1 Tim 4:1 - Nouvo Testaman dan Kreol Morisien

¹ Lespri Sin dir li klerman: dan dernie tan, ena pou abandonn lafwa. Zot prefer swiv bann lespri ki desevwar e ekout bann lansegnman demoniak.

Nouvo Testaman Kreol Morisien Harmonisation NTPS KM

¹ Lespri Sin dir li klerman: dan dernie tan, ena pou abandonn lafwa. Zot prefer swiv bann lespri ki desevwar e ekout bann lansegnman demoniak.

1 Tim 4:1 Referans Kwoze

2 Pi 2:1

Me finn ena osi bann fos profet ki finn leve parmi lepep, parey kouma pou ena fos profeser parmi zot ki, dan kasiet pou donn fos lansegnman. Zot pou introdwir bann fos doktrinn destriktif e zot pou mem rezet Lemet ki finn sov zot. Akoz sa, zot pou al ver zot prop destriksion.

Let Zid 1:18

Zot finn dir zot, “Dan bann dernie letan, pou ena bann dimoun ki pou mok zot e pou swiv zot move dezir”

2 Pi 3:3

Premie dabor, zot bizin konpran ki dan bann dernie zour, sertin dimoun lespri traver pou mok zot,

Let Zid 1:4

Ofet ena sertin dimoun malonet ki finn infiltre parmi zot. Zot finn abiz bonte Bondie pou zistifie zot aksion imoral e zot finn osi rezet Zezi Kris nou sel Met ek Segner. Depi lontan Lekritir finn anons sa kondanasion ki pe ariv zot la.

2 Ko 11:3

Mo bien per ki zot panse pou gate, parey kouma Ev ti les li egare par riz serpan, e ki sa antrenn zot lwin e zot perdi zot devosion sinp pou Lekris.

2 Tim 3:13

Me tou bann fos krwayan ek bann sarlatan pou touzour fer progre dan lemal. Zot pou tronp dimoun ek zot pou tronp zotmem.

1 Zn 4:6

Nou, nou sorti kot Bondie. Dimoun ki konn Bondie ekout nou, e dimoun ki pa sorti kot Bondie, pa ekout nou. Koumsamem ki nou rekonet Lespri Bondie ki vre ek lespri dimal ki fos.

Zn 16:13

Kan Lespri laverite vini, li pou kondir zot dan laverite. Li pa pou koz dapre so prop lide, me tou seki li finn tande, samem li pou dir; li pou anons zot tou seki pou vini.

1 Zn 2:18

Mo bann zanfan, lafin pe aprose. Zot finn tande ki antikris pe vini, asterlamem ena boukou lennmi Lekris ki finn fini vini. Koumsamem nou kone ki lafin li pre.

Revelasion 2:11

Si zot ena zorey ekout seki Lespri ena pou dir bann legliz. Seki ranport laviktwar lor diab pa pou konn deziem lamor.”

2 Tim 4:4

Zot pou tourn ledo ar laverite pou ekout toutsort kalite zistwar.

Revelasion 20:10

Lerla zot ti zet Satan, ki ti sedwir tou dimoun, dan landrwa kot dife ek souf ti pe brile; samem landrwa la kot zot ti zet bebet ek fos profet. Lanwit-lizour zot pou tourmante pou touzour.

Revelasion 3:6

Si zot ena zorey, ekout bien seki Lespri ena pou dir ar bann legliz.”

Revelasion 2:29

Dimoun ki ena zorey, ekoute pou tande seki Lespri pe dir bann legliz.”

1 Pi 1:20

Bondie finn swazir li davans, avan mem kreasion lemonn e li finn revel li dan sa dernie letan la pou zot prop bien.

Revelasion 18:2

Li kriye avek enn lavwa for, “Li finn tonbe, li finn tonbe, Gran Babilonn. Li finn vinn enn lakaz pou bann demon, enn nik pou bann move lespri, enn nik pou bann zwazo inpir, enn landrwa pou tou bann zanimo sal ek degoutan.

Let pou Kolosien 2:18

Pa les personn kokin zot laviktwar par bann devosion, par lapriyer ar bann anz lor baz vizion e lintelizans imin ki gonfle ar pretansion.

1 Ko 10:20

Non, me mo dir ki bannla pe ofer sakrifis ar demon, pa ar Bondie. Mo pa oule ki zot ena kominion avek bann demon.

Revelasion 20:8

e li pou sorti pou sedwir bann nasion dan kat kwin later, Gog ek Magog. Li pou rasanble zot pou lager; zot pou osi nonbre ki lagrin disab dan lamer.

Revelasion 19:20

Alor zot finn trap bebet la anmemtan ki sa fos profet ki ti fer bann mirak dan so prezans; ki ti sedwir tou bann ki ti ena mark bebet e ti ador so zimaz. Ti zet bebet la ek fos profet dan enn landrwa ranpli ar dife ki brile kouma souf.

Revelasion 18:23

Lalimier lalanp pou nepli briye kot twa ankor, e pou nepli tann lavwa nouvo ek nouvel marye sorti kot twa. Parski to bann marsan ti pli pwisan lor later, e par to bann sorselri to ti anbet tou bann nasion.

Revelasion 13:14

Li ti sedwir bann abitan later par pouvwar ki ti finn donn li pou fer mirak devan lot bebet la. Li ti dimann bann abitan fer enn zimaz sa bebet ki ti finn blese ar lepe, e ki ti ankor pe viv.

Revelasion 9:20

E sa parti limanite ki ti reste, zot pa ti mor par sa bann fleo la; zot pa ti repanti e regret bann travay ki zot ti pe fer ar zot laenn e zot ti kontigne ador diab ek bann idol an-or, an-arzan, an bronz, an ros ek an dibwa ki pa kapav ni trouve, ni tande, ni marse.

Revelasion 3:22

Dimoun ki ena zorey, ekout seki Lespri ena pou dir ar bann legliz.”

Revelasion 3:13

Seki ena zorey, ekout bien seki Lespri ena pou dir ar bann legliz.”

Revelasion 2:17

Si zot ena zorey, ekout seki Lespri ena pou dir bann legliz! Seki gagn laviktwar, mo pou donn li lamann ki dan sekre. Mo pou donn li enn ros blan avek enn nouvo nom ekrir lor la. Personn pa konn sa nouvo nom la, exsepte sa dimoun ki resevwar li.”

Revelasion 2:7

Seki ena zorey, ekout bien seki Lespri ena pou dir bann legliz! Mo pou akord bann ki finn ranport laviktwar drwa pou manz fri zarb lavi ki trouv dan zardin Bondie.”

1 Ko 12:11

Tousala, aktivite enn sel e mem Lespri Bondie, e li akord sakenn enn don diferan dapre so volonte.

Zistwar Bann Zapot 28:25

E zot finn ale san ki zot dakor ant zotmem. Pol dir zot, “Lespri Sin ti ena rezon letan li ti koz ar zot anset par labous profet Izai, e li ti dir:

Zistwar Bann Zapot 17:18

Detrwa filozof osi ti koz ar li. Ena filozof Epikiryien, e lezot bann Stoik. Ena dir, “Ki sa ninport la pe zaze koumsa?” Lezot ki ti pe tann li anons Zezi ek larezireksion ti fer remark, “Koumadir li pe koz lor bann bondie nou pa kone.”

Zistwar Bann Zapot 13:2

Letan zot ti pe ador Lesegner e zot ti pe gard karem, Lespri Sin dir zot, “Met Barnabas ek Sol enn kote pou enn mision ki mo ena pou zot.”

Revelasion 16:14

Sa ti bann lespri demon ki fer bann mirak. Zot al rod bann lerwa lemonn antie, pou rasanble zot pou lager kan gran zour Bondie Toupwisan arive.

Mt 18:7

Maler pou lemonn akoz bann kiksoz kifer dimoun tom dan pese. Sa bann kiksoz la zot inevitab, me malere sa dimoun ki responsab tousala.

Lk 17:1

Zezi dir ar so bann disip, “Li normal ki ena obstak ki fer dimoun tonbe, me li bien malere pou sa dimoun ki fer lezot tonbe la!

Zistwar Bann Zapot 20:23

Sel kiksoz ki mo kone, seki dan sak lavil ena prizon ek persekision ki pe atann mwa.

Zistwar Bann Zapot 21:11

Li vinn ver nou, li pran sintir Pol li atas so prop lame ek so lipie, li dir, “Ala seki Lespri Sin deklare: ‘Ala kouma bann Zwif dan Zerizalem pou atas propriyeter sa sintir la e pou livre li dan lame bann non-Zwif.’ ”

1 Ko 2:10

Abe, samem mister ki Bondie finn revel nou par so Lespri Sin. Lespri kapav examinn tou kiksoz, mem bann plan Bondie ki pli kasiet.

1 Ko 11:19

San dout li bon ki ena divizion parmi zot, parski koumsa kapav kone kisannla parmi zot ki vremem fidel.

Let Zak 3:15

Enn lasazes parey pa sort dan lesiel; li sorti depi later, li imin ek mem diabolik.