Yohana 9:39 - Eriiraghano Eriihë

³⁹ Niho Yesu akabhugha, “Eni niichiri mo‑se hano ghotena ekiina, kubha abhahuku bharighi, wiiki bhano bhakorighi, bhabhe abhahuku.”

Yohana 9:39 Referans Kwoze

Yohana 3:19

Ghoteneru ekiina niko kuno, obhwero mbwichiri mo‑se, amare abhaato bhaaru mbasiighiri kubha mo‑kengʼuuri ghokera kubha mo‑bhwero, gho kubha amaköri ghaabho m‑mabhe.

Yohana 12:46

Eni niichiri mo‑se ino kinya obhwero, kubha omooto woose uno aghonkumi atighe kubha mo‑kengʼuuri.

Amaköri gha Bhatomu 26:18

gho ghiri obhahunyure amiisho, mbagha bharu mo‑kengʼuuri bhiigharurere obhwero, na bharu mo‑bhukangati bho Rishambu, bhiigharurere Eryobha. Hangʼu niho bhakwabhëru amasari ghaabho, mbaakubha haghirohamu na abhande bhoose bhano bhamusuru gho nchëra e ghonkumi.’

Yohana 8:12

Mbe, Yesu akëëndërëra ghosiikëra wiiki ne erikinda riire akabhugha, “Eni neeni obhwero bho se. Omooto wowoose uno aghuntambana eni, taaghughënda mo‑kengʼuuri naabha, amare naakubha no obhwero bhuno bhokomukangata mo‑bhuhöru bho miishe ghyose.”

1 Yohana 2:11

Uno amurëghiri mughëndi waache, namanyiri mo‑kengʼuuri. Wiiki naghughënda mo‑kengʼuuri, naghuköra egheghiro ghyokyose amare ateeche amabhe na amachömu, gho kubha ekengʼuuri ngekundekiiri amiisho ghaache.

Ruuka 4:18

“Akörö e Mutëmi Waryobha, neenyi haghirohamu na neeni. Wiiki, nimariri konyaahura kobhamënyi, abhahabhe Angʼana Anchömu. Nentomiri kwo bhabhöhu, nebhabhoorere kubha mbaghotighooroku. Abhahuku, bhatore korighi wiiki, na bhano bhakunyaakibhu, nebhatoori.

Ruuka 1:79

na ghotomorekera bhano tumanyiri mo‑kengʼuuri, na bhano twangiire mo‑kiriiri ke roko. Ndeghotukangata, tubhe toraheta mo‑nchëra e murëmbë.”

1 Bheetero 2:9

Amare inyu n‑orwibhoro orwahöru, na abhachaama bha ghitëmi, na abhaato abhatööbhiyu, na abhaato bha Ryobha eryene, kubha muraghani amaköri amakoro gha Ryobha. Iryo ndebhabherekiire koru mo‑kengʼuuri, moghi mo‑bhwero bhooche obhokoro bho koroghoori.

Abhaebheeso 5:14

Nikyo eghughambu kubha, “Bhooka iye uno osundaghiire! Oryoke koru mo‑bhaku, na Kirisito nakuucha ghokurëngaareri.”

2 Abhakorinto 2:16

Kwo bhano bhaghotooribhu, ekeneeso kiyo n‑ghichömu ngekurëëta obhuhöru. Amare kwo bhano bhakobhora, ekeneeso kiyo n‑kebhe, ngekurëëta oroko. Ibheere n‑niwe uno akurëngʼaanera ghuköra emeremo ghiyo?

Yohana 9:25

Iwe akabhagharokeri akabhugha, “Eni ntyeche aribha omooto uyo n‑omuköri o masari, amare nyeeche egheghiro kimu hangʼu, kubha n‑omohuku neere, amare ibheere nekorighi.”

Yohana 8:15

Inyu moghontenera ekiina eni kurëngʼaana na amiihëëbhö gha bhaato, amare eni nteekomotenera ekiina omooto wowoose.

Yohana 3:17

Eryobha retaamotomiri Omoona waache kubha atenere abhaato ekiina, amare abhaato bhatooribhu gho kohetera iwe.

Ruuka 13:30

“Mutëghëërërë! Abhaato bhano bhaanyi abhaanyuma ibheere, mbakuucha kubha a bhambërë. Wiiki bhano bhaanyi a bhambërë ibheere, mbaakubha abhaanyuma.”

Ruuka 7:21

Kwo riibhagha riyo riyo, Yesu naare arahöri abhaato bhaaru amabhabharu ghaabho. Naare ahöriri koru bhano bhatiiruru ne emisambu. Wiiki ꞉naaghëriri abhahuku bhaaru bhatore korighi.

Ruuka 2:34

Simiyooni akabhiitabheri hayo, akamobhoorera Mariyamu, nyina o moona uyo akabhugha, “Tëghëërëra! Omoona uno, ꞉naahwiru ne Eryobha, naghoghwishi na nakobhabhooki Abhiisiraeri abhande bhaaru. Naakubha ekimanyenkereri na abhaato mbaghokyanga,

Mataayo 11:5

Kubha, abhahuku ˆbhakarighi, na abhabhëëru ˆbhaghaghënda, na abhabhabharu bha mbiti ˆbhakahöra, na abhakiro bhakooghu, na abhaku ˆbhakaryoka. Wiiki, abhahabhe ˆbhakaraghaneru Angʼana Anchömu e Ryobha.

Mataayo 6:23

Amare aribha amiisho ghaacho ngasarëkiri, omobhere waacho woose nookubha ne ekengʼuuri. Aribha emirëngaari ghino gheenyi moose yaacho ngigharwire na kubha ekengʼuuri, m‑bhe kengʼuuri kiyo n‑ekengʼuuri ghe changuru!

2 Abhatesaronike 2:10

Wiiki nakobhangʼiina gho chanchëra chaaru bhoose bhano bhaanyi mo‑nchëra e kobhora, gho kubha mbaangiri ghosiigha obhuhëënë kubha bhabhönë ghotooribhu.

Mataayo 15:14

Mobhatighe, gho kubha bhayo n‑abhakangati abhahuku bha bhahuku! Aribha omohuku arakangata omohuku mughëndi waache, bhombe mbakwihööngörëra mwiribha!”

Yohana 12:31

Ibheere ˆrekahika eriibhagha re Ryobha ghotenera ekiina ase ino. Ibheere ˆrekahika eriibhagha re Eryobha kuhëëbha Erishambu mo‑bhukangati bho se ino.