1 Ko 12:3 - Nouvo Testaman dan Kreol Morisien

³ Mo oule zot kone ki dimoun ki gide par Lespri Bondie pa pou kapav dir, “Zezi li modi.” E personn pa kapav dir, “Zezi li mem Segner,” si li pa gide par Lespri Sin.

Nouvo Testaman Kreol Morisien Harmonisation NTPS KM

³ Mo oule zot kone ki dimounn ki gide par Lespri Bondie pa pou kapav dir, “Zezi li modi.” E personn pa kapav dir, “Zezi limem Segner,” si li pa gide par Lespri Sin.

1 Ko 12:3 Referans Kwoze

2 Ko 3:5

Pa nou ki ena konpetans pou fer sa travay la, Bondie ki donn nou kapasite.

Let pou Romin 10:9

Si par to prop labous to konfese ki Zezi limem Lesegner e to krwar ki Bondie finn resisit li depi lamor, to pou sove.

Zn 13:13

Zot abitie apel mwa ‘Met ek Segner.’ E zot ena rezon. Momem Met ek Segner.

1 Ko 8:6

me pou nou ena enn sel Bondie, nou Papa, ki finn kre tou kiksoz, e par li ki nou ena lavi. Ena osi enn sel Segner, Zezi Kris; par li tou kiksoz existe e par li nou ena lavi.

Zn 15:26

Kan Sa-Enn ki pou defann zot la pou vini, li pou donn so temwagnaz lor mwa. Li sorti kot mo Papa; mo pou avoy li e limem Lespri laverite.

Mt 22:43

Zezi dir zot, “Be kouma David ki ti anba gid Lespri Sin, finn kapav apel li ‘Segner’? Parski David limem finn dir:

Mk 9:39

Zezi dir, “Pa anpes li; dimoun ki servi mo nom pou fer enn mirak, pa kapav mal parl mwa apre;

1 Ko 16:22

Si kikenn pa kontan Lesegner, ki li modi. Maranata. Vini Segner!

2 Ko 11:4

Anefe, zot kapav toler ninport kisannla ki vinn pres enn Zezi diferan ar seki nou finn anons zot; zot pare pou resevwar enn lot lespri e enn lot Bonn Nouvel ki diferan ar Lespri e Bonn Nouvel ki nou finn anons zot.

Let pou Romin 9:3

Mo ti pou souete ki malediksion lor mwa, e ki mo separe ar Lekris, pou dibien mo bann frer, ki mem ras ki mwa.

Revelasion 1:10

Zour Lesegner, Lespri Sin finn sezi mwa e mo finn tann enn lavwa for deryer mwa ki rezone kouma enn tronpet;

Ga 3:13

Kris, ki ti vinn enn malediksion pou nou, finn peye pou delivre nou depi sa malediksion la, parski finn ekrir: “Malediksion pou dimoun ki pandi ar pie.”

Zn 13:14

Si mwa ki Met ek Segner, mo finn lav zot lipie, asterla, zot osi zot bizin lav lipie zot kamarad.

Zistwar Bann Zapot 8:37

Filip dir, “Si to krwar avek tou to leker, li posib.” Li reponn, “Mo krwar ki Zezi Kris limem Garson Bondie.” ]