1 Tes 1:6 - Nouvo Testaman dan Kreol Morisien

⁶ Zot finn imit nou ek Lesegner, malgre boukou soufrans, e zot finn resevwar laparol avek lazwa dan Lespri Sin.

Nouvo Testaman Kreol Morisien Harmonisation NTPS KM

⁶ Zot finn imit nou ek Lesegner, malgre tou bann persekision, e zot finn resevwar laparol avek lazwa par Lespri Sin.

1 Tes 1:6 Referans Kwoze

1 Ko 11:1

Swiv mo lexanp, parey kouma mo swiv lexanp Lekris.

1 Ko 4:16

Alors mo sipliy zot, swiv mo lexanp.

Zistwar Bann Zapot 13:52

Bann disip ti ranpli ar lazwa e ar Lespri Sin.

Ga 5:22

Me bann fri ki Lespri li prodwir, li lamour, lazwa, lape, pasians, bonte, konpreansion, fidelite,

2 Tes 3:9

Nou fer sa, pa parski nou pena drwa resevwar zot led, me parski nou anvi donn zot enn lexanp pou swiv.

3 Zn 1:11

Kamarad, pa bizin imit saki mal me imit saki bien. Dimoun ki pratik lebien li avek Bondie; dimoun ki pratik lemal li pa konn Bondie.

Ef 5:1

Zot, bann zanfan ki Bondie kontan, zot bizin imit li.

Zn 8:12

Zezi ti pe koz ar zot ankor, li dir “Momem lalimier dan lemonn; seki swiv mwa pa pou mars dan teneb me li pou gagn lalimier ki donn lavi.”

Mt 16:24

Apre sa Zezi dir ar so bann disip, “Si kikenn oule vinn ar mwa, fodre pa li mazinn zis limem, me fodre li pran so lakrwa pou swiv mwa.

1 Pi 3:13

E kisannla pou fer zot ditor si zot vremem anvi fer dibien?

1 Pi 1:8

Mem si zot pa finn trouv li, zot kontan li; e mem si zot pa trouv li asterla, zot krwar dan li e zot rezwir dan enn lazwa extraordiner ki pa kapav exprime,

1 Pi 1:6

Sa bizin rann zot zwaye, mem si asterla, pou enn tigit letan, zot bizin pas par toutsort kalite difikilte.

Eb 10:34

Zot finn pran par dan soufrans bann prizonie. Dan lazwa, zot finn aksepte ki bannla kokin tou zot dibien parski zot kone ki zot, zot posed kitsoz ankor pli meyer e ki pou reste pou toultan.

2 Tes 1:4

Akoz samem nou koz lor zot avek boukou fierte dan legliz Bondie. Zot pe tini ferm dan zot lafwa malgre tou bann persekision ek detres ki zot ankor pe siporte.

Let pou Filipien 3:17

Mo bann frer, mo bann ser, zot tou bizin imit mwa. Nou finn donn bon lexanp, alor obzerv bien bann ki kondir zot dapre sa bon lexanp la.

2 Ko 8:5

Li ti plis ki nou ti espere. Dabor bannla finn donn zotmem Lesegner, apre par volonte Bondie zot finn donn nou zotmem.

Let pou Romin 15:13

Ki Bondie, lasours lesperans, ranpli zot ar lazwa ek lape par lafwa ki zot ena dan li, pouki zot lesperans deborde par pwisans Lespri Sin.

Zistwar Bann Zapot 9:31

Legliz dan Zide, Galile ek Samari ti viv enn letan lape. Legliz ti vinn for e ti ena gran respe pou Lesegner e par led Lespri Sin legliz ti pe ogmante.

Zistwar Bann Zapot 5:41

Bann apot ti kit lasal konsey leker kontan parski ti konsider zot dign pou gagn maltrete akoz nom Zezi.

1 Ko 11:2

Mo felisit zot parski zot ankor rapel mwa dan tou kiksoz, ek zot ankor swiv tradision Kretien ki mo finn kit ar zot.

2 Ko 6:10

mem dan sagrin nou toultan zwaye; nou pov, me nou anrisi boukou dimoun; li paret ki nou pena nanye, me anverite nou posed tou kiksoz!

2 Tes 3:7

Zotmem, zot kone kouma zot bizin imit nou; nou pa ti pares kan nou ti kot zot,

2 Tim 4:2

proklam laparol, insiste touletan pou konvink. Fer repros ou donn ankourazman ki bizin kan to donn lansegnman. Pa perdi pasians.