2 Ko 10:5 - Nouvo Testaman dan Kreol Morisien

⁵ nou ranvers bann pwisans ki dres avek lorgey kont konesans Bondie, e nou pran tou panse prizonie pou fer zot obeir Lekris.

Nouvo Testaman Kreol Morisien Harmonisation NTPS KM

⁵ nou ranvers bann pwisans ki dres avek lorgey kont konesans Bondie, e nou pran tou panse prizonie pou fer zot obeir Lekris.

2 Ko 10:5 Referans Kwoze

Eb 4:12

Avredir Parol Bondie, li vivan ek li ena lefe. Li pli fite ki enn lepe koup de kote. Kan li perse, li al dan fon, mem ziska kot nou lam separe ar nou lespri; ziska nou zwentir ek lamwel. Li analiz seki ena dan panse ek leker imin.

Let pou Romin 7:23

Me mo trouv enn lot lalwa ki pe fer so louvraz dan mo lekor, li pe fer lager ar lalwa mo lintelizans. Li fer mwa prizonie lalwa pese ki pe travay dan mo lekor.

Mt 15:19

Parski dan leker sorti bann move lintansion, kouma fer krim, adilter, move lavi, kokin, mansonz ek palab.

Let pou Romin 1:21

Malgre ki zot konn Bondie, zot pa glorifie li, e zot pa remersie li; okontrer zot panse finn vinn bet, e zot lespri ki vid, finn plonz dan lobskirite.

1 Ko 3:19

Lasazes dapre sa lemonn la, li enn foli devan Bondie. Lekritir dir, “Bondie may bann saz dan zot prop riz.”

1 Ko 1:19

Parski finn ekrir, “Lasazes bann dimoun saz, mo pou detrir, konesans bann koneser, mo pou rezete.”

Eb 5:9

E sa finn rann li parfe e li finn vinn lasours enn delivrans eternel pou tou dimoun ki obeir li.

1 Pi 1:22

Aster ki zot finn pirifie zot lam par obeisans ki zot ena pou laverite, pratik enn lamour sinser. Kontan touzour zot kamarad ar enn leker kler.

2 Tes 2:8

lerla move rebel la pou paret e Segner Zezi pou touy li, li pou detrir li avek lafors so retour.

Lk 1:51

Li finn montre lafors so lebra; Li finn dispers bann ki ena lorgey dan zot leker.

2 Tes 2:4

Li pou lev kont tou seki dimoun priye ek adore. Li pou instal so tronn dan tanp Bondie apre sa deklar limem kouma Bondie.

2 Ko 9:13

Akoz prev ki zot montre par zot servis, enn kantite pou glorifie Bondie pou zot fidelite anver Bonn Nouvel Lekris, zot gran zenerozite pou partaz zot dibien avek bannla, e avek tou lezot ankor.

Let pou Romin 16:26

me ki asterla finn revele par seki bann profet ti ekrir par komannman Bondie, pouki tou bann pep ki pe gagn konesans krwar e obeir Bondie.

Let pou Romin 1:5

Par li Bondie finn fer mwa lagras pou vinn enn apot pou al apel dimoun parmi tou bann nasion pou krwar e pou obeir, e sa glorifie so nom.

1 Pi 1:2

Dapre so plan, Bondie Papa finn swazir zot, e zot finn vinn enn pep sanktifie par so Lespri, pou obeir Zezi Kris ki finn pirifie zot par so disan. Ki lagras ek lape ranpli zot tou.

2 Ko 11:20

Ofet, zot siport ninport ki, ki tret zot kouma esklav, ki explwat zot, ki depouy zot, ki fer fezer, ki klak zot dan figir.

Let pou Filipien 4:7

Lape Bondie ki depas tou lintelizans, pou gard zot lekor ek zot lespri dan Zezi Kris.