1 Ko 1:6 - Nouvo Testaman dan Kreol Morisien

⁶ Temwagnaz ki nou finn rann lor Lekris finn bien ankre dan zot.

Nouvo Testaman Kreol Morisien Harmonisation NTPS KM

⁶ Temwaniaz ki nou finn rande lor Lekris finn bien ankre dan zot.

1 Ko 1:6 Referans Kwoze

Revelasion 1:2

Zan pou temwagn lor tou seki li finn trouve konsernan parol Bondie ek temwagnaz Zezi Kris.

2 Tim 1:8

Pa per pou donn to temwagnaz lor nou Segner. Pa gagn onte pou mwa ki dan prizon akoz li. Pran to soufrans pou Bonn Nouvel avek lafors ki Bondie done.

1 Tim 2:6

ki finn met so lavi angaz pou liber tou dimoun. Bondie pe rann so temwagnaz dan ler ki ti fixe.

Revelasion 19:10

Alor mo tom azenou pou ador li, me li dir mwa, “To pa fer sa! Mo enn koleg serviter avek twa ek to bann kamarad, bann temwin fidel Zezi. Bondie ki to bizin adore parski temwagnaz Zezi samem lespri ki inspir bann profet.”

2 Ko 12:12

Bann sign ki prouve ki mo enn apot, finn realize parmi zot, avek enn pasians parfe: bann mirak, bann mervey e bann aksion pwisan.

Let pou Romin 15:19

par pwisans sign ek mirak, par pwisans Lespri Sin. Mo finn repann Bonn Nouvel Zezi Kris abondaman depi Zerizalem ziska provins Iliri.

Zistwar Bann Zapot 20:24

Pou mwa mo lavi pena okenn valer; linportans, seki mo akonplir devwar ki mo finn resevwar ar Lesegner Zezi. Li finn konfie mwa pou rann temwagnaz Bonn Nouvel ki montre lagras Bondie.

Revelasion 12:17

Lerla dragon ti ankoler kont fam la, e li ti al deklar lager avek leres so desandan, bann ki res fidel ar komannman Bondie ek ki res bann disip Zezi.

2 Tes 1:10

Letan li vini zour so glorifikasion parmi tou so pep, li pou admire par bann dimoun ki finn krwar dan li e zot osi zot pou parmi akoz zot temwagnaz.

Ga 3:5

Bondie, kan li donn zot so Lespri e fer bann mirak parmi zot, eski li fer sa akoz zot pratik lalwa oubien parski zot finn met zot lafwa dan saki zot finn tande?

Zistwar Bann Zapot 28:23

Zot ti tom dakor lor enn dat randevou avek Pol, e zot ti vinn kot li ar boukou lot dimoun ankor. Pol ti anons zot Rwayom Bondie. Li ti servi lalwa Moiz ek liv profet pou li konvink zot lor Zezi. Li ti fer sa depi gramatin ziska tanto.

Zistwar Bann Zapot 23:11

Aswar Lesegner vinn dibout kot Pol e li dir li, “Pran kouraz! Parey kouma to finn rann temwagnaz lor mwa dan Zerizalem, koumsamem to pou fer dan Rom.”

Zistwar Bann Zapot 22:18

Mo trouv Lesegner e li dir mwa, ‘Degaze, kit Zerizalem, parski zot pa pou aksepte ki to rann temwagnaz lor mwa.’

Zistwar Bann Zapot 20:21

Mo finn rann temwagnaz ar bann Zwif ek bann Grek ki zot bizin repanti devan Bondie e gard lafwa dan Lesegner Zezi.

Zistwar Bann Zapot 18:5

Kan Silas ek Timote ti vinn depi Masedwann, Pol ti devoue tou so letan zis pou pres laparol ek dir bann Zwif ki Zezi limem Lemesi.

Mk 16:20

So bann disip sorti e zot al proklam Bonn Nouvel partou kote; Lesegner ti pe travay avek zot e bann mirak ki ti pe arive ti pe montre ki zot predikasion ti vre.]

Revelasion 12:11

Me zot, zot finn gagn batay par disan Annyo Bondie e par parol zot temwagnaz, parski zot pa ti telman atase ar zot lavi pou zot refiz lamor.

Revelasion 6:9

Ler li ti ouver sinkiem sele, mo trouv anba lotel, nam bann ki ti finn masakre akoz parol Bondie ek temwagnaz ki zot ti finn done.

Revelasion 1:9

Mwa, zot frer Zan, ansam ar Zezi mo partaz zot soufrans e rwayote, pasians ek landirans. Mo retrouv mwa lor lil Patmos akoz parol Bondie ek temwagnaz Zezi.

Zistwar Bann Zapot 11:21

Lame Bondie ti lor zot ek enn kantite ti krwar e ti tourn ver Lesegner.

Zistwar Bann Zapot 11:17

Si Bondie finn donn bannla mem don ki li finn donn nou kan nou ti krwar dan Zezi Kris, mwa ki mo ete pou reziste Bondie?”