1 Pi 5:8 - Nouvo Testaman dan Kreol Morisien

⁸ Pa fer zes; veye kouma bizin! Zot lennmi diab pe fer letour kouma enn lion feros; li pe rod kikenn pou devore.

Nouvo Testaman Kreol Morisien Harmonisation NTPS KM

⁸ Pa fer zes; veye kouma bizin! Zot lennmi diab pe fer letour kouma enn lion feros; li pe rod kikenn pou devore.

1 Pi 5:8 Referans Kwoze

Ef 6:11

Met tou ekipman solda ki Bondie fourni; met li lor zot pouki zot kapav reziste kont manigans diab.

Let Zak 4:7

Soumet zot ar Bondie. Reziste diab e li pou sove, al lwin ar zot.

Ef 4:27

Pa donn diab okenn sans may zot.

1 Pi 1:13

Akoz samem zot bizin pare pou azir ar enn lespri eveye; met tou zot lesperans dan lagras ki Zezi Kris pou donn zot kan li pou revel li.

1 Pi 4:7

Lafin tou kitsoz pe aprose. Zot bizin serye ek disiplinn zotmem pou zot kapav priye.

Lk 21:36

Gard zot lizie ouver, priye pouki zot gagn ase lafors pou sap dan bann maler ki pou arive, pou zot kapav dibout e prezant zot devan Garson Limanite.”

Lk 22:31

Simon, Simon, gete, Satan finn demande pou pas zot tou dan tami parey kouma fer ar dible.

Let pou Tit 2:12

Samem lagras ki ansegn nou rezet linkrwayans ek bann zwisans lemonn pou amenn enn lavi sinp lor later dan la zistis ek lafwa.

Revelasion 12:12

Alor lesiel bizin dan lazwa, anmemtan ki tou dimoun ki viv laba. Me maler pou later ek lamer, parski diab finn desann kot zot. Li bien-bien ankoler, parski li kone ki letan kourt!”

Zn 8:44

Zot sorti ar diab. Limem zot papa; akoz samem zot ena mem santiman ki li. Depi komansman li ti enn asasin e zame li ti dan laverite parski pena laverite dan li; kan li koz manti, li pe azir dapre so natir; li enn manter e limem papa bann manter.

Mt 13:39

sa lennmi ki sem move lerb limem Satan, rekolt reprezant lafin-dimonn, e bann travayer zotmem bann anz.

Revelasion 12:9

Sa gro dragon la ti perdi so plas. Sa vie serpan ki zot ti apel diab, ou Satan, sedikter lemonn, li avek so bann anz ti perdi zot plas dan lesiel.

Mt 24:42

Alor, mo dir zot pran kont, parski personn pa kone ki zour zot Segner pou vini.

Revelasion 20:10

Lerla zot ti zet Satan, ki ti sedwir tou dimoun, dan landrwa kot dife ek souf ti pe brile; samem landrwa la kot zot ti zet bebet ek fos profet. Lanwit-lizour zot pou tourmante pou touzour.

Lk 21:34

“Pran kont pouki zot leker pa angourdi par tousort kalite kiksoz, par labwason ek bann difikilte lavi, sinon Gran Zour la pou tom lor zot san ki zot atann,

Let pou Tit 1:8

Okontrer, li bizin akeyan, fer dibien, ekilibre, enn dimoun zis, devoue, ki konn kontrol limem.

2 Tim 4:17

Me Lesegner ti avek mwa, li ti donn mwa lafors pou proklam so mesaz devan tou bann payin. Li ti tir mwa dan zot grif.

Let pou Tit 2:6

Invit bann zenes pa exazere dan zot konportman.

Let pou Tit 2:2

Instrir bann granper: zot bizin sinp, ena dignite, koz ar sazes, profon dan zot lafwa, ena lamour ek perseverans.

1 Tim 2:15

me so maternite pou sov li. Selma fodre ki bann madam persevere dan lafwa, lamour ek amenn enn bon lavi ek gard enn bon zizman.

Revelasion 20:2

Li trap dragon, samem sa vie serpan la, limem diab ek Satan, e li atas zot ar lasenn pou mil an.

Let pou Tit 2:4

pou aprann bann zenn fam kontan zot mari ek zot zanfan,

1 Tim 3:11

Zot fam osi bizin respektab, pa koz zafer dimoun, viv dan sinplisite ek azir kouma enn dimoun ki merit konfians dan tou kiksoz.

1 Tim 2:9

Lor kestion bann madam dan lasanble, fode ki zot teni korek, abiy zot avek respe ek sinplisite; pa fer bann kwafir konplike, pa orn zot lekor ar bizou, perl, e pa met linz extravagan.

Mt 4:1

Zis apre sa, Lespri ti ris Zezi dan dezer kot diab ti tant li.

1 Tim 3:2

Levek bizin enn dimoun ki san repros, enn mari fidel, enn dimoun sinp, rezonab e respektab, ki ena lespri ouver e fodre li kapav donn lansegnman.

Mt 25:41

Apre lerwa pou dir bann ki dan so kote gos: ‘Al lwin ar mwa zot modi! Al dan dife eternel ki pa pou zame tegn e ki finn prepare pou Satan ek so bann asosie.

Mt 4:11

Alor diab kit li ale, e bann anz vinn servi li.

Mk 4:15

Lagrin ki tom dan bor sime, savedir bann dimoun ki tann parol Bondie. Kouma zot tande, Satan vini, aras parol ki finn seme dan zot.

2 Ko 2:11

Nou fer sa pouki Satan pa may nou dan lak. Nou kone ki li pe maniganse.

Revelasion 12:10

Lerla mo tann enn lavwa for dan lesiel ki dir, “Asterla moman delivrans, pwisans regn Bondie, ek lotorite so Mesi finn arive. Akizater nou bann frer ek ser finn perdi plas, li ti pe akiz zot lanwit-lizour.