2 Tes 3:14 - Nouvo Testaman dan Kreol Morisien

¹⁴ Si kikenn pa obeir mesaz ki dan sa let la; rey so nom e pa gagn okenn kontak ar li; sa pou fer li gagn onte.

Nouvo Testaman Kreol Morisien Harmonisation NTPS KM

¹⁴ Si kikenn pa obeir mesaz ki dan sa let-la; rey so nom e pa gagn okenn kontak ar li; sa pou fer li gagn onte.

2 Tes 3:14 Referans Kwoze

Let pou Tit 3:10

Pou seki konsernn bann divizer, apre de warning, bizin koupe ar zot.

1 Ko 5:11

Mo ti pe rod dir zot pa asosie zot ar kikenn ki dir li enn krwayan, me ki pe viv enn lavi debos, li enn rapas, li ador bann idol, li insilte ek abiz so prosin, li enn soular ou enn voler. Fode pa manz ansam ar enn dimoun koumsa.

2 Tes 3:6

Mo bann frer ek ser, lor nom nou Segner Zezi Kris, nou dimann zot pou gard zot distans avek bann krwayan ki pe viv dan dezord e pa pe swiv bann tradision ki nou finn donn zot.

1 Tes 4:8

Akoz samem, dimoun ki rezet sa lansegnman la, li pa pe rezet enn zom me Bondie ki donn osi so Lespri Sin.

Let pou Filemon 1:21

Mo sir ki letan mo pe ekrir twa to pou fer seki mo pou demann twa, e to pou fer plis ankor.

2 Ko 10:6

Enn fwa ki zot prouve ki zot obeisans li konplet, nou pou pare pou pini tou dezobeisans.

2 Ko 2:9

Mo finn ekrir zot sa let la pou teste si pa zot toultan pare pou obeir mo bann instriksion.

1 Ko 5:9

Dan let ki mo ti ekrir avan, mo ti dir zot ki fode pa ki zot asosie zotmem ar dimoun ki viv dan imoralite.

Let pou Romin 16:17

Mo sipliye zot, bann frer, bann ser, res lor zot gard kont bann dimoun ki diviz lezot pou fer bann klik, e egar zot par bann ansegnman ki kontrer ar seki zot ti aprann. Evit sa bannla.

Mt 18:17

Si li refiz ekout zot, dir tou ar legliz; e si li refiz ekout legliz, konsider li kouma enn payin oubien enn komi tax.

Eb 13:17

Obeir zot dirizan e swiv zot lord, parski bannla pe vey lor zot lam, zot bann dimoun ki bizin rann kont Bondie. Fer zot travay avek boukou lazwa e non pa avek tristes parski sa pa pou amenn okenn lavantaz pou zot.

Let pou Filipien 2:12

Mo bann kamarad, zot finn toultan obeisan ler mo ti avek zot, aster ki mo absan, zot bizin plis obeisan ankor. Dan imilite ek reverans, travay pou zot delivrans,

2 Ko 7:15

So lafeksion pou zot pli gran ankor letan li rapel ki zot tou ti obeisan, kouma zot ti akeyir li avek respe, avek imilite.

1 Ko 4:14

Mo pa pe ekrir koumsa pou fer zot gagn onte, me mo pe averti zot, kouma mo bann zanfan ki mo bien kontan.

Let pou Kolosien 4:16

Kan zot fini lir mo let, pas li dan Legliz Laodise. Lir ousi let ki mo finn avoy Laodise.

Let pou Tit 2:8

Servi parol ki personn pa pou kritike ek kot to bann ladverser pa pou kapav repros twa. Zot va gagn dekonserte parski pena nanye pou dir.

2 Zn 1:10

Si kikenn vinn kot zot e li pa amenn sa lansegnman la, pa bizin zot akeyir li, ni resevwar li.