Eb 10:25 - Nouvo Testaman dan Kreol Morisien

²⁵ Anou pa abandonn nou lasanble kouma detrwa finn pran labitid; okontrer anou plis ankouraz nou kamarad parski kouma zot trouve zour Lesegner pe aprose.

Nouvo Testaman Kreol Morisien Harmonisation NTPS KM

²⁵ Anou pa abandonn nou lasanble kouma de-trwa finn pran labitid; okontrer anou plis ankouraz nou kamarad parski kouma zot trouve zour Lesegner pe aprose.

Eb 10:25 Referans Kwoze

Zistwar Bann Zapot 2:42

Zot ti devoue zot letan pou ekout lansegnman bann apot e kominion fraternel, zot ti partaz repa lakominion e lapriyer.

Mt 18:20

Parski la kot de ou trwa finn rasanble lor mo nom mo pou la omilie zot.”

1 Tes 5:11

Alor ankouraz zotmem e fortifie zot bien, parey kouma zot deza pe fer.

Eb 3:13

Me ki sakenn ankouraz so kamarad zour apre zour. Zot bizin kontigne osi lontan ki ena enn letan ki apel “zordi” pouki personn parmi zot pa les so leker vinn ros, oubien les zot anbete par pese.

Eb 10:24

Anou panse kouma nou kapav ankouraz nou kamarad pou ena lamour ek pou fer dibien.

1 Ko 5:4

Kan zot vinn ansam lor nom Lesegner Zezi e ki mo avek zot dan lespri, e pwisans nou Segner Zezi prezan,

1 Tes 4:18

Akoz samem zot bizin ankouraz sakenn ant zot avek sa bann parol la.

Zistwar Bann Zapot 2:1

Kan zour Lapantkot ti arive, tou bann krwayan ti reyni ansam dan mem landrwa.

Zistwar Bann Zapot 20:7

Premie zour lasemenn nou ti rasanble pou pran lakominion. Pol ti pe koz ar bann dimoun Troas. Me parski li ti pou ale landime, li finn kontign ansegne ziska minwi.

1 Ko 14:3

Me tou seki profetize koz ar dimoun pou fortifie zot, pou ankouraz zot ek konsol zot.

Let pou Romin 12:8

si kikenn ena don pou ankouraz lezot, ki li ankouraze; si li ena don pou partaz avek lezot, ki li fer sa avek zenerozite; seki dirize, bizin fer sa avek zel; seki ed bann malere, fer sa avek lazwa.

Let pou Filipien 4:5

Les tou dimoun konn zot bonte. Lesegner pe vini biento.

2 Pi 3:9

Lesegner, li pa tarde pou realiz so promes, parey kouma sertin dimoun panse, me li pasian avek zot, parski li pa anvi ki enn parmi zot tonbe, me ki zot tou repanti.

Let Zak 5:8

Zot osi, bizin ena pasians. Tini zot leker ferm akoz Lesegner pe arive biento.

1 Ko 14:23

Si legliz antie rasanble ek zot tou koz anlang, zot pa panse ki enn dimoun andeor ou enn non-krwayan pou dir ki zot fou?

Let Zid 1:19

Sa mem bann dimoun ki fer divizion. Zot swiv zot linstin natirel, zot pena Lespri Sin.

2 Pi 3:14

Akoz samem, mo bann bieneme, letan ki zot pe atann sa zour la, fer tou seki zot kapav pouki zot res san tas, san okenn pese e ki li trouv zot pe viv anpe avek li.

1 Pi 4:7

Lafin tou kitsoz pe aprose. Zot bizin serye ek disiplinn zotmem pou zot kapav priye.

2 Pi 3:11

Si tou kiksoz pou bizin disparet dan sa fason la, alor ki kalite dimoun nou bizin ete? Zot bizin ena enn lavi sin e respektab devan Bondie.

1 Ko 11:20

Kan zot zwenn ansam, li pa parski zot pou selebre repa Lesegner.

1 Ko 3:13

so travay pou devwale zour zizman dapre valer ki li ena, parski sa zour la tou travay pou vizib par dife. Dife pou teste travay la, dife pou montre seki li vo.

Zistwar Bann Zapot 16:16

Enn zour, letan nou ti pe al dan plas kot fer lapriyer, nou zwenn enn tifi esklav ki ti ena enn move lespri lor li. Li ti predir lavenir. So patron ti fer boukou profi ar so bann prediksion.

Mt 10:15

Laverite mo dir zot, bann dimoun dan Sodom ek Gomor pou gagn pli bon tretman ki sa bann dimoun la.

Zn 12:48

Seki rezet mwa e pa aksepte mo bann parol, inn fini pas zizman lor limem. Parol ki mo pe dir, samem pou ziz li dan dernie zour.

Eb 10:37

Parey kouma Lekritir finn dir: “Zis enn tipe letan ankor sa kikenn ki pou vini la pou arive, e li pa pou tarde.”

Eb 13:22

Mo bann frer ek ser, mo fer enn lapel ar zot; ekout sa mesaz lankourazman la avek pasians, parski seki mo finn ekrir; li pa tro long.