1 Pi 1:1 - Nouvo Testaman dan Kreol Morisien

¹ Mwa, Pier, enn apot Zezi Kris, mo pe ekrir zot, pep ki Bondie finn swazir e ki pe viv anexil inpe partou dan Pon, Galasi, Kapados, Lazi ek Bitini.

Nouvo Testaman Kreol Morisien Harmonisation NTPS KM

¹ Mwa, Pier, enn Zapot Zezi Kris, mo pe ekrir zot, pep ki Bondie finn swazir e ki pe viv an exil inpe partou dan Pon, Galasi, Kapados, Lazi ek Bitini.

1 Pi 1:1 Referans Kwoze

Let Zak 1:1

Mwa, Zak, enn serviter Bondie ek Segner Zezi Kris, Mo pe salye zot tou pep Bondie disperse dan lemonn antie.

Eb 11:13

Zot tou finn mor dan lafwa san ki zot finn resevwar bann promes Bondie, me zot finn kontan parski zot finn trouv li delwin. Zot ti konfese ki zot bann etranze ek exile lor later.

Ef 2:19

Ala kimanier zot nepli etranze, ni imigre, me zot sitwayin ansam ar bann krwayan e manm lafami Bondie.

Zistwar Bann Zapot 8:4

Bann ki ti finn fane partou kote, finn al proklam Bonn Nouvel.

Zn 11:52

Pa zis pou zot tou sel, me pouki tou bann zanfan Bondie ki finn disperse, vinn enn sel.

Mt 24:22

E si Bondie pa ti finn rakoursi sa peryod letan la, personn pa ti pou viv. Me li finn fer sa pou bann ki li finn swazir.

1 Pi 2:11

Mo bann kamarad, mo dimann zot antan ki etranze ek exile lor later, pa rant dan piez instale par bann dezir imin ki andezakor ar zot lam.

2 Pi 1:1

Mwa Simon Pier, serviter ek apot Zezi Kris. Mo pe adres zot, bann dimoun ki finn resevwar don presie lafwa kouma nou, atraver lazistis Bondie e nou Sover Zezi Kris:

Ef 2:12

Rapel ki sa lepok la zot ti separe ar Lekris, zot ti andeor lepep Bondie, zot ti bann etranze. Zot pa ti ena okenn par dan bann lalians fonde lor promes Bondie. Zot ti san lesperans e san Bondie dan lemonn.

2 Ko 1:8

Nou oule ki zot kone, bann frer ek bann ser, ki kantite difikilte nou finn gagne dan provins Lazi. Nou finn akable plis ki nou lafors ti kapav tini, nou ti mem perdi tou lespwar pou res vivan.

Zistwar Bann Zapot 18:2

Laba li ti zwenn enn Zwif ki ti apel Akila, ki finn ne dan enn landrwa ki apel Pon. Li ti fek vinn Itali avek so madam Prisil, parski lanperer Klod ti donn lord tou bann Zwif pou kit Rom. Pol ti al get zot,

Revelasion 1:11

Li ti pe dir, “Ekrir dan enn liv seki to pe trouve e avoy liv la kot sa set legliz dan Efez, Smirn, Pergam, Tiatir, Sard, Filadelfi ek Laodise.”

2 Tim 1:15

To kone, tou bann ki dan provins Lazi, finn tourn ledo ar mwa, parmi ena Fizel ek Ermozenn.

Ga 1:2

ek tou bann frer e ser ki avek mwa, Mo avoy sa let la bann legliz dan Galasi.

1 Ko 16:19

Bann legliz dan provins Lazi salye zot. Akila ek Prisil ansam ar legliz ki zwenn dan zot lakaz, avoy zot salitasion dan Lesegner.

Zistwar Bann Zapot 19:10

Sa ti ale koumsa pandan de-zan kot tou bann abitan Lazi, ki li Zwif ki li Grek, ti tann parol Lesegner.

Zistwar Bann Zapot 18:23

Pol ti pas inpe letan Antios, lerla li ti al vizit diferan landrwa dan rezion Galasi ek Frizi, pou konsolid lafwa bann krwayan.

Zistwar Bann Zapot 6:9

Enn parti bann manm sinagog Esklav Libere, ki ti bann Zwif ki ti sorti Sirenn, Aleksandri, ek osi bann ki ti sorti Silisi e Lazi, ti diskit ar Etienn.

Zn 7:35

Bann Zwif dir ant zotmem, “Ki kote li pe ale pou nou pa kapav trouv li? Eski li pa pou al kot bann Zwif ki finn emigre kot bann Grek, e laba li pou ansegn bann Grek osi?

Mt 10:2

Ala nom bann apot: premie se Simon, so ti-nom Pier, so frer Andre; Zak garson Zebede, ek so frer Zan;

Mt 4:18

Letan Zezi pe mars-marse dan borlamer Galile, li trouv de peser: Simon, ki ti apel Pier ek so frer Andre; zot ti pe lapes lasenn.

Lk 18:7

Eski Bondie pa pou rann lazistis bann ki li finn swazir e ki pe sipliy li lanwit-lizour? Eski li pou tarde pou sekour zot?