Yohana 8:26 - Eriiraghano Eriihë

²⁶ Nighöötë maaru ghano nengatoriri ghosiikëra na kobhatenera ekiina inyu, amare nteeghuköra hangʼu. Eni nekobhabhoorera abhaato bhoose amangʼana ghaare nekooghu koru gho Taata. Iwe uno antomiri naghosiikëra obhuhëënë.”

Yohana 8:26 Referans Kwoze

Yohana 15:15

Korwera ibheere, nteekubha nerabhabherekera wiiki kubha abhasësë bhaane, gho kubha omusësë teeche kino omutëmi waache aghuköra. Amare inyu nebhahunyuriire ghoose ghano nyoghwire koru o‑Taata, mbe, neekubha nerabhabherekera abhasaani bhaane.

Yohana 8:40

Amare ibheere moghutabhara anchëra e koonyita, koru nangabha nebhabhooriire obhuhëënë bhuno nyoghwire koru kwo Waryobha. Abhurahamu taaköriri kinya bhuno mokwënda ghunkörëra eni.

Yohana 17:8

gho kubha nebhabhooriire ghoose ghano ombooriire, nabho mbaghasongʼaaniri. Mbeeche hëënë kubha neruure ghokoocho, wiiki mbakumiri kubha n‑iye ontomiri.

Yohana 7:28

Mbe, Yesu hano are areeghi mo‑riigho re Risëngërö, aghatiiri amaraka na kobhugha, “Mahëënë moonyeche, wiiki mweche hano neruure. Eni ntiichiri gho changuru cheene! Amare Eryobha rino rentomiri n‑de mahëënë. Inyu motaryeche.

2 Abhakorinto 1:18

Amare ibheere, kinya bhuno Eryobha reenyi ihëënë, ghano tobhabhoriire inyu, ghataare gha mooto kobhugha, eriibhagha erimu “Hee,” ne eriibhagha erende, “Tiyaanyi.”

Yohana 16:12

“Nekeere neenyi na amaaru gha kobhabhoorera, amare eriibhagha rino motaaghotora ghoghamënya.

Yohana 7:16

Niho Yesu akabhabhoorera akabhugha, “Ameeghi ghano nekweghi taanyi ghaane, amare n‑gha uno antomiri ghokoonyu.

Yohana 3:11

Mahëënë ˆneghakobhoorera, itu ntogheeche ghano toghughamba, wiiki ntogharooche ghano toghughambera. Amare inyu motaaghwishereri amangʼana ghiito.

Yohana 8:25

Mbe, bhakamobhoori Yesu bhakabhugha, “Notobhoorere iye n‑niwe?” Yesu akabhagharokeri akabhugha, “Eni niwe wuure uno ꞉neebhabhooriire korwera ekimbërë hano neere kweghi.

Yohana 8:27

Ibho bhataamënyiri kubha naare arasiikëra nabho ighoro e Taata o Mwishaaro.

Yohana 18:20

Yesu akamugharokeri akabhugha, “Eriibhagha ryose neere nerasiikëra na abhaato haheero, neere nereeghi abhaato mo‑risinaghooghi na mo‑riigho re Risëngërö rino Abhayahuuti bhaaru bhahaatëmëërana‑mu. Ntyeghiri ameeghi ghaane gho kobhisa.