Yohana 9:34 - Eriiraghano Eriihë

³⁴ Ibho bhakamugharokeri bhakabhugha, “Iye wibhwiru na kurëru kinya omuköri o masari. Kana, noonyi no obhotoro ke bho ghotweghi itu?” Mbe, bhakamuhëëbha aröbhökë anche.

Yohana 9:34 Referans Kwoze

Yohana 9:22

Abhiibhori bhaache ꞉mbaabhughiri hangʼu gho kubha mbaare bharatiina abhakangati bhaare, gho kubha abhakangati ꞉mbiishereriini kubha, omooto wowoose uno aghwishereri kubha Yesu n‑Kirisito, mbakomuhëëbha mo‑risinaghooghi.

Yohana 9:2

Abhaanabheegha bhaache bhakamobhoori bhakabhugha, “Oo Omweghi, omooto uno ꞉niibhwiru omohuku gho ghiri e masari gha we? Gha mooto uno hamu gha bhiibhori bhaache?”

Ruuka 18:17

Mahëënë ˆnekabhabhoorera kubha, omooto wowoose uno ataakobhwishereri obhutëmi bho Ryobha kinya omoona omosuuhu, taaghusöha‑mu naabha.”

Obhohunyurëru 13:17

Omooto wowoose taaghotora ghoghora hamu ghoghori egheghiro ghyokyose kiire aribha otatoriiru ekingʼöchö. Ekingʼöchö kiyo n‑eriina re ghotyenyi ghuure o ghumbërë, hamu n‑omubharo o bhingʼöchö bhe riina reeche.

3 Yohana 1:9

Mbe, ꞉neeryandëkiire eriikanisa anyaarubha, amare Tiwotireebhe uno asiighiri ghwikangati kinya niwe omokoro waabho, taaghwishererani na ameeghi ghiito.

1 Bheetero 5:5

Bhuure bhuure na niinyu abhabhureni, mokwëndëru mobhasooke abhagharuka bha riikanisa. Na niinyu bhoose mubhe abhaato abhanyööhu na mubhe moratoorani. Mukörë hangʼu, gho kubha Amandëkö Amatööbhiyu ngakobhugha, “Bhano bhakwihacha, Eryobha ndehaabhaanga, amare abhanyööhu, ndehaabhaha aghareeya.”

Abhaebheeso 2:3

Hayo kare koru itu bhoose ntoore kinya ibho, ntumanyiri gho ghutambana amiigha gha simoka yiito e masari, na ghuköra amangʼana ghano ꞉ghaare gharachömëri omobhere na amiihëëbhö ghiito. ꞉Ntwibhwiru na atëëmö e masari kinya abhaato abhande, gho ghayo, Eryobha ndeere retukarariire na nturëngʼaaniire kuhaabhu anchagho.

Abhagharatiya 2:15

M‑mahëënë kubha itu ntwibhwiru toonyi Abhayahuuti, totaanyi abhaato bha matöngö bhano tokobhabherekera “abhaköri bha masari.”

1 Abhakorinto 5:13

kinya bhuno yandëkuru mo‑Mandëkö Amatööbhiyu kubha, “Inyu momoruusi wuure omobhe ghate yaanyu.” Amare bhano bhaanyi anche, Eryobha ndekobhatenera ekiina.

Yohana 9:40

Mbe, Amabharisaayo abhamu bhano ꞉bhaare hayo, eriibhagha ꞉bhooghwire amangʼana ghayo, bhakamobhoori bhakabhugha, “Kana, nokobhugha koru itu bhoose m‑bhahuku toonyi?”

Yohana 9:35

Hano Yesu oghwire kubha mbamuhëëbhiri omooto uyo, aghaye komutabhara. Eriibhagha ꞉amobhwine, akamobhoori akabhugha, “Kana, nokomokumi Omoona o Mooto?”

Yohana 8:41

Inyu amaköri ghano moghuköra, ngakorwera ghwi iso owonde.” Abhayahuuti bhayo bhakamugharokeri bhakabhugha, “Itu totaanyi abhaana bhi ibhara, amare Eryobha eryene chiri niryo Taata wiito.”

Yohana 6:37

Abhaato bhoose bhano Taata aheere, mbakuucha ghokoone na ghonkumi. Wiiki nteekomwanga naabha koru umu uno akuucha ghokoone.

Ruuka 14:11

Wiiki, omooto woose uno aghwitiiri, Eryobha ndekomwiki haase. Omooto woose uno aghwitoora haase, Eryobha ndekomotiiri ighoro.”

Ruuka 11:45

Omooto umu, mo‑bheeghi bha meghiro ghe Musa akamugharokeri Yesu akabhugha, “Omweghi, hano ukobhugha amangʼana ghayo, noghotuchöngëra wiiki na niitu.”

Ruuka 6:22

Ngʼoni inyu, bhano abhaato bhakobharëgha, gho ghiri yaane eni Omoona o Mooto, na kobhaahura, bharabhatoka, na kobhaghamba kubha inyu m-bhabhe moonyi.

3 Yohana 1:10

Gho ghayo, hano nekuucha iyo, nëghöghëërëkani ghoose ghano aghuköra, na kinya aghosiikëra obhughëëghë ighoro yiito kwo mangʼana amabhe. Taanyi ghayo agheene, amare nakwanga ghughënëhi abhahiiri bhiito bhano bhaanyi mo‑rughëndö. Wiiki nakurëki abhaato abhande bhano bhakwënda kobhaghënëhi, na kobhahëëbha bharu mo‑riikanisa.