1 Zn 4:11 - Nouvo Testaman dan Kreol Morisien

¹¹ Mo bann frer ek ser bieneme, si Bondie finn kontan nou sa kantite la, nou osi nou bizin kontan nou kamarad.

Nouvo Testaman Kreol Morisien Harmonisation NTPS KM

¹¹ Mo bann frer ek ser bieneme, si Bondie finn kontan nou sa kantite-la, nou osi nou bizin kontan nou kamarad.

1 Zn 4:11 Referans Kwoze

Let pou Kolosien 3:13

Siport zot kamarad, e si zot ena kit repros, donn zot pardon; kouma Lesegner finn pardonn zot, zot ousi pardone.

Zn 13:34

Mo donn zot enn komannman nouvo: kontan zot kamarad, parey kouma mwa, mo kontan zot. Zot bizin kontan zot kamarad.

1 Zn 3:23

Ala so komannman, ki nou bizin krwar dan nom so garson Zezi Kris e kontan nou prosin, parey kouma li finn komann nou.

Lk 10:37

Dokter lalwa la reponn Zezi, “Be dimoun ki finn pran li kont la.” Zezi dir li, “Ale, al fer parey.”

Ef 4:31

Met dekote tou zot lamertim, zot koler, zot laraz, zot insilt, zot mesanste; tousala bizin disparet.

1 Zn 2:7

Mo bann frer ek ser bieneme, mo pa pe ekrir zot enn nouvo komannman, me enn vie komannman ki zot ti deza resevwar depi komansman. Sa vie komannman la, limem parol ki zot finn deza tande.

1 Zn 3:11

Samem mesaz ki zot finn tande depi komansman: ki nou bizin kontan nou prosin.

1 Zn 4:7

Mo bann frer ek ser bieneme, nou bizin kontan nou kamarad, parski lamour sorti kot Bondie. Dimoun ki kontan so kamarad, li sorti kot Bondie e li konn Bondie.

2 Zn 1:5

Asterla Madam, mo pa pe ekrir twa enn nouvo komannman, me samem komannman ki nou finn gagne depi komansman. Mo dimann twa ki: “Sakenn kontan so kamarad.”