Yuuta 1:3 - Eriiraghano Eriihë

³ Abhasiighani bhaane, ꞉niighombiri chwee kobhaandëkëra ighoro e bhotoori bhuno toghusanga itu bhoose. Amare nerooche kubha nekwëndëru nebhaandëkërë anyaarubha ino, nebhasasaame kubha, mwiköngʼi ghochonga obhuhëënë bho bhokumi bhuno Eryobha rebhaheere abhaato bhaache abhatööbhiyu mara rimu hangʼu kwo riibhagha ryose.

Yuuta 1:3 Referans Kwoze

1 Timotewo 6:12

Wiköngʼi kurööna eriihë ichömu re bhokumi bhwito, ughöötërërë obhuhöru bho miishe ghyose. Obhuhöru bhuyo, Eryobha ndebhabherekiire mobhubhönë, na moruusiri obhwibhateri bho mahëënë ambërë e bhiibhateri bhaaru kubha, moghwitëngʼëra kobhubhöna.

Abhabhiribhi 1:27

Angʼana e hëënë n‑kubha, atëëmö yaanyu irëngʼaane na Angʼana Anchömu e Kirisito. Hano nekuucha kobharighi hamu nenganga kuucha, nibhe nerooghu kubha mokwëndërëra kwimeerera muköngʼiiri na kubha no obhumu, wiiki haghirohamu moonyi gho kunyaakera obhuhëënë bho Angʼana Anchömu bhuno toghokumi.

Yuuta 1:20

Amare inyu abhasiighani bhaane, muköngʼëri mo‑bhuhëënë bho bhokumi bhoonyu bhuno bhoonyi obhutööbhiyu chwee, na mubhe morasabha kwo bhotoro bho Körö Ahörëëru.

Obhohunyurëru 12:11

Ibheere abhakumi bhaghëndi bhiito mbamohichiri kwo masaahë gha Moona o Ngʼöndu, na kwo ngʼana e bhwibhateri bhoobho, mbamohichiri. Bhatatereeriri eriimanya reebho, mbaare bhiisëëmiri ghoku gho ghiri e komokumi Omoona o Ngʼöndu.

Tiito 1:4

ˆNeghakwandëkëra iye Tiito, omoona waane o muhëënë mo‑bhokumi bhuno tusangiri haghirohamu. Neghokwëndëra aghareeya no omurëmbë koru kwo Waryobha Taata na gho Kirisito Yesu Omotoori wiito, ghibhe haghirohamu na niiye.

Obhohunyurëru 2:10

Motatiina anyaako ino ekuucha ghokoonyu. Mumööhi! Erishambu ndekobhasaki gho kobhatoora abhamu ghate yaanyu mwighërëcha. Inyu mokunyaaka gho chaasiko ikomi. Amare mubhe abhahëënë ghokoone, mbagha ghoku, na neeni nekobhaha atuho e bhuhöru bho miishe ghyose.

2 Timotewo 1:13

Ughöötë bhoheene ameeghi gha bhuhëënë ghano ꞉neekweghiri. Ogheeghi ghayo na usaaghe no obhokumi no obhosiighi bhuno bhokubhönëka gho komokumi Kirisito Yesu.

1 Timotewo 1:18

Omoona waane Timotewo, ˆneghakuha amëërëkërëri ghayo, kurëngʼaana na amangʼana gha bharööti ghano ꞉ghaasiikiiru ighoro yaacho. Amangʼana ghayo ngaghoghotoori kurööna eriihë ichömu re meremo ghe Ryobha.

Abhagharatiya 2:5

Amare totiishereriini nabho koru hasuuhu. Ntuköriri hangʼu kubha tochonge obhuhëënë bho Ngʼana Anchömu bhusaaghe na niinyu chaasiko choose.

Abheebhuraaniya 13:22

Inyu abhahiiri bhaane, ˆnekabhasasaama chwee mughöötë amangʼana ghano nebherekeriiri, gho kubha nebhaandëkiire kwo bhoghuhe.

Amaköri gha Bhatomu 9:22

Sawuri akëëngëra kweghi abhaato kwo Mandëkö ighoro e Yesu, gho changuru akabha arabhëërëki obhuhëënë akaroghoori Abhayahuuti bhano ꞉bhaamanyiri Tamaasiko kubha Yesu niwe Kirisito.

1 Abhatesaronike 2:2

Wiiki mweche kubha hano toore tokeere kohika bhowaanyu, ntunyaakibhuru na ghotoku mo‑moghya o Bhiribhi. Nangabha bhowaanyu ꞉haare haköngʼu chwee, Eryobha reghatuha changuru che kobharaghaneri Angʼana Anchömu ighoro e Yesu kwo bhosubhesubhe.

1 Abhakorinto 15:3

Nebheeghiri ameeghi gha bhwëra ghano eni omwene neghasongʼaaniri, kubha Kirisito ꞉naakuure gho ghiri e masari ghiito, kinya bhuno yandëkuru mo‑Mandëkö Amatööbhiyu.

Amaköri gha Bhatomu 4:12

“Obhotoori mbokubhönëka kwo riina re Yesu Kirisito omwene chiri! Retaanyi‑ho eriina erende mo‑se ino rino rekwëndëru ghototoori itu, ne eriina re Yesu eryene chiri!”

Amaköri gha Bhatomu 18:28

Abhooro naare arabhakinda Abhayahuuti ambërë e bhaato kwo bhosubhesubhe, gho köbhëërëki bhoheene mo‑Mandëkö Amatööbhiyu kubha Yesu niwe Kirisito.

Amaköri gha Bhatomu 17:3

arabhëërëki kimu kimu kubha, Kirisito ꞉nëëndiiru anyaakibhu na ghwitu, aramara aryoke koru mo‑bhaku. Bhawuro akabhabhoorera kubha, “Kirisito uyo, niwe Yesu uno nebharaghaniiri amangʼana ghaache.”

Yuuta 1:17

Amare inyu abhasiighani, mohiite amangʼana ghano abhatomu bha Mutëmi wiito Yesu Kirisito ꞉bhaabhughiri.

2 Bheetero 1:1

Anyaarubha ino neyandëkiri eni Simiyooni Bheetero, omutamishi no omotomu o Yesu Kirisito. ˆNekabhaandëkëra inyu bhano mobhwine obhokumi bhuno bho riighori ikoro, kinya bhuno itu bhoose ꞉toobhwine gho kohetera obhuhëënë bho Ryobha no Omotoori wiito Yesu Kirisito.

1 Bheetero 5:12

ˆNekabhaandëkëra anyaarubha ino inguhe, kwo bhotoorereri bho Sirwano. Eni nyeeche bhoheene kubha, n‑omokumi omuhëënë. Kino nekwënda, n‑kobhatoora omukörö na kobhahëënëhëri kubha amangʼana ghano mahëënë n‑aghareeya e Ryobha. Kurëngʼaana na aghareeya iyo, mwimeerere muköngʼiiri!

Abhakorosaayi 1:2

Ntokobhaandëkëra inyu abhaato bha Ryobha bhano mwikeere mo‑moghya o Korosaayi, inyu abhahiiri bhiito abhahëënë gho ghughöötana na Kirisito. Ntököbhëëndëra aghareeya no omurëmbë koru kwo Waryobha Taata wiito ghibhe haghirohamu na niinyu.

Abhabhiribhi 1:1

Anyaarubha ino neyandëkiri eni Bhawuro haghirohamu na Timotewo omutamishi mughëndi waane o Kirisito Yesu. Ntokobhaandëkëra inyu amasikoofu na amashemaasi, haghirohamu na abhatööbhiyu bha iyo Bhiribhi bhano mughöötaniibhu na Kirisito Yesu.

Abhaebheeso 1:1

Anyaarubha ino neyandëkiri eni Bhawuro, uno nebherekiiru kubha omotomu o Yesu Kirisito, kwo mënda gha Ryobha. ˆNekabhaandëkëra inyu abhatööbhiyu bha Ryobha bhano mumanyiri Ebheeso, bhano momokumiri Kirisito Yesu.

Abhagharatiya 6:11

Mumööhi kinya nyandëkiri kwo mandëkö amakoro, gho kubhökö koone eni mwene.

Amaköri gha Bhatomu 28:28

Bhawuro akabhugha, “Mbe! Mumënyë ibheere kubha, obhotoori bhuno bhoruure kwo Waryobha, ˆbhokahiru nakuraghanibu mo‑bhaato bha matöngö. Ibho mbakobhutëghëërëra na kobhughënëhi!” [

Amaköri gha Bhatomu 20:27

gho kubha ghano ghoose Eryobha reere rërëënda mumënyë, nebhabhooriire ghoose netaanyi na ahaho yoyoose.

Abhagharatiya 3:28

Gho ghayo, bhotaanyi‑ho obhwahukani ghate e Muyahuuti no omooto o matöngö, hamu omusësë no omooto huuru, hamu omosubhe no omukari. Bhoose murëngʼiine, gho kubha mughöötiine na Kirisito Yesu.

Amaköri gha Bhatomu 6:7

Angʼana e Ryobha ëkëëndërëra ghusancha mo‑bhaato. Wiiki ekirëngërë ke bhaghëndi bha Yesu ghëkëëngëra chwee iyo Yerusareemu, na koru erikinda ikoro re bhachaama bhakamokumi Yesu.

Amaköri gha Bhatomu 9:13

Ananiya akabhugha, “Omutëmi, abhaato bhaaru mbambooriire kebhuno Sawuri uyo abhaköriire abhaato bhaacho abhatööbhiyu amabhe iyo Yerusareemu!

Abheebhuraaniya 6:9

Inyu abhasiighani bhaane, nangabha nebhaandëkiire kwo mangʼana mahaari, koru hangʼu eni neenyi no obhuhëënë kubha moghuköra amachömu ghano ghakwërëki kubha motooriibhu.

2 Bheetero 2:21

Nengabheere ngʼoni ghokoobho aribha bhatangamënyiri inkongʼorimu emeghiro ghino ghekwërëkërëri kino Eryobha rekwënda, ghokera bhaghimënyë, bharamara bhaghetighe emeghiro emitööbhiyu ghino bhahaabhuru.

Yuuta 1:1

Anyaarubha ino neyandëkiri eni Yuuta, omutamishi o Yesu Kirisito, no omonyi waache Yakobho. ˆNekabhaandëkëra inyu bhano mosiighiru na kobherekeru na Taata Waryobha, na ghochongu bhoheene na Yesu Kirisito.