1 Tes 5:10 - Nouvo Testaman dan Kreol Morisien

¹⁰ ki finn mor pou nou, pou ki nou kapav viv ini avek li mem si nou eveye ou pe dormi.

Nouvo Testaman Kreol Morisien Harmonisation NTPS KM

¹⁰ ki finn mor pou nou, pou ki nou kapav viv ini avek limem si nou eveye ou pe dormi.

1 Tes 5:10 Referans Kwoze

1 Pi 3:18

Ofet, Zezi Kris limem li finn soufer pou pese tou dimoun; parey kouma enn inosan li finn mor pou bann koupab, pou li kapav amenn zot kot Bondie. Fizikman zot finn touy li, me li finn reviv spiritielman,

Ef 5:2

Zot manier viv bizin inspire par lamour, parey kouma Lekris ti kontan nou e li ti donn limem pou nou, kouma enn lofrand ek enn sakrifis ki ena enn bon parfin ki fer Bondie plezir.

Let pou Romin 8:34

Ki sannla kapav kondann zot? Personn. Parski Lekris limem ki ti mor, me plis ki sa, li finn resisite e li adrwat Bondie pou intersed pou nou.

1 Tes 4:17

Apre sa, nou ki ankor vivan, nou pou mont ansam ar zot dan niaz pou zwenn Lesegner anler e nou pou ar li pou toultan.

2 Ko 5:21

Lekris pa ti ena pese, me Bondie finn met nou pese lor li, pouki letan nou ini ansam ar li, nou rant dan enn lavi akseptab devan Bondie.

2 Ko 5:15

Li finn mor pou tou dimoun, afin ki seki viv, li nepli viv pou limem me li viv pou Sa-Enn ki finn mor pou zot la, e ki finn resisite pou zot.

1 Pi 2:24

Dan so prop lekor li finn sarye nou pese lor lakrwa, pouki nou aret viv dan pese e viv enn fason ki korek. Par so bann blesir, nou finn geri.

Let pou Tit 2:14

Li finn donn so lavi pou nou afin ki li tir nou dan pese ek fer nou vinn so sel pep ki destine pou fer lebien.

1 Tim 2:6

ki finn met so lavi angaz pou liber tou dimoun. Bondie pe rann so temwagnaz dan ler ki ti fixe.

1 Tes 4:13

Frer ek ser, nou pa anvi ki zot res dan lignorans konsernan bann dimoun ki finn mor, pou zot pa tris kouma bann lezot dimoun ki pena lesperans.

1 Ko 15:3

Mo finn transmet zot, avan tou, seki mo finn resevwar momem: ki Lekris finn mor pou nou pese dapre seki Lekritir finn anonse;

Zn 15:13

Pena pli gran lamour ki existe ler kikenn donn so lavi pou so bann kamarad.

Zn 10:17

Akoz samem mo papa kontan mwa parski mo expoz mo lavi. Kan mo expoze, mo regagn lavi ankor.

Zn 10:11

Momem bon berze; enn bon berze expoz so lavi pou so bann mouton.

Mt 20:28

parey kouma Garson Limanite pa finn vini pouki dimoun servi li, me pou servi dimoun e donn so lavi kouma enn ranson pou boukou dimoun.”

Zn 10:15

Kouma mo papa konn mwa, e mwa mo konn mo papa, mo pare pou donn mo lavi pou mo bann brebi.

1 Tes 4:15

Dapre parol Bondie, ala seki nou deklare: nou ki vivan e ki pou ankor la kan Lesegner retourne, nou pa pou pas devan zot.

1 Tes 5:6

Alor anou pa dormi kouma lezot, me anou res eveye ek kalm.

2 Tim 2:11

Mo donn twa enn parol sir: si nou mor avek Lekris, nou pou viv avek li.