1 Tim 6:20 - Nouvo Testaman dan Kreol Morisien

²⁰ Timote, mo garson, vey bien lor seki Bondie finn konfie twa, evit bann koze dan vid e bann gran-gran deba, ki zot swadizan apel “konesans.”

Nouvo Testaman Kreol Morisien Harmonisation NTPS KM

²⁰ Timote, mo garson, vey bien lor seki Bondie finn konfie twa, evit bann koze dan vid e bann gran-gran deba, ki zot swadizan apel “konesans.”

1 Tim 6:20 Referans Kwoze

Let pou Kolosien 2:8

Pran gard ki personn pa piez zot dan bann bel lide, sa bann tronpri ki imin finn invante, anba lanpriz bann lafors ki dan liniver, e ki pena okenn lien avek Lekris.

2 Tim 2:16

Evit bann diskision steril. Sa elwagn dimoun ar Bondie.

Let pou Kolosien 2:18

Pa les personn kokin zot laviktwar par bann devosion, par lapriyer ar bann anz lor baz vizion e lintelizans imin ki gonfle ar pretansion.

Let pou Romin 3:2

Dan boukou manier lavantaz la li gran. Premie dabor Bondie finn konfie zot so mesaz.

1 Tim 6:14

pou vey lor komannman to finn gagne pouki to san repros kan nou Segner Zezi Kris pou manifeste li.

2 Tes 2:15

Mo bann frer ek ser, tini ferm avek sa tradision ki nou finn montre zot la, ki li par parol ou par let.

Let pou Tit 3:9

Evit bann fos largiman, bann long lalis anset, diskision ek lager konsernan Lalwa. Tousa initil.

2 Tim 2:1

Timote, mo garson, les Lekris Zezi rann twa pli for.

1 Tim 1:11

Mo tir sa lansegnman la dan grander Bonn Nouvel ki Bondie Beni, finn konfie mwa.

2 Tes 1:4

Akoz samem nou koz lor zot avek boukou fierte dan legliz Bondie. Zot pe tini ferm dan zot lafwa malgre tou bann persekision ek detres ki zot ankor pe siporte.

Let pou Tit 1:14

Pa pret atansion ar tou sort kalite zistwar ki bann Zwif pe rakonte ek bann komannman imin ki fer dimoun tourn ledo ar laverite.

Let pou Tit 1:9

Li bizin tini ferm dan mesaz ki vre, parey kouma ti finn ansegne, pouki so lansegnman ed dimoun ek koriz bann ki opoz zot.

1 Tim 6:11

Me twa ki reprezant Bondie, evit tousala. Rod lazistis, latasman ar Bondie, lafwa, lamour, pasians ek douser.

1 Tim 4:7

Les dekote bann zistwar payin, bann palab e tou sort komeraz. Abitie twa viv dan latasman avek Bondie.

1 Tim 1:6

Ena finn perdi sime e zot lespri finn egare dan bann diskour ninport.

1 Tim 1:4

Anpes zot rakont toutsort kalite zistwar ek koz gran-gran koze lor bann anset parski tousala pa servi nanye parski zis par lafwa ki plan Bondie avanse.

1 Ko 3:19

Lasazes dapre sa lemonn la, li enn foli devan Bondie. Lekritir dir, “Bondie may bann saz dan zot prop riz.”

Zistwar Bann Zapot 17:21

Tou bann dimoun Atenn ek bann etranze ki ti viv laba ti pas tou zot letan pa fer nanye, me nek partaz ek ekout bann nouvo lide.

Zistwar Bann Zapot 17:18

Detrwa filozof osi ti koz ar li. Ena filozof Epikiryien, e lezot bann Stoik. Ena dir, “Ki sa ninport la pe zaze koumsa?” Lezot ki ti pe tann li anons Zezi ek larezireksion ti fer remark, “Koumadir li pe koz lor bann bondie nou pa kone.”

Revelasion 3:3

Rapel bien lansegnman ki to finn resevwar e fason ki to finn tann li. Res touzour fidel ar Bondie e sanz to konportman. Si to pa revey twa, mo pou vinn may twa par sirpriz kouma enn voler dan lanwit san ki to kone ki ler.

Let pou Tit 1:4

Mo adres sa let la pou twa Tit, mo vre zanfan dan lafwa. Mo priye Bondie nou Papa ek Lekris Zezi nou Sover: ki li amenn lagras ek lape lor twa.

1 Ko 2:6

Mo bizin dir kanmem, ki nou servi lasazes pou koz ar dimoun ki finn bien grandi dan zot lafwa. Li pa enn sazes ki sorti dan lemonn, ni sazes bann ki pe regne lor sa lemonn la, zot enn bann pwisans ki pe al tegn.

Let pou Romin 1:22

Zot pretann zot saz, me ofet zot finn vinn fou

Zistwar Bann Zapot 16:1

Pol ti ariv Derb ek List akot ti ena enn disip ki apel Timote. So mama ti enn Zwiv e ti enn krwayan osi. So papa ti enn Grek.

1 Tim 1:2

mo pe adres twa sa let la Timote, twa mo zanfan seri dan lafwa; mo demann Bondie Papa ek Zezi Kris nou Segner akord twa so lagras, so pardon ek so lape.

1 Tim 1:9

Lalwa pa konsern bann dimoun ki ena bon kondwit. Li pou bann malfeter ek bann rebel, bann move dimoun ek bann peser, bann ki pena respe ni pou Bondie ni pou bann zafer sakre; pou bann ki touy zot papa zot mama, bann asasin,