2 Pi 3:18 - Nouvo Testaman dan Kreol Morisien

¹⁸ Kontigne progrese dan lagras ek konesans nou Segner ek Sover Zezi Kris. Laglwar pou li azordi ek dan leternite. Amenn.

Nouvo Testaman Kreol Morisien Harmonisation NTPS KM

¹⁸ Kontigne progrese dan lagras ek konesans nou Segner ek Sover Zezi Kris. Laglwar pou li zordi ek dan leternite. Amen.

2 Pi 3:18 Referans Kwoze

Let pou Kolosien 1:10

pouki zot amenn enn lavi dign Lesegner, e ki zot rod fer li plezir. Par tou saki zot pou fer de bon, zot pou prodwir bann fri e zot pou progrese dan vre konesans Bondie.

Ef 4:15

Okontrer, nou bizin koz laverite dan lamour pouki dan tou domenn nou grandi dan Lekris, limem ki latet.

1 Pi 2:2

Parey kouma bann zanfan ki fek ne, rod dile ki pa koupe e ki spiritiel pouki kan zot bwar li zot kapav grandi pou gagn vre lavi,

Let pou Filipien 3:8

Ler mo konpar grander dibien ki mo gagne dan konesans Zezi Kris, mo konsider tou kiksoz kouma enn lapert. Akoz li mo finn perdi boukou kiksoz ki mo konsider kouma enn bann salte pou mo kapav gagn Kris,

Ef 1:17

Mo priye Bondie Papa nou Segner Zezi Kris, Papa ki ena laglwar, ki li donn zot Lespri lasazes, e Lespri ki devwal Bondie pouki zot konn li plis ankor.

Let pou Kolosien 3:10

e zot finn adopte enn “nouvo limanite”, ki pe kontign renouvle so konesans antan ki zimaz Bondie;

2 Pi 1:3

Pwisans Bondie finn donn nou tou seki nou bizin pou viv enn lavi sin; li fer nou konn sa kikenn ki finn apel nou par so laglwar ek lafors so laksion.

2 Ko 4:6

Bondie ki ti dir, “Omilie lobskirite lalimier pou briye,” limem ki fer so lalimier briye dan nou leker pou donn nou konesans laglwar Bondie ki reyonn lor figir Lekris.

2 Tim 4:18

Lesegner pou delivre mwa ankor depi tou bann piez ek li pou gard mwa pou so rwayom. Laglwar pou li dan leternite. Amen.

Zn 17:3

Ki ete lavi eternel? Se dekouver ki tomem vre Bondie e ki Zezi Kris, limem ki to finn avoye.

2 Tes 1:3

Nou bann frer ek ser, nou bizin touzour rann gras Bondie pou zot. Li bien ki nou fer sa, parski zot lafwa pe boukou grandi, e lamour ki sakenn ena ant zot pe osi grandi.

Let pou Romin 11:36

Tou sorti kot Bondie, tou existe par li e pou li. Tou laglwar pou Bondie pou touzour! Amen!

Revelasion 1:6

Li finn fer nou vinn enn rwayom pret pou servi Bondie Papa. Laglwar ek pwisans pou Zezi Kris pou touzour. Amen.

Let Zid 1:25

pou sel Bondie ek Sover, atraver Zezi Kris nou Segner, laglwar, lamazeste, pwisans ek lotorite asterla e pou touzour. Amen.

2 Pi 1:11

Dan sa fason la, zot pou gagn enn gran privilez pou rant dan rwayom eternel Zezi Kris nou Segner ek Sover.

2 Pi 2:20

Ofet dimoun ki finn kapav sap dan bann move inflians lemonn akoz zot finn konn Zezi Kris, nou Segner ek Sover, apre zot remay dan lak, zot sitiasion pou vinn pir ki avan.

2 Pi 1:8

Sa bann kalite la, si zot ena li anabondans, pou fer zot vinn aktif e progrese dan konesans nou Segner Zezi Kris.

Mt 28:20

Montre zot met anpratik tou seki mo finn komann zot. Pa bliye, mo avek zot toulezour ziska lafin-dimonn.”

Mt 6:13

Pa les nou tom dan tantasion Me tir nou dan lemal.’

Zn 5:23

pouki tou dimoun onor so Garson, parey kouma zot onor Papa la. Dimoun ki pa onor Garson la, pa onor so Papa kinn avoy Li.

2 Pi 1:2

Ki zot konesans Bondie ek nou Segner Zezi grandi, ki zot resevwar lagras ek lape anabondans.