Biblia Todo Logo
Bib sou entènèt

- Piblisite -




1 Ko 10:13 - Nouvo Testaman dan Kreol Morisien

13 Tou tantasion ki zot finn gagne li parey kouma seki tou dimoun gagne. Bondie fidel dan so promes ek li pa pou les zot gagn enn tantasion ki zot pa kapav tini. Kan zot pou tante, li pou donn zot enn sime pou sorti ladan.

Gade chapit la Kopi

Nouvo Testaman Kreol Morisien Harmonisation NTPS KM

13 Tou tantasion ki zot finn gagne li parey kouma seki tou dimounn gagne. Bondie fidel dan so promes ek li pa pou les zot gagn enn tantasion ki zot pa kapav tini. Kan zot pou tante, li pou donn zot enn sime pou sorti ladan.

Gade chapit la Kopi




1 Ko 10:13
48 Referans Kwoze  

alor Lesegner kone ki fason pou delivre bann dimoun drwat depi zot difikilte e kouma li gard bann peser anba so pinision ziska zour zizman;


Lesegner pou delivre mwa ankor depi tou bann piez ek li pou gard mwa pou so rwayom. Laglwar pou li dan leternite. Amen.


Me Lesegner ki fidel, li pou fortifie zot e gard zot proteze kont diab.


Dan zot konba kont pese, zot pa ankor ariv staz reziste ziska ki disan koule.


Seki apel zot li fidel e li fer seki li dir.


Li dir zot, “Kifer zot pe dormi? Leve, priye pouki zot pa rant dan piez tantasion.”


Dan sa kalite danze lamor la ki li finn sap nou, e li pou kontigne delivre nou. Nou finn met nou lespwar dan li; nou sir ki li pou sap nou ankor.


Parski to finn res fidel ar mo parol, mwa osi mo pou protez twa kont maler ki pou tap lemonn antie e teste bann abitan later.


Pa per si zot pou bizin soufer. Diab pou bon tant zot e pou met plizir parmi zot dan prizon pou dis zour. Res touzour fidel ziska lamor e mo pou rekonpans zot.


Alor bann ki pe soufer akoz volonte Bondie, ki zot kontigne fer seki bien e zot soumet devan zot Kreater ki gard touzour so promes.


Si nou konfes nou pese, Bondie ki fidel ek zis, pou pardonn nou pese ek lav tou seki mal dan nou.


Bondie ki finn apel zot pou viv enn kominion ar so Garson Zezi Kris, sa Bondie la li fidel.


Par lafwa, Sara, malgre so vieyes, ti resevwar pouvwar pou gagn zanfan parski li ti krwar dan fidelite Bondie ki ti finn fer sa promes la.


Anou tini ferm lesperans ki nou proklame, parski Bondie gard touzour so promes.


Pardonn nou nou pese, parey kouma nou pardonn bann seki ofans nou. Pa les nou tom dan tantasion.”


Bondie pa koz manti. Alor so promes ek so serman, sa de kiksoz ki pa kapav sanze. So promes bizin ankouraz nou pou tini ferm dan lesperans ki finn propoz nou.


Lerla mo trouv lesiel ouver e enn seval blan paret. So kavalie ti apel Fidel ek Verite. Li drwat dan so zizman e li konbat avek lazistis.


Anplis, ant nou finn met enn gran separasion pou anpes zot vinn kot nou e nou al kot zot.’


Lezot ti bizin servi plans ouswa debri bato pou swiv. Koumsa zot tou ti ariv sin e sof.


Pa les nou tom dan tantasion Me tir nou dan lemal.’


Swiv nou:

Piblisite


Piblisite