1 Pi 2:24 - Nouvo Testaman dan Kreol Morisien

²⁴ Dan so prop lekor li finn sarye nou pese lor lakrwa, pouki nou aret viv dan pese e viv enn fason ki korek. Par so bann blesir, nou finn geri.

Nouvo Testaman Kreol Morisien Harmonisation NTPS KM

²⁴ Dan so prop lekor li finn sarye nou pese lor lakrwa, pou ki nou aret viv dan pese e viv enn fason ki korek. Par so bann blesir, nou finn geri.

1 Pi 2:24 Referans Kwoze

Mt 8:17

Tousala ti arive dapre seki profet Izai ti dir, “Li pran lor li tou nou bann infirmite ek nou bann maladi.”

Let pou Romin 6:11

Dan mem fason konsider zotmem mor par rapor ar zot pese, me vivan pou Bondie dan linion avek Zezi Kris.

Revelasion 22:2

Omilie laplas lavil, lor de kote larivier ena enn bann pie lavi avek zot douz kalite fri. Sak mwa zot donn zot fri ek zot fey servi pou geri lepep.

1 Zn 2:29

Si zot kone ki Lekris zis, alor zot osi rekonet ki tou dimoun ki fer seki zis, li enn zanfan Bondie.

Let Zak 5:16

Alors, zot bizin konfes zot pese ant zot e sakenn priye pou so kamarad, pouki zot kapav geri. Lapriyer enn dimoun ki zis, li ena enn pwisans e li efikas.

Eb 9:28

Alor Kris, ki finn ofer limem enn sel fwa pou efas pese enn kantite dimoun, li pou paret enn deziem fwa, non pa pou efas pese, me pou sov bann ki pe vremem atann so retour.

Ga 3:13

Kris, ki ti vinn enn malediksion pou nou, finn peye pou delivre nou depi sa malediksion la, parski finn ekrir: “Malediksion pou dimoun ki pandi ar pie.”

Let pou Romin 6:2

Pena sime! Pou seki konsern pese, nou finn mor, li pena pouvwar lor nou; kouma nou kapav kontign viv ladan?

Let pou Kolosien 3:3

Zot finn mor e zot lavi finn kasiet avek Lekris dan Bondie.

Let pou Romin 6:13

Pa livre diferant parti zot lekor pouki pese fer zot vinn instriman move kiksoz; okontrer ofer zotmem Bondie kouma bann dimoun vivan ki finn sorti depi dan lamor, e ofer zotmem anantie kouma instriman pou enn lavi drwat devan Bondie.

Zn 1:29

Landime, Zan trouv Zezi pe vini e li dir, “Get Annyo Bondie ki tir pese lemonn;

Let pou Romin 7:6

Asterla nou lib par rapor ar lalwa. Nou finn mor par rapor ar seki ti gard nou esklav. Koumsa nou servi dan enn nouvo fason dapre Lespri, nou pa servi dan vie fason dapre lalwa ki finn ekrir.

1 Zn 3:7

Mo bann ti zanfan, pa les personn anbet zot! Tou seki azir avek zistis, li zis parey kouma Kris ki zis.

Let pou Romin 6:7

Pou dimoun ki finn mor, pese pena okenn pouvwar lor li.

Let pou Romin 6:16

Eski zot pa kone kan zot livre zotmem kouma enn esklav pou obeir enn dimoun, zot esklav sa dimoun ki zot pe obeir la? Swa zot esklav pese ki ena pou rezilta lamor ou esklav lobeisans ki ena pou rezilta lavi drwat devan Bondie.

2 Ko 6:17

Lesegner dir: “Separ zot ar sa bannla, res alekar, pa tous nanye ki inpir, e mo pou akeyir zot.

Zistwar Bann Zapot 5:30

Bondie nou bann anset finn resisit Zezi, limem ki zot finn touye kan zot finn koulout li lor lakrwa.

Lk 4:18

“Lespri Lesegner lor mwa, parski Li finn konsakre mwa par lonksion pou anons bann pov Bonn Nouvel. Li finn avoy mwa proklam delivrans bann seki an kaptivite, pouki bann aveg trouv kler, pouki bann oprime retrouv zot liberte,

Mt 5:20

Les mo dir zot ki si zot pa montre zot pli fidel anver volonte Bondie ki sa bann Farizien ek dokter lalwa la, zot pa pou rant dan lesiel.

Eb 12:13

e fer enn santie drwat pou zot lipie, pouki seki bwate pa paralize me okontrer gagn gerizon.

Zistwar Bann Zapot 13:29

Letan zot finn fer tou seki ti deza ekrir lor li, zot desann li depi lor lakrwa e zot met li dan enn tonbo.

Zistwar Bann Zapot 10:35

Bondie aksepte ninport ki dimoun dan ninport ki nasion si li ador li e fer seki drwat.

Eb 7:26

Samem sa kalite gran pret la ki nou ti bizin. Kikenn ki sin, san okenn defo, ki pena pese, separe avek bann peser e ki plase pli ot dan lesiel.

Let pou Kolosien 2:20

Zot finn mor avek Lekris, zot ne pli soumi anba bann lafors sa lemonn la; kifer zot pou obeir bann regleman kouma dir zot lavi depann lor la:

Let pou Romin 6:22

Asterla zot finn lib par rapor ar pese e zot finn vinn esklav Bondie, zot ena sanktifikasion pou fri, ek so rezilta li lavi eternel.

Zistwar Bann Zapot 10:39

E nou, nou temwin tou seki li finn fer dan pei Izrael ek dan Zerizalem. Bannla finn koulout li lor lakrwa pou touy li.

Mt 27:26

Apre sa, Pilat larg Barabas, li fer fwet Zezi e li livre li ar lafoul pouki bann la krisifie li.

Ef 5:9

Fri lalimier li dan tou seki bon, tou seki bien, tou seki vre.

Zn 19:1

Apre sa Pilat pran Zezi e li donn lord pou fwet li.

Let pou Filipien 1:11

zot pou ranpli ar fri lazistis ki sorti kot Zezi Kris pou laglwar ek louanz Bondie.

Mk 15:15

Kouma Pilat ti anvi donn lafoul satisfaksion, li larg Barabas pou zot; letan zot finn fini fwet Zezi, Pilat livre li pouki bannla krisifie li.

1 Ko 15:3

Mo finn transmet zot, avan tou, seki mo finn resevwar momem: ki Lekris finn mor pou nou pese dapre seki Lekritir finn anonse;

Let pou Kolosien 2:14

li finn anil sarz ki bann komannman ti pe fer pez lor nou; li finn fer li disparet, li finn kloue li lor lakrwa.

Eb 10:5

Akoz samem kan Kris ti vinn dan lemonn, li ti dir, “To pa finn anvi sakrifis ek lofrand me to finn donn mwa lekor imin.

Eb 10:10

Akoz Zezi Kris finn fer volonte Bondie, nou finn vinn sin atraver sakrifis lekor Zezi Kris enn fwa pourtou.