1 Ko 5:11 - Nouvo Testaman dan Kreol Morisien

¹¹ Mo ti pe rod dir zot pa asosie zot ar kikenn ki dir li enn krwayan, me ki pe viv enn lavi debos, li enn rapas, li ador bann idol, li insilte ek abiz so prosin, li enn soular ou enn voler. Fode pa manz ansam ar enn dimoun koumsa.

Nouvo Testaman Kreol Morisien Harmonisation NTPS KM

¹¹ Mo ti pe rod dir zot pa asosie zot ar kikenn ki dir li enn krwayan, me ki pe viv enn lavi debos, li enn rapas, li ador bann idol, li insilte ek abiz so prosin, li enn soular ou enn voler. Fode pa manz ansam ar enn dimounn koumsa.

1 Ko 5:11 Referans Kwoze

Let pou Romin 16:17

Mo sipliye zot, bann frer, bann ser, res lor zot gard kont bann dimoun ki diviz lezot pou fer bann klik, e egar zot par bann ansegnman ki kontrer ar seki zot ti aprann. Evit sa bannla.

2 Tes 3:14

Si kikenn pa obeir mesaz ki dan sa let la; rey so nom e pa gagn okenn kontak ar li; sa pou fer li gagn onte.

2 Tes 3:6

Mo bann frer ek ser, lor nom nou Segner Zezi Kris, nou dimann zot pou gard zot distans avek bann krwayan ki pe viv dan dezord e pa pe swiv bann tradision ki nou finn donn zot.

Mt 18:17

Si li refiz ekout zot, dir tou ar legliz; e si li refiz ekout legliz, konsider li kouma enn payin oubien enn komi tax.

1 Ko 5:13

Bondie pou ziz bann ki andeor. Lekritir dir, “Met deor seki move parmi zot.”

2 Zn 1:10

Si kikenn vinn kot zot e li pa amenn sa lansegnman la, pa bizin zot akeyir li, ni resevwar li.

Revelasion 22:15

Me andeor lavil ena bann lisien ek bann sorsie, bann dimoun imoral, kriminel, bann adorater idol ek tou bann ki kontan e pratik mansonz.

Revelasion 21:8

Me bann las, bann infidel, bann deprave, bann asasin, bann ki viv lavi imoral, bann mazisien, bann ki ador zimaz, ek tou bann manter, zot plas pou dan basin dife ek souf; samem deziem lamor.”

1 Tim 3:3

Fodre pa ki li enn soular, ni kontan lager, ni fer koze vinn long ek kontan larzan. Li bizin enn dimoun trankil ki pena enn lintere personel.

Mt 23:25

Maler lor zot, dokter lalwa ek Farizien ipokrit! Zot netway andeor tas ek pla, me andan zot ranpli ar vis ek move dezir.

Revelasion 2:20

Me mo ena enn repros pou fer twa. To toler Zezabel ki apel limem enn profet, ki pe ansegne e ki pe detourn mo bann serviter pou pratik imoralite ek manz manze ki finn ofer kouma sakrifis pou bann idol.

Ef 5:5

Ala mo dir zot enn zafer ki sir: okenn dimoun imoral, indesan ou akaparer - sa enn form idolatri - pa pou gagn so par dan Rwayom Lekris ek Bondie.

Lk 21:34

“Pran kont pouki zot leker pa angourdi par tousort kalite kiksoz, par labwason ek bann difikilte lavi, sinon Gran Zour la pou tom lor zot san ki zot atann,

1 Ko 6:10

voler, akaparer, soular, bann ki dir dimal lor Bondie ek bann eskro, pa erit Rwayom Bondie.

Let pou Kolosien 3:5

Tou seki fer parti lavi lor later an zot, fer li mor: move lavi, inpirte, lapasion, bann move dezir ek lamour larzan ki enn form lidolatri.

1 Ko 8:11

Akoz to konesans enn frer ki feb pou tonbe, samem frer pouki Lekris finn donn so lavi.

1 Ko 6:6

Enn frer trenn enn lot devan lakour pouki non-krwayan fer zizman!

Let pou Romin 13:13

Anou konport nou onetman kouma anplin lizour; pa viv dan fiesta, soulezon, imoralite sexiel, vis, lager ek zalouzi.

Revelasion 2:14

Me mo ena enn ti repros pou fer twa: to ena kot twa enn bann dimoun ki ankor atase ar doktrinn Balam ki ti insit Balak pou met enn piez pou blok bann Izraelit. Li ti pous zot pou manz laviann ki finn ofer kouma sakrifis pou bann idol e pou fer prostitision.

1 Tim 6:5

e bann koze zame fini ant dimoun tilespri ek dan lerer. Zot panse ki ar larelizion kapav fer profi larzan.

Ef 5:18

Pa nek soul zotmem ar divin, sa pou amenn dezord dan zot lavi; me ki Lespri ranpli zot.

Ga 2:12

Ofet avan ki Zak ti avoy sertin dimoun, Pier ti pe manz avek bann payin; me ler bannla vini, li retir li, li ti per bann ki partizan sirkonsizion.

1 Ko 11:21

Parski letan pou pran repa, sakenn prese pou manze. Lerla ena ki res san manze, ena lot ki finn sou.

1 Ko 10:14

Akoz sa, mo bann kamarad, zot bizin sove devan lidolatri.

1 Ko 7:15

Me, si seki pa krwayan la desid pou kite ale, les li ale. Frer la ou ser la pena okenn lien. Bondie oule ki so zanfan viv dan lape.

1 Ko 7:12

Pou toulezot (pa Lesegner ki dir sa, me mwa) mo dir: si enn frer ena enn fam ki pa krwayan me ki dispoze viv ar li, fode pa ki frer la repous li.

Zistwar Bann Zapot 9:17

Ananias ale, li rant dan lakaz kot Sol ti ete, li poz lame lor li e li dir li, “Frer Sol, Lesegner Zezi ki ti aparet devan twa lor sime ler to ti pe vinn isi, finn avoy mwa pouki to retrouv kler e ki to ranpli ar Lespri Sin.”

Lk 18:11

Farizien la ti pe dibout enn kote, apar, e li ti pe priye dan so leker, ‘Bondie, mo remersie twa ki mo pa kouma bann lezot dimoun, voler, explwater, adilter, e sirtou pa kouma sa komi tax la.

Zistwar Bann Zapot 1:15

Detrwa zour apre, Pier debout dan milie bann frer ki ti la; ti ena anviron san-vin e li ti dir,

1 Ko 6:9

Zot pa kone ki seki pratik lemal pa erit Rwayom Bondie? Pa anbet zotmem. Bann ki pratik imoralite, idolatri, adilter, bann zom-fam ek bann omosexiel,