Yohana 8:33 - Eriiraghano Eriihë

³³ Ibho bhakamobhoori bhakabhugha, “Itu n‑orwibhoro ro Abhurahamu toonyi. Totaamara tuköru no omooto wowoose kubha abhasësë. Ngwake okobhugha kubha itu ntookubha huuru?”

Yohana 8:33 Referans Kwoze

Mataayo 3:9

Motabha moriihacha kubha mokwabhëru, gho kubha inyu m‑bha rwibhoro ro Abhurahamu moonyi. Mbe, ˆnekabhabhoorera, Eryobha ndeghotora komuha Abhurahamu abhaana koru mo‑mabhohe ghano!

Yohana 8:39

Ibho bhakamugharokeri bhakabhugha, “Taata wiito n‑Abhurahamu.” Yesu akabhabhoorera akabhugha, “Erabha mahëënë n‑abhaana bha Abhurahamu moonyi, mongabheere moraköra ghano Abhurahamu are araköra.

Yohana 8:37

Nyeeche kubha inyu n‑orwibhoro ro Abhurahamu, amare mokwënda koonyita eni gho kubha mokwanga ghokumi ghano nekobheeghi.

Yohana 19:25

Mbaare‑ho abhakari abhande bhano ꞉bhaare bhiimeeriire haghuhe no omusarabha o Yesu. Mo‑bhakari bhayo naare‑ho nyina Yesu, na nyina monyi Yesu, na Mariyamu omukari o Kiroobha, na Mariyamu o Maghitara.

Ruuka 3:8

Mbe, mukörë amaköri ghano ghakwërëki kubha, motuukuuniri amasari ghaanyu. Wiiki motabha moriituuri kubha, mokwabhëru gho kubha, inyu m‑bha rwibhoro ro Abhurahamu moonyi. Mbe, ˆnekabhabhoorera, Eryobha ndeghotora komuha Abhurahamu abhaana, koru mo‑mabhohe ghano!

Yohana 8:43

Ngwake motaakumënya ghano nekobhabhoorera? N‑gho kubha mokwanga ghutëghëërëra amangʼana ghaane.

Abharuumi 9:7

Taanyi kubha bhoose bhano ꞉bhiibhwiru na Abhurahamu n‑abhaana bhaache bha hëënë. Amare Eryobha ꞉ndeemuraghiri Abhurahamu kubha, “Kohetera kwo Isaka nokubhöna orwibhoro runo rokobherekeru ro roocho.”