Eb 11:26 - Nouvo Testaman dan Kreol Morisien

²⁶ Li ti konsidere ki soufer pou Lemesi ena boukou plis valer ki bann trezor Lezip, parski li ti gard so lizie fixe lor rekonpans ki pou vini apre.

Nouvo Testaman Kreol Morisien Harmonisation NTPS KM

²⁶ Li ti konsidere ki soufer pou Lemesi ena boukou plis valer ki bann trezor Lezip, parski li ti gard so lizie fixe lor rekonpans ki pou vini apre.

Eb 11:26 Referans Kwoze

Eb 11:6

San lafwa, personn pa kapav fer Bondie plezir. Parski kikenn ki apros Bondie bizin krwar ki li existe e ki Bondie rekonpans dimoun ki rod li.

Eb 10:35

Alor pa perdi kouraz. Pa perdi konfians dan zotmem. Sa pou donn zot enn gran rekonpans.

Revelasion 3:18

Alor mo konsey twa aste lor ar mwa, lor ki finn rafine dan dife, pouki to kapav vinn ris. To kapav osi aste linz blan pou kouver twa; to nepli pou ena laont akoz to touni. Aste osi enn remed pou to lizie, to pou trouv kler.

1 Pi 4:14

Sa enn benediksion pou zot si zot pe gagn insilte akoz zot disip Kris, savedir Lespri Bondie ek Lespri so laglwar res ar zot.

Eb 2:2

Si mesaz ki bann anz ti amene lontan ti valid e tou dimoun ki pa ti respekte ek obeir mesaz la, zot ti gagn pinision ki zot ti merite;

2 Ko 6:10

mem dan sagrin nou toultan zwaye; nou pov, me nou anrisi boukou dimoun; li paret ki nou pena nanye, me anverite nou posed tou kiksoz!

Lk 14:14

koumsa to pou beni, parski bannla pa kapav rann twa parey. To pou rekonpanse ler rezireksion bann zis vini.”

Mt 5:12

Zot bizin dan lazwa e santi zot ere parski zot ena enn rekonpans dan lesiel; koumsamem zot ti persekit bann ansien profet.

Ef 3:8

Parmi tou bann krwayan momem dernie parmi bann dernie. Malgre sa Bondie finn fer mwa enn gran faver: pou al anons bann non-Zwif larises infini ki Lekris ena,

2 Ko 12:10

Akoz sa, pou Lekris, mo satisfe avek febles, insilt, detres, persekision ek langwas. Kan mo feb, lerlamem ki mo for.

1 Pi 1:11

Zot finn fer zefor pou dekouver ki lepok e dan ki sirkonstans ki Lespri Kris ki dan zot, ti predir soufrans ki Kris ti pou soufer ek laglwar ki ti pou swiv apre.

Eb 13:13

Alor anou al ver li andeor kan pou partaz so imiliasion.

Eb 10:33

parfwa dimoun finn piblikman insilte zot ek persekite zot, parfwa zot ti pre pou soutenir lezot ki pe gagn maltrete.

Let pou Filipien 3:7

Tou sa bann kiksoz la ti pou mwa kouma enn profi, me asterla mo konsider zot kouma enn pert akoz Kris.

Ef 1:18

Mo priye ki li ouver zot leker ver so lalimier pou zot kone dan ki lesperans li pe apel zot, ki rises e ki mervey ena dan so leritaz ki li pe donn zot parmi pep Bondie,

Zistwar Bann Zapot 5:41

Bann apot ti kit lasal konsey leker kontan parski ti konsider zot dign pou gagn maltrete akoz nom Zezi.

Mt 10:41

Dimoun ki akeyir enn profet akoz li enn profet pou gagn rekonpans enn profet; dimoun ki akeyir enn fidel akoz li enn fidel, li pou gagn rekonpans enn fidel.

Mt 6:1

“Tansion zot pratik zot devwar relizie devan lezot, zis pou lizie lezot; sinon zot pa pou gagn rekonpans ki sorti kot zot Papa dan lesiel.

Revelasion 2:9

Mo konn to leprev ek to lamizer, me anrealite to ris! Mo konn bann dimal ki zot dir lor twa. Zot fer krwar, zot Zwif, me pa ditou, zot plito enn sinagog Satan.

Lk 14:33

Alors, si zot pa renons tou seki zot posede, zot pa pou kapav vinn mo disip.