2 Tim 2:12 - Nouvo Testaman dan Kreol Morisien

¹² Si nou res ferm avek li, nou pou regn avek li. Si arive nou renie li, li osi li pou renie nou.

Nouvo Testaman Kreol Morisien Harmonisation NTPS KM

¹² Si nou res ferm avek li, nou pou regn avek li. Si arive nou renie li, li osi li pou renie nou.

2 Tim 2:12 Referans Kwoze

Let pou Romin 8:17

Si nou zanfan Bondie, alor nou eritie Bondie, ek nou eritie ansam ar Lekris. Si nou soufer avek Lekris nou pou osi partaz so laglwar.

Mt 10:33

me si kikenn dir anpiblik ki li pa konn mwa, mwa osi mo pou dir ki mo pa konn li devan mo Papa dan lesiel.”

Revelasion 20:4

Lerla mo trouv bann tronn, e bann ki ti pe asiz lor sa bann tronn la ti ena lotorite pou zize. Mo ti trouv osi nam bann dimoun ki zot latet ti koupe akoz zot temwagnaz lor Zezi ek parol Bondie. Zot pa ti ador Bebet ni so zimaz e zot pa ti resevwar so mark lor zot fron ou zot lame. Zot ti regagn lavi e zot ti regne avek Kris pandan mil an.

Revelasion 20:6

Bann ki ti partaz sa premie rezireksion la, zot ti vremem ere ek sin. Deziem lamor pena okenn pouvwar lor zot. Zot pou vinn pret pou Bondie ek Kris, e zot pou regn avek li pandan mil an.

Lk 12:9

Me seki renie mwa devan dimoun, Garson Limanite pou renie li devan anz Bondie.

Revelasion 5:10

To finn fer zot vinn enn rwayom ek enn bann pret pou Bondie, e zot pou regne lor later.”

Lk 9:26

Seki gagn onte akoz mwa ek akoz mo parol, Garson Limanite pou ont li, kan li pou vinn dan so laglwar, dan laglwar so Papa ek bann anz ki sin.

Revelasion 2:13

Mo kone kot to abite; la akot tronn Satan ete. Me to finn tini ferm ar mwa e to pa finn renie to lafwa, mem dan letan Antipas mo temwin fidel ki ti trouv lamor kot zot, la akot Satan abite.

Revelasion 1:9

Mwa, zot frer Zan, ansam ar Zezi mo partaz zot soufrans e rwayote, pasians ek landirans. Mo retrouv mwa lor lil Patmos akoz parol Bondie ek temwagnaz Zezi.

Let Zid 1:4

Ofet ena sertin dimoun malonet ki finn infiltre parmi zot. Zot finn abiz bonte Bondie pou zistifie zot aksion imoral e zot finn osi rezet Zezi Kris nou sel Met ek Segner. Depi lontan Lekritir finn anons sa kondanasion ki pe ariv zot la.

Let pou Filipien 1:28

Zot bizin touzour brav kan zot zwenn zot adverser. Sa pou enn sign pou bannla ki zot pe al ver zot destriksion; me pou zot, mo bann frer, mo bann ser, li enn sign zot delivrans, enn delivrans ki sorti kot Bondie.

Mk 8:38

Si kikenn, dan sa zenerasion adilter ek peser la, gagn onte akoz mwa ek mo parol, Garson Limanite, li osi pou ont li, kan li pou vinn dan laglwar so Papa ek bann anz ki sin.”

Mt 26:35

Pier dir li, “Mem si bizin mor avek twa, zame mo pou renie twa.” Lerla tou bann disip dir parey.

Revelasion 3:8

Mo konn to travay. Ala mo finn ouver enn laport pou twa ki personn pa kapav ferme. Mo kone ki to ena enn tigit lafors, pourtan to finn res fidel ar mo parol e to pa finn renie mwa.

Zistwar Bann Zapot 14:22

Zot ti fortifie ek ankouraz bann disip pou res ferm dan lafwa. Zot dir, “Nou bizin pas par boukou difikilte pou nou kapav rant dan Rwayom Bondie.”

Mk 10:33

“Gete! Nou pe mont Zerizalem, bannla pou livre Garson Limanite devan bann gran pret ek bann dokter lalwa, zot pou kondann li amor e zot pou les bann payin ziz li.

Mt 26:75

Lerla Pier rapel parol Zezi, ‘Avan ki kok sante, to pou finn renie mwa trwa fwa,’ - e li sorti deor, li al plore ar enn gro sagrin dan leker.

Revelasion 1:6

Li finn fer nou vinn enn rwayom pret pou servi Bondie Papa. Laglwar ek pwisans pou Zezi Kris pou touzour. Amen.

Lk 22:29

akoz samem mo pou donn zot pouvwar lor Rwayom parey kouma mo Papa finn donn mwa,

Lk 22:30

pouki zot manze ek bwar lor mem latab ar mwa dan mo Rwayom e ki zot siez lor tronn pou ziz douz tribi Izrael.”

Let pou Romin 5:17

Lamor finn manifeste so pouvwar par fot enn sel dimoun; mazine aster konbien plis bann ki resevwar lagras Bondie dan labondans, ansam ar don lazistis, konbien plis zot pou regne dan lavi akoz enn sel dimoun: Zezi Kris.

1 Tim 5:8

Si kikenn pa pran swin so fami, li finn fini renie so lafwa, e sa li pir ki enn dimoun ki pa krwar.

Revelasion 3:10

Parski to finn res fidel ar mo parol, mwa osi mo pou protez twa kont maler ki pou tap lemonn antie e teste bann abitan later.

Revelasion 3:21

Dimoun ki gagn laviktwar, mo pou permet li asiz lor mo tronn parey kouma mo osi, apre ki mo ti gagn laviktwar, mo ti asiz avek mo papa lor so tronn.