2 Pi 3:7 - Nouvo Testaman dan Kreol Morisien

⁷ Me, sa mem parol la finn rezerv lesiel ek later zordi pou dife. Zot finn bien prezerve pou zour zizman ek destriksion bann peser.

Nouvo Testaman Kreol Morisien Harmonisation NTPS KM

⁷ Me, sa mem parol-la finn rezerv lesiel ek later zordi pou dife. Zot finn bien prezerve pou zour zizman ek destriksion bann peser.

2 Pi 3:7 Referans Kwoze

2 Pi 3:10

Zour Lesegner pou vini kouma enn voler dan lanwit; lerla lesiel pou disparet avek enn gran fraka e tou bann zetwal anflam pou dezintegre, e later ek tou saki lor li pou disparet.

2 Pi 3:12

Letan ki zot pe atann zour Lesegner, zot bizin fer tou zefor pouki li vinn pli vit. Sa zour la, lesiel pou pran dife e disparet e bann zetwal pou fonn ar saler.

Revelasion 21:1

Apre sa mo ti trouv enn nouvo lesiel ek enn nouvo later; ofet premie lesiel ek premie later ti disparet e lamer nepli ti existe.

Mt 24:35

Lesiel ek later pou disparet me mo parol pa pou disparet.

2 Pi 2:9

alor Lesegner kone ki fason pou delivre bann dimoun drwat depi zot difikilte e kouma li gard bann peser anba so pinision ziska zour zizman;

Mt 25:41

Apre lerwa pou dir bann ki dan so kote gos: ‘Al lwin ar mwa zot modi! Al dan dife eternel ki pa pou zame tegn e ki finn prepare pou Satan ek so bann asosie.

Revelasion 20:11

Apre mo trouv enn gran tronn blan avek enn kikenn asiz lor la. Later ek lesiel disparet devan li e personn pa trouv zot ankor.

Mt 12:36

Les mo dir zot, zour zizman zot pou zize lor tou sa bann parol initil ki zot dir;

Let Zid 1:7

Zot rapel Sodom ek Gomor ek lezot lavil dan lezanviron; kot bann abitan ti pe amenn enn lavi dezord e zot ti pe swiv zot prop dezir imoral. Sa enn lexanp ki zot toultan anba pinision.

1 Tim 6:9

Me bann ki anvi vinn ris, zot tom dan tantasion. Zot bann move dezir met zot dan latrap, e samem ki amenn dimoun dan perdision.

Let pou Filipien 1:28

Zot bizin touzour brav kan zot zwenn zot adverser. Sa pou enn sign pou bannla ki zot pe al ver zot destriksion; me pou zot, mo bann frer, mo bann ser, li enn sign zot delivrans, enn delivrans ki sorti kot Bondie.

1 Zn 4:17

Lamour li parfe dan nou. Alor, zour zizman, nou pou ena boukou kouraz parski dan sa lemonn la nou parey kouma li.

2 Tes 2:3

Dan ninport ki fason, pa les personn anbet zot parski sa zour la pa pou arive avan ki gran rebelion kont Bondie arive e sef rebel ki finn destine pou detrir pou aparet.

Let pou Romin 2:5

Me to pa oule konpran, to pa dispoze sanze. Akoz sa to atir enn pli gran pinision lor twa pou sa zour kot Bondie pou revel so zizman ki zis.

Mk 6:11

Si dan enn landrwa dimoun refiz resevwar zot ek refiz ekout zot, sakouy bien lapousier anba zot lipie, kan zot kit bannla, sa pou enn temwagnaz kont sa bann dimoun la.”

Mt 11:24

Akoz samem, mo dir zot, zour zizman li pou pli dir pou zot ki pou Sodom.”

Mt 11:22

Les mo dir zot, zour zizman, Tir ek Sidon pou gagn enn meyer tretman ki zot.

Mt 10:15

Laverite mo dir zot, bann dimoun dan Sodom ek Gomor pou gagn pli bon tretman ki sa bann dimoun la.

Revelasion 17:11

Bebet ki ti existe lontan e ki nepli la, limem enn witiem lerwa me li fer parti sa group set la, e li pa pou sape.

Revelasion 17:8

Bebet ki to ti trouve, li ti existe me zordi li nepli la. Li pou remonte, depi pwi-san-fon pou al ver so destriksion. Bann abitan later ki zot nom pa finn ekrir dan liv lavi depi kreasion lemonn, pou etone kan zot pou trouv bebet la, parski li ti existe, li nepli existe me li pou revini.

Zn 12:48

Seki rezet mwa e pa aksepte mo bann parol, inn fini pas zizman lor limem. Parol ki mo pe dir, samem pou ziz li dan dernie zour.

1 Ko 3:13

so travay pou devwale zour zizman dapre valer ki li ena, parski sa zour la tou travay pou vizib par dife. Dife pou teste travay la, dife pou montre seki li vo.

Eb 12:29

parski, ofet nou Bondie, li enn dife ki devor tou.