1 Tes 3:10 - Nouvo Testaman dan Kreol Morisien

¹⁰ Lanwit-lizour, nou pe priye Bondie pouki nou kapav trouv zot fas a fas e azout seki manke dan zot lafwa.

Nouvo Testaman Kreol Morisien Harmonisation NTPS KM

¹⁰ Lanwit-lizour, nou pe priye Bondie pou ki nou kapav trouv zot fasafas e azout seki manke dan zot lafwa.

1 Tes 3:10 Referans Kwoze

2 Ko 13:9

Nou dan lazwa kan nou, nou feb, me zot, zot for. Dan nou lapriyer, nou demann ki zot vinn parfe.

1 Tes 3:11

Ki Bondie nou Papa limem ek nou Segner Zezi diriz nou lor sime ki amenn nou kot zot.

2 Ko 1:24

Nou pa rod inpoz lor zot seki zot bizin krwar; nou kone ki zot ferm dan zot lafwa, me nou anvi kontribie pou zot boner.

2 Tim 1:3

Mo rann gras Bondie ki mo servi avek enn konsians kler, parey kouma mo bann anset. Lanwit, lizour mo pa aret pans twa dan mo lapriyer.

2 Tes 1:11

Akoz samem nou priye pou zot, nou dimann Bondie ki zot reste fidel ar so lapel e ki so lagras permet zot realiz zot dezir pou fer seki bien e rann zot lafwa aktif.

Let pou Filipien 1:25

Mo ena enn gran konviksion e mo sir ki mo pou res isi, e viv avek zot tou pou ed zot progrese dan lazwa ek lafwa.

2 Ko 1:15

Mo ti telman sir lor sa size la, ki mo ti finn fer plan pou vizit zot pouki zot gagn doub benediksion.

Zistwar Bann Zapot 26:7

Samem promes ki nou douz tribi pe anvi trouv akonpli, pandan ki zot loue Bondie gramatin tanto. Lerwa Agripa, akoz sa lesperans la ki bann Zwif pe akiz mwa.

Let pou Filemon 1:22

Anmemtan to prepar enn lasam pou mwa, parski grasa zot lapriyer mo pe espere gagn mo liberte.

Let pou Kolosien 4:12

Epafras, ki enn parmi zot e enn serviter Zezi Kris, dir zot bonzour. Li touzour priy pou zot avek tou so leker, pouki zot res ferm, avek bann konviksion for, e ki zot donn enn wi total pou fer volonte Bondie.

Let pou Kolosien 1:28

Limem ki nou pe anonse; nou pe inform sakenn, nou pe instrir sakenn ek tou lasazes, pou fer li grandi spiritielman dan so relasion avek Lekris.

Lk 2:37

Apre sa li finn res vev ziska laz katrovin-kat-ran. Li pa ti kit tanp, me ti servi Bondie lanwit-lizour; li ti fer karem ek lapriyer.

Revelasion 4:8

Sakenn sa kat kreatir vivan la ti ena sis lezel ranpli ar lizie andan ek otour li. Lanwit lizour, zot zame aret sante: “Sin, sin, sin limem Lesegner Bondie Toupwisan ki ti existe, ankor pe existe ek ki pe vini.”

2 Ko 13:11

Finalman, bann frer ek bann ser, viv dan lazwa, fer zefor pou vinn parfe, ankouraz zot kamarad, res dakor ant zot, viv dan lape, e Bondie ki lamour ek lape pou avek zot.

Revelasion 7:15

Akoz samem zot devan tronn Bondie e zot pe ador li lanwit-lizour dan so tanp. Sa kikenn ki pe asiz lor tronn la pou protez zot.