwa. Li pa enn sazes ki sorti dan lemonn, ni sazes bann ki pe regne lor sa lemonn la, zot enn bann pwisans ki pe al tegn.

Let pou Kolosien 3:14

Pli inportan ki tou, viv dan lamour, samem ki fer linite dan larmoni.