1 Ko 16:9 - Nouvo Testaman dan Kreol Morisien

⁹ Laport finn ouver angran pou fer enn travay isi, mem si ena bann adverser.

Nouvo Testaman Kreol Morisien Harmonisation NTPS KM

⁹ Laport finn ouver an gran pou fer enn travay isi, mem si ena bann adverser.

1 Ko 16:9 Referans Kwoze

2 Ko 2:12

Letan mo ti vinn Troas pou anons Bonn Nouvel Lekris mo ti dekouver ki Lesegner ti ouver enn laport pou mwa

Let pou Kolosien 4:3

Kan zot priye, priye ousi pou nou: ki Bondie ouver enn laport pouki nou gagn lokazion anons mister Lekris; se pou sa ki mo dan prizon:

Zistwar Bann Zapot 14:27

Kan zot finn ariv la, zot ti reynir bann dimoun legliz e zot ti rakont tou seki Bondie ti fer atraver zot e kouma li finn ouver laport ar bann non krwayan.

Let pou Filipien 3:18

Mo finn deza dir zot e avek larm dan mo lizie mo pe redir zot ankor ki ena boukou dimoun ki viv kouma lennmi lakrwa Kris.

1 Ko 15:32

Kiserti mo lager kont bann zanimo dan Efez, si li zis pou lizie dimoun? Si bann mor pa resisite, alor anou manze-bwar parski dime nou pou mor.

2 Ko 1:6

Si nou dan soufrans, li pou zot, pouki zot gagn rekonfor ek delivrans; si nou trouv rekonfor, li pou zot, pouki zot resevwar konsolasion letan zot siport avek pasians bann mem soufrans ki nou pe viv.

Let Zak 5:16

Alors, zot bizin konfes zot pese ant zot e sakenn priye pou so kamarad, pouki zot kapav geri. Lapriyer enn dimoun ki zis, li ena enn pwisans e li efikas.