1 Ko 10:11 - Nouvo Testaman dan Kreol Morisien

¹¹ Tousa maler la finn ariv bannla kouma enn lexanp pou lezot, e sa finn ekrir pou averti nou parski nou pe viv dan letan kot lafin pe vini.

Nouvo Testaman Kreol Morisien Harmonisation NTPS KM

¹¹ Tousa maler-la finn ariv bann-la kouma enn lexanp pou lezot, e sa finn ekrir pou averti nou parski nou pe viv dan letan kot lafin pe vini.

1 Ko 10:11 Referans Kwoze

Let pou Romin 15:4

Touseki ti ekrir dan Lekritir lontan ti ekrir pou nou linstriksion, pouki nou gagn lesperans par landirans ek rekonfor ki li donn nou.

Let pou Romin 13:11

Pran sa bien serye, parski zot kone dan ki letan nou pe viv. Ler finn arive pouki zot sorti dan somey. Ladelivrans pli pre asterla ki letan nou ti krwar premie fwa.

1 Zn 2:18

Mo bann zanfan, lafin pe aprose. Zot finn tande ki antikris pe vini, asterlamem ena boukou lennmi Lekris ki finn fini vini. Koumsamem nou kone ki lafin li pre.

1 Ko 9:10

Anrealite, eski pa pou nou ki Bondie pe dir sa? Wi, sa finn ekrir pou nou, parski kan enn planter pe travay later, ek kikenn pe kraz lafarinn, zot ena lespwar pou gagn enn par dan rekolt ki pou fer.

Let pou Filipien 4:5

Les tou dimoun konn zot bonte. Lesegner pe vini biento.

Let pou Romin 4:23

Parol ki dir, “Bondie ti konsider li enn dimoun ki drwat” pa finn ekrir zis pou li tousel,

Eb 10:25

Anou pa abandonn nou lasanble kouma detrwa finn pran labitid; okontrer anou plis ankouraz nou kamarad parski kouma zot trouve zour Lesegner pe aprose.

Eb 10:37

Parey kouma Lekritir finn dir: “Zis enn tipe letan ankor sa kikenn ki pou vini la pou arive, e li pa pou tarde.”

1 Ko 7:29

Seki mo pe rod dir, bann frer ek bann ser, letan ki reste bien tigit. Depi aster bann zom marye bizin viv kouma dir zot pena fam;

Mt 13:39

sa lennmi ki sem move lerb limem Satan, rekolt reprezant lafin-dimonn, e bann travayer zotmem bann anz.

Mt 13:40

Parey kouma nou ramas bann move lerb pou brile, koumsamem li pou ete ler lafin-dimonn arive.

Let pou Romin 13:12

Lanwit pe preske fini, lizour pe aprose. Anou aret pratik bann aksion ki fer dan lobskirite e anou pran bann zarm ki servi dan lalimier.

1 Ko 10:6

Sa finn arive kouma enn lexanp pouki nou pa gagn move dezir dan nou leker kouma bannla.

Ga 4:24

Sa zistwar la, li osi ena enn lot sinifikasion. De fam la reprezant de lalians. Enn lalians sorti Sinai li donn nesans bann zanfan esklav: sa Agar, sa.