Yuuta 1:15 - Eriiraghano Eriihë

¹⁵ kubha atenere ekiina abhaato bhoose, na kobharööna abhaköri bha masari kwo maköri ghaabho amabhe, haghirohamu na amangʼana amabhe ghoose ghano bhaghosiikëra ighoro e Mutëmi.”

Yuuta 1:15 Referans Kwoze

1 Abhakorinto 4:5

Ibheere, motighe ghotenera ekiina abhaato eriibhagha reeche rekeere kohika, mughanye mbagha orosiko runo Omutëmi Yesu akuucha. Iwe niwe akobhetoora haheero ebheghiro bhyose bhino bhebhisuru mo‑kengʼuuri na kwërëki bhino bheenyi mo‑metema ghe bhaato. Niho omooto woose akubhöna aghongo ino emurëngʼaaniire, koru kwo Waryobha.

Abharuumi 2:16

Hangʼu nibhu ekubha orosiko ro ghoteneru ekiina. Eryobha ndekobhatenera ekiina abhaato kohetera Kirisito Yesu, koru kwo mangʼana ghaabho gha kebhisere, kinya ekobhugha Angʼana Anchömu ino nebharaghaniiri.

1 Timotewo 1:9

Wiiki, ntokwëndëru kumënya kubha emeghiro ghetatooruru gho ghiri e bhaato abhahëënë, amare n‑kwo bhano bhaghusari emeghiro na kwo bhano bhataanyi na asooko, na kwo bhano bhataakorekumi Eryobha na abhaköri bha masari, na kwo bhano bhataanyi no omukörö mwero na kwo bhaghonchu, na kwo bhano bhaghwita bhiishe na bhaanyina na kwo bhiiti bha bhaato,

Abharuumi 14:10

Ibheere, iye n‑niwe uno oghotenera ekiina omokumi mughëndi waacho? Na niiye ngwake oghutaraaha mughëndi waacho? Itu bhoose ntokwimeerera ambërë e ghetumbe ke Ryobha, na ghoteneru ekiina.

Abharuumi 2:5

Iye noonyi no omutu muköngʼu, wiiki nokwanga ghotuukuunera amasari ghaacho. Gho ghayo, noghwikomera anchagho e rosiko runo Eryobha reghotena ekiina keeche kwo bhuhëënë.

Amaköri gha Bhatomu 17:31

Gho ghayo, natooriri orosiko runo akobhatenera ekiina abhaato bhoose kwo meghiro na kwo bhuhëënë, gho nchëra e mooto uno ahwire. ꞉Naabhëërëkiri abhaato bhoose obhuhëënë bho mooto uno ahwire gho komoryoki koru mo‑bhaku.”

Yohana 5:27

Wiiki, namoheere Omoona obhotoro bho kobhatenera ekiina abhaato, gho kubha iwe n‑Omoona o Mooto.

Obhohunyurëru 22:20

Iwe uno akoruusi obhwibhateri bhooche ighoro e mangʼana ghano nakobhugha, “Hëënë, ˆnekaacha bhwango.” Hawubhaabha. Nuuche Omutëmi Yesu!

Obhohunyurëru 13:11

Nekamara, nekarighi oghotyenyi oghonde ghoratiira koru mwiröbhë. Oghotyenyi ghuyo ngoore na chahëmbë ibhere insuuhu kinya che gheghuruki, amare eriiraka reeche ndeere kinya re ghuchöka.

Yuuta 1:16

Abhaato bhayo mbahiingʼunyerangʼunyera na kwirereeri, bharatambana amiigha ghaabho amabhe. Mbiihachi chwee, na mbahaasiikëra amangʼana gha ghuchömëri abhaato gho ghiri e kwibhönëra obhwëra.

1 Abhakorinto 5:13

kinya bhuno yandëkuru mo‑Mandëkö Amatööbhiyu kubha, “Inyu momoruusi wuure omobhe ghate yaanyu.” Amare bhano bhaanyi anche, Eryobha ndekobhatenera ekiina.