Eb 13:16 - Nouvo Testaman dan Kreol Morisien

¹⁶ Pa bliye pou fer dibien ek partaz seki zot ena, parski samem bann sakrifis ki fer plezir Bondie.

Nouvo Testaman Kreol Morisien Harmonisation NTPS KM

¹⁶ Pa bliye pou fer dibien ek partaz seki zot ena, parski samem bann sakrifis ki fer plezir Bondie.

Eb 13:16 Referans Kwoze

2 Tes 3:13

Frer ek ser, fode pa zot santi zot fatige pou fer seki bon.

Let pou Romin 12:13

Partaz seki zot ena ar bann frer ek ser ki pena. Pratik lospitalite toultan.

Ga 6:10

Alor, tanki nou ena letan, anou travay pou bien tou dimoun spesialman pou bann ki pros avek nou dan lafwa.

Eb 6:10

Bondie, li pa sa kantite inzis la pou bliye zot travay ek lamour ki zot finn montre li, letan ki zot ti pe servi bann krwayan parey kouma zot pe ankor fer zordi.

1 Tim 6:18

Rekomann zot fer lebien. Zot bizin ris ar bonaksion, fer bann don ek partaze.

Let pou Filipien 4:18

Mo finn resevwar tou, mem plis ki seki mo pou bizin. Epafrodit finn aport mwa zot bann don kouma enn sakrifis kifer plezir Bondie.

Ef 4:28

Voler bizin aret kokin; okontrer li bizin fer travay onet ar so prop lame pouki li kapav ena seki bizin pou partaz ar bann pov.

1 Tes 5:15

Asir zot ki personn pa rann lemal par lemal, me rod touzour fer seki bien ant zot e pou tou lezot dimoun.

Zistwar Bann Zapot 10:38

Zot kone kouma Bondie ti vers pwisans Lespri Sin lor Zezi ki sorti Nazaret. Li ti al partou, li fer dibien e ti geri tou dimoun ki ti may dan pouvwar diab, parski Bondie ti avek li.

Lk 18:22

Letan Zezi tann sa, li dir li, “To mank enn kiksoz. Vann tou seki to ena, donn bann pov, e to pou ena enn trezor dan lesiel; apre sa vini, swiv mwa.”

3 Zn 1:11

Kamarad, pa bizin imit saki mal me imit saki bien. Dimoun ki pratik lebien li avek Bondie; dimoun ki pratik lemal li pa konn Bondie.

Ga 6:6

Dimoun ki resevwar lansegnman, bizin vinn enn partner avek seki finn donn li lansegnman.

Let pou Filemon 1:6

Mo priye ki sa lafwa ki nou partaze la, li fer nou konpran pli bien sak benediksion ki nou resevwar letan nou res ini avek Kris.

Let pou Filipien 4:14

Kanmemsa, zot finn bien fer pou siport mwa dan mo bann difikilte.

Zistwar Bann Zapot 9:36

Dan lavil Zope ti ena parmi bann disip enn fam ki ti apel Tabita, dan langaz Grek so nom vedir Dorkas, ki vedir gazel. Li ti touzour fer dibien pou ed bann pov.