1 Tim 2:1 - Nouvo Testaman dan Kreol Morisien

¹ Mo fer enn lapel pouki, avan tou, zot fer lapriyer, zot sipliy Bondie ek zot fer aksiondegras pou tou dimoun,

Nouvo Testaman Kreol Morisien Harmonisation NTPS KM

¹ Mo fer enn lapel pou ki, avan tou, zot fer lapriyer, zot sipliy Bondie ek zot fer aksiondegras pou tou dimounn,

1 Tim 2:1 Referans Kwoze

2 Tes 1:3

Nou bann frer ek ser, nou bizin touzour rann gras Bondie pou zot. Li bien ki nou fer sa, parski zot lafwa pe boukou grandi, e lamour ki sakenn ena ant zot pe osi grandi.

Let Zak 5:16

Alors, zot bizin konfes zot pese ant zot e sakenn priye pou so kamarad, pouki zot kapav geri. Lapriyer enn dimoun ki zis, li ena enn pwisans e li efikas.

Ef 5:20

Dan nom nou Segner Zezi Kris, dir mersi Bondie Papa touletan e pou tou kiksoz.

2 Tim 2:24

Enn bon serviter Lesegner li pa enn bagarer. Li bizin akeyan anver tou dimoun ek fodre li kapav donn lansegnman sir kot li montre pasians.

1 Tim 2:4

ki oule sov tou dimoun pouki zot arive konn laverite.

Let pou Filipien 1:3

Sak fwa ki mo pans zot, mo remersie Bondie:

Eb 6:11

Me nou anvi ki zot tou montre sa mem antousias ziska lafin pou ki zot lesperans kapav realize.

Let pou Tit 3:2

Pa koz bonavini lor personn, evit dispit ek montre zot bienveyan anver zot prosin san lev lavwa anpiblik.

Let pou Tit 2:11

Lagras Bondie ki sov tou dimoun finn manifeste.

1 Tim 5:5

Bann vre vev, bann seki tousel, bizin met zot lesperans zis dan Bondie tousel ek priye, lanwit-lizour, priye e demann Bondie ed zot.

1 Ko 15:3

Mo finn transmet zot, avan tou, seki mo finn resevwar momem: ki Lekris finn mor pou nou pese dapre seki Lekritir finn anonse;

Zistwar Bann Zapot 17:30

Bondie finn met deryer nou sa letan ignorans la; asterla li dimann tou dimoun partou repanti,

1 Tes 3:12

Ki Bondie ogmant lamour ki zot ena ant zot e pou tou dimoun, parey kouma lamour ki nou ena pou zot.

Let pou Romin 6:17

Granmersi Bondie! Zot ki ti esklav pese, zordi avek tou zot leker zot obeir laverite ki dan lansegnman ki zot ti resevwar.

Let pou Romin 1:8

Avan tou mo remersie mo Bondie, par Zezi Kris, pou zot tou, parski lemonn antie pe koz zot lafwa.

2 Ko 8:6

Alor nou finn sipliy Tit ki ti koumans sa travay la parmi zot, ki li kontign ed zot terminn zot aksion zenere.

Ef 3:13

Alor mo dimann zot napa dekouraze akoz soufrans ki mo pe pase pou zot; tousala li pou zot prop laglwar.

Ef 6:18

Priye touzour dan pwisans Lespri ar tou kalite lapriyer e siplikasion dan tou sirkonstans; res lor zot gard, res fidel. Priye pou lepep Bondie.

Let pou Filipien 4:6

Napa bizin zot trakase ditou, me dan ninport ki sitiasion, avek enn leker rekonesan, ofer zot lapriyer ek siplikasion Bondie.