2 Tim 1:5 - Nouvo Testaman dan Kreol Morisien

⁵ Mo touzour rapel lafwa sinser ki dan to leker. Samem lafwa ki to finn resevwar depi to gramer Lois ek to mama Enis.

Nouvo Testaman Kreol Morisien Harmonisation NTPS KM

⁵ Mo touzour rapel lafwa sinser ki dan to leker. Samem lafwa ki to finn resevwar avek to granmer Lois ek to mama Enis.

2 Tim 1:5 Referans Kwoze

1 Tim 1:5

Konpran kifer mo pe donn sa lord la. Mo oule lamour dan enn leker prop, enn konsians drwat ek enn lafwa sinser.

Zistwar Bann Zapot 16:1

Pol ti ariv Derb ek List akot ti ena enn disip ki apel Timote. So mama ti enn Zwiv e ti enn krwayan osi. So papa ti enn Grek.

1 Tim 4:6

Si to expoz tou sa bann parol la ar bann frer ek ser, to pou vinn enn bon serviter Zezi Kris. Zot pou trouve ki to pe nouri twa avek parol lafwa e ki to pe swiv bon lansegnman avek serye.

2 Tim 3:15

Depi to lanfans, to konn Lekritir ki kapav donn twa sazes pou ena lafwa dan Lekris Zezi ki sov nou.

Let pou Romin 15:14

Mo bann frer, mo bann ser, mo ena konviksion ki zot ranpli ar bonte, ki zot ena tou konesans e ki zot kapav ansegn zot kamarad.

Eb 6:9

Kanta zot, mo bann kamarad, nou kone ki mem si nou koz koumsa, zot lor bon sime ladelivrans.

2 Tim 1:12

Akoz samem zordi mo pe soufer. Me mo touzour konfian, mo napa per, mo kone dan ki mo finn met mo lafwa e mo sir e sertin ki li pou vey lor mwa ziska Gran Zour la vini.

2 Ko 6:6

Nou montre noumem kouma serviter Bondie par lapirte, konesans, pasians, labonte, par Lespri Sin, lamour vre,

Let pou Romin 8:38

Wi, mo ena lasirans ki ni lamor, ni lavi, ni bann anz, ni lezot pouvwar dan lesiel, ni letan prezan, ni lavenir,

Let pou Romin 4:21

Li ti ena lasirans ki Bondie ena pwisans pou akonplir so promes.

Eb 11:13

Zot tou finn mor dan lafwa san ki zot finn resevwar bann promes Bondie, me zot finn kontan parski zot finn trouv li delwin. Zot ti konfese ki zot bann etranze ek exile lor later.

Let pou Romin 14:14

Par lafwa ki mo ena dan Lesegner Zezi, mo kone ek mo garanti ki nanye anlimem pa inpir. Me si kikenn panse ki enn kiksoz inpir, li inpir zis pou sa dimoun la.

Let pou Romin 14:5

Pou enn dimoun, enn zour pli sakre ki enn lot; pou enn lot, toulezour parey. Sakenn parmi nou bizin ariv so prop konviksion dan so leker.

Zistwar Bann Zapot 26:26

Lerwa konn laverite e mo kapav koz ar li fran-fran. Parski mo kone ki lerwa napa ignor okenn sa bann zafer la, parski nanye napa finn fer dan kasiet.

Zn 1:47

Ler Zezi trouv Natanael pe vini, li dir, “Sa enn vre Izraelit, sa. Pena defo dan li.”

1 Pi 1:22

Aster ki zot finn pirifie zot lam par obeisans ki zot ena pou laverite, pratik enn lamour sinser. Kontan touzour zot kamarad ar enn leker kler.