Eb 3:6 - Nouvo Testaman dan Kreol Morisien

⁶ Me Lekris, finn fidel dan lakaz Bondie kouma so Garson. E noumem ki so lakaz, si nou res ferm dan nou lasirans ek fierte dan lesperans.

Nouvo Testaman Kreol Morisien Harmonisation NTPS KM

⁶ Me Lekris, finn fidel dan lakaz Bondie kouma so Garson. E noumem ki so lakaz, si nou res ferm dan nou lasirans ek fierte dan lesperans.

Eb 3:6 Referans Kwoze

2 Ko 6:16

Ki lakor ena ant tanp Bondie ek bann idol? Parski noumem ki tanp Bondie vivan, kouma Bondie finn dir, “Mo pou res parmi mo pep, mo pou mars avek zot, Mo pou zot Bondie, e zot pou mo pep.”

1 Ko 3:16

Zot tou sirman kone ki zot lekor tanp Bondie e ki Lespri Bondie li viv dan zot.

1 Pi 2:5

Zot osi, parey kouma bann ros vivan, pran zot plas dan konstriksion enn lakaz spiritiel. Form enn kominote pret ki konsakre pou Bondie, pou kapav ofer bann sakrifis spiritiel ki fer Bondie plezir atraver Zezi Kris.

Eb 10:35

Alor pa perdi kouraz. Pa perdi konfians dan zotmem. Sa pou donn zot enn gran rekonpans.

Eb 6:11

Me nou anvi ki zot tou montre sa mem antousias ziska lafin pou ki zot lesperans kapav realize.

1 Ko 6:19

Zot pa kone ki zot lekor enn tanp Lespri Bondie, ki li viv dan zot, e ki Bondie ki finn donn zot sa Lespri la? Alor zot pa apartenir ar zotmem;

Eb 10:23

Anou tini ferm lesperans ki nou proklame, parski Bondie gard touzour so promes.

Eb 4:11

Anou fer tou zefor pou rant dan sa repo la pouki personn ant nou pa tonbe akoz dezobeisans parey kouma nou anset ti fer.

Eb 3:14

Ofet nou enn partner avek Lekris, si nou gard sa konfians ki nou ena depi komansman la, ziska lafin.

Revelasion 3:11

Mo pe vini biento. Tini ferm avek seki to ena pouki to pa perdi to kouronn.

Eb 4:14

Parski nou ena enn gran pret, Zezi Garson Bondie, ki finn travers lesiel ziska dan prezans Bondie, anou tini ferm dan lafwa ki nou konfese.

Eb 1:2

Me dan dernie tan ki lor nou, li finn koz ar nou atraver so Garson. Samem Garson ki li finn swazir kouma eritie tou kiksoz. Atraver li, Bondie finn kre lemonn.

1 Tim 3:15

Si zame mo tarde, to kone asterla ki fason to bizin konport twa dan lakaz Bondie, samem Legliz Bondie ki vivan, kouma enn kolonn ek enn sipor ki tini laverite.

Let pou Kolosien 1:23

Me bizin ki, par lafwa, zot res solid ek ferm, san ki zot deporte andeor lesperans ki vinn par Bonn Nouvel ki zot finn tande, ki finn proklame ar tou kreatir anba lesiel. Mwa Pol mo finn vinn serviter sa Bonn Nouvel la.

Mt 10:22

Tou dimoun pou air zot akoz mwa, me seki tini ferm ziska dan bout, li pou sove.

1 Tes 5:16

Res touzour dan lazwa.

Let pou Romin 15:13

Ki Bondie, lasours lesperans, ranpli zot ar lazwa ek lape par lafwa ki zot ena dan li, pouki zot lesperans deborde par pwisans Lespri Sin.

Mt 24:13

Me dimoun ki persevere ziska lafin pou sove.

Revelasion 2:25

me seki zot ena gard li bien ziska mo vini.

Revelasion 2:18

Let ki finn ekrir pou anz dan legliz Tiatir: “Ala seki garson Bondie ki ena lizie kouma enn laflam dife ek lipie parey kouma bronz ki finn bien poli deklare.

2 Tes 2:16

Ki nou Segner Zezi Kris limem ek Bondie nou Papa ki kontan nou e finn donn enn rekonfor eternel ek enn bon lesperans par so lagras,

Let pou Romin 5:2

Akoz nou ena lafwa dan Lekris, li finn fer nou gagn akse lagras Bondie, e nou viv dan lexperyans sa lagras la. Nou met nou fierte dan lesperans ki nou partaz laglwar Bondie.

1 Pi 1:8

Mem si zot pa finn trouv li, zot kontan li; e mem si zot pa trouv li asterla, zot krwar dan li e zot rezwir dan enn lazwa extraordiner ki pa kapav exprime,

Ga 6:9

Anou pa dekouraze fer dibien, parski ler peryod larekolt arive nou pou rekolte si nou pa bes lebra.

Let pou Romin 11:22

Konsider bonte ek severite Bondie. Li sever ar bann ki ti tonbe, e li bon anver twa, si to kontign res dan so bonte. Sinon, pou koup twa kouma brans.

Mt 16:18

E mo dir twa Pier, to enn ros, e lor sa ros la mo pou konstrir mo Legliz, e pwisans lamor pa pou kapav dominn li.

Let pou Romin 12:12

Montre lazwa dan lesperans, montre pasians dan ladetres, priye avek fidelite.

Ga 6:10

Alor, tanki nou ena letan, anou travay pou bien tou dimoun spesialman pou bann ki pros avek nou dan lafwa.

Ef 3:12

Par Lekris ek par nou lafwa dan li nou kapav ena kouraz pou rant dan prezans Bondie ar konfians.

Eb 4:16

Avek konfians, anou apros tronn Bondie pou resevwar so mizerikord ek so lagras pou ed nou kan nou bizin.

Eb 6:18

Bondie pa koz manti. Alor so promes ek so serman, sa de kiksoz ki pa kapav sanze. So promes bizin ankouraz nou pou tini ferm dan lesperans ki finn propoz nou.

Eb 7:19

parski lalwa pa finn amenn nanye ki parfe; lot kote finn ena enn meyer lesperans, e atraver li, nou kapav apros Bondie.

Eb 10:19

Mo bann frer ek ser, nou ena enn liberte asterla pou rant dan sanktyer par disan Zezi.

Eb 10:21

Nou ena enn gran pret ki diriz lakaz Bondie.

Eb 11:1

Lafwa vedir enn lasirans dan bann kitsoz ki to pe atann e enn konviksion dan kitsoz ki to pa trouve.

1 Pi 4:17

Ler finn arive kot zizman pou koumanse lor pep Bondie; si li koumans avek nou, kouma sa pou ete avek lezot ki dezobeir Bonn Nouvel ki sorti kot Bondie?

Revelasion 2:26

Dimoun ki gagn laviktwar e ki fer mo volonte ziska lafin, mo pou donn li pouvwar lor tou bann nasion.