Yohana 9:4 - Eriiraghano Eriihë

⁴ Eriibhagha hakeere omwishe, ntokwëndëru ghuköra emeremo ghe Ryobha rino rentomiri. Obhotiko mbokuucha, hano omooto ataaghotora ghuköra emeremo ghiyo.

Yohana 9:4 Referans Kwoze

Yohana 12:35

Yesu akabhabhoorera akabhugha, “Obhwero mboonyi haghirohamu na niinyu kwo riibhagha ighuhe hangʼu. Mughëndë mo‑bhwero bhuyo eriibhagha bhokeere bhoonyi‑ho, kubha ekengʼuuri ghetaacha kobhakinda. Omooto uno aghughënda mo‑kengʼuuri teeche hano aghuye.

Abhaebheeso 5:16

Muhökëri bhoheene eriibhagha rino, gho kubha chaasiko chino n‑che mabhe.

Yohana 4:34

Yesu akabhagharokeri akabhugha, “Ekiinyakurë keene n‑ghuköra amiigha gha uno antomiri, wiiki nimare emeremo gheeche.

Abhagharatiya 6:10

Mbe, eriibhagha ryoryose torabha no omweya, tobhakörërë abhaato bhoose amachömu, amare ahanene abhakumi bhaghëndi bhiito.

Yohana 17:4

Eni neghoghongiri hano mo‑se, gho kohikeerani emeremo ghino ontomiri ghoghiköra.

Abhakorosaayi 4:5

Mubhe na amangʼiini mo‑bhoghwani bhoonyu na abhaato bhano bhataamara bhamokumi Yesu, wiiki muhökëri eriibhagha reenyu bhoheene.

Yohana 5:36

Amare eni neenyi no obhwibhateri bhokoro chwee ghokera bhuure bho Yohana. Gho ghayo, emeremo ghino Taata aheere ghuköra nighyo ghino gheghungambëra kubha Waryobha Taata niwe antomiri.

Yohana 10:32

Amare iwe akabhabhoorera akabhugha, “Nëbhëërëkiri ebhiraghe bhyaru ebhichömu, bhino ꞉niiköriri gho changuru che Taata. N‑ngʼana ke mo‑ghayo ino eghughëri mwëndë kundasa na amabhohe?”

Yohana 10:37

Aribha nteeghuköra emeremo ghe Taata ghino aghoghiköra, mbe, motankumi.

Amaköri gha Bhatomu 4:20

Itu totaaghotora ghotigha ghosiikëra ighoro e mangʼana ghano torooche na ghoghooghu!”

Yohana 5:19

Yesu akabhabhoorera abhakangati bhaare akabhugha, “Mahëënë ˆnekabhabhoorera, Omoona taaghotora ghuköra ghyokyose gho changuru cheeche. Naghotora ghuköra ghano arooche Ishe araghaköra, wiiki ghoose ghano Ishe aghuköra, nigho ghayo ghayo Omoona aghuköra.

Yohana 7:33

Niho Yesu akabhabhoorera abhaato bhayo akabhugha, “Neekubha na niinyu kwo riibhagha ighuhe hangʼu, neramara neghugharuka wiiki ghokooche uno antomiri.

Mataayo 20:7

“Nabho bhaghagharokeri bhakabhugha, ‘Gho kubha taanyi‑ho omooto uno atoheere emeremo.’ “Iwe akabhabhoorera akabhugha, ‘Na niinyu moghi mukörë emeremo mo‑moghondo waane o misabhiibhu.’

Maariko 3:3

Yesu akamobhoorera omooto uno are akuure okubhökö akabhugha, “Nuuche, wimeerere ghateghate hano.”