Yohana 8:46 - Eriiraghano Eriihë

⁴⁶ N‑niwe ghateghate yaanyu uno aghotora kuhëënëhi kubha eni n‑omuköri o masari? Erabha nekobhabhoorera gha bhuhëënë, mbe, ngwake motaaghonkumi?

Yohana 8:46 Referans Kwoze

Abheebhuraaniya 4:15

Omuchaama Omokoro uyo niwe abhweche obhutöbhu bhwito, gho kubha woose Erishambu ꞉ndeemusakiri gho chanchëra haghare haghare kinya itu, amare iwe taaköriri amasari.

Yohana 14:30

Nteeghotora ghosiikëra na niinyu amangʼana maaru, gho kubha omokoro o se ino akaacha. Amare taanyi no obhotoro ighoro yaane.

Yohana 8:7

Hano bhahënëriire komobhoori, Yesu akiimeerera, akabhagharokeri akabhugha, “Erabha anyi‑ho umu ghate yaanyu uno ataamara aköra amasari koru hasuuhu, ashame komurasa eriibhohe omukari uno.”

Maariko 11:31

Bhaghasëëma kobhoorani abheene kwo bheene kubha, “Torabhugha kubha, ‘꞉Mboorweriire Mwishaaro,’ naghotobhoori kubha, ‘Ngwake motaamokumiri?’

Mataayo 21:25

Kana, obhotoro bho Yohana bho kubhatiisa abhaato hayi ꞉bhoorweriire? ꞉Mboorweriire Mwishaaro kwo Waryobha ghasi mo‑bhaato?” Niho bhaghiisiikërëra bhakabhugha, “Aribha toragharokeri kubha ꞉mbooruure Mwishaaro, naghotobhoori kubha, ‘Mbe, ngwake kana motabhokumiri?’

1 Bheetero 2:22

Iwe taaköriri amasari ghoghoose, koru ghosiikëra obhuröngö bhobhoose.

Abheebhuraaniya 7:26

Omuchaama Omokoro anga uyo nakwëndëru chwee ghokwito gho kubha iwe m‑Mutööbhiyu, na taanyi ni isörö, wiiki taaköriri amasari ghoghoose ghaare. Eryobha ndemwahwire koru mo‑bhaköri bha masari, rekamotiiri ghuye Mwishaaro.

2 Abhakorinto 5:21

Kirisito taare na amasari ghoghoose, amare Eryobha ꞉ndeemubhariire amasari gho ghiri yiito, kubha itu tubhareru obhuhëënë ambërë e Ryobha gho kohetera ghokooche.

Yohana 18:37

Mbe, Bhiraato akamobhoori akabhugha, “Kana, m‑mahëënë kubha iye n‑omutëmi?” Yesu akamugharokeri akabhugha, “N‑iye ˆokabhugha kubha eni n‑omutëmi. Eni niibhwiru mo‑se ino, wiiki niichiri kubha nebheeghi abhaato obhuhëënë. Omooto wowoose uno aghutambana obhuhëënë, naghoghooghu amangʼana ghaane.”

Yohana 16:8

Eriibhagha akuucha, naakubha arabhëërëki abhaato bhoose ighoro e masari ghaabho, no obhuhëënë bhoone, wiiki kubha Eryobha ndekobhatenera ekiina.

Yohana 15:10

Aribha moraghööta amaraghereri ghaane, mokwëndërëra ghwikara mo‑bhosiighi bhoone, kinya bhuure eni nighöötiri amaraghereri gha Taata waane na ghwikara mo‑bhosiighi bhooche.

Yohana 8:47

Uno anyi o Ryobha nahaatëghëërëra amangʼana ghaache. Inyu motaaghutëghëërëra ghano Eryobha rekobhugha gho kubha inyu taanyi abhaato bha Ryobha moonyi.”