Eb 2:11 - Nouvo Testaman dan Kreol Morisien

¹¹ Sa Enn ki sanktifie dimoun, ek sa bann ki resevwar sanktifikasion la, toulede zot sorti dan mem rasinn. Alor Zezi pa onte pou apel zot frer e ser.

Nouvo Testaman Kreol Morisien Harmonisation NTPS KM

¹¹ Sa Enn ki sanktifie dimounn-la, ek sa bann ki resevwar sanktifikasion-la, toule-de zot sorti dan mem rasinn. Alor Zezi pa onte pou apel zot frer e ser.

Eb 2:11 Referans Kwoze

Eb 10:14

Par enn sel lofrand, li finn rann parfe tou dimoun ki li finn sanktifie.

Eb 10:10

Akoz Zezi Kris finn fer volonte Bondie, nou finn vinn sin atraver sakrifis lekor Zezi Kris enn fwa pourtou.

Zn 20:17

Zezi dir, “Pa tous mwa, parski mo pankor mont kot mo Papa. Al kot mo bann frer e dir zot, ‘Mo pe al kot mo Papa ek zot Papa, kot mo Bondie ek zot Bondie.’ ”

Eb 13:12

Pou sa rezon la, Zezi ti mor andeor lavil pou pirifie lepep avek so prop disan.

Let pou Romin 8:29

Bondie finn met apar bann ki li ti finn swazire davans pou vinn kouma so Garson, pou ki li premie-ne parmi enn kantite frer.

Zn 17:19

Mo finn konsakre mwa antierman pou zot; asterla, zot osi, zot pou konsakre zot dan laverite.

Zn 17:21

Mo priye pouki zot tou vinn enn sel e ki zot res ar nou parey kouma twa Papa, to dan mwa e mwa mo dan twa. Lerla lemonn pou krwar ki to finn avoy mwa.

Mt 25:40

Lerla lerwa reponn zot: ‘Laverite, mo dir zot, sak fwa ki zot finn fer sa ar enn sa bann pli tipti la ki dan mo fami, ar momem ki zot ti fer sa.’

Eb 2:14

Parski sa bann zanfan la, zot ena enn natir imin ki fer avek laser ek disan. Zezi osi partaz sa mem natir la. Li finn mor e atraver so lamor li finn detrir Satan ki ena pouvwar touy dimoun.

Ga 4:4

Me letan ler fixe arive, Bondie ti avoy so Garson; enn fam inn donn li nesans, li ti soumet anba lalwa,

Zistwar Bann Zapot 17:26

Depi enn sel anset li finn fer tou nasion pouki zot abit later anantie. Depi bien avanmem li finn fixe letan ek landrwa kot sak nasion pou viv.

Eb 11:16

Me anrealite, zot ti anvi enn pei pli meyer, setadir, enn pei dan lesiel mem. Akoz samem Bondie pa onte ki zot apel li zot Bondie; parski li finn prepar enn lavil pou zot.

Mk 8:38

Si kikenn, dan sa zenerasion adilter ek peser la, gagn onte akoz mwa ek mo parol, Garson Limanite, li osi pou ont li, kan li pou vinn dan laglwar so Papa ek bann anz ki sin.”

Mt 28:10

Zezi dir zot, “Pa gagn per; al dir mo bann frer ek mo bann ser, al Galile; laba zot pou trouv mwa.”

Zistwar Bann Zapot 17:28

Kouma kikenn ti dir: ‘Par li nou viv, nou ena mouvman, nou ena lexistans.’ Li kouma sertin zot poet finn dir: ‘Nou osi, nou so zanfan.’

Lk 9:26

Seki gagn onte akoz mwa ek akoz mo parol, Garson Limanite pou ont li, kan li pou vinn dan so laglwar, dan laglwar so Papa ek bann anz ki sin.

Mk 3:34

Li lev so latet, li promne so regar lor sak dimoun ki ti pe asize. “Ala mo mama, ala mo bann frer.

Eb 3:1

Alor mo bann frer, mo bann ser Kretien, zot ki partaz enn lapel sorti dan lesiel, konsider Zezi kouma enn apot e enn gran pret ki nou lafwa proklame.