Yohana 8:11 - Eriiraghano Eriihë

¹¹ Akamugharokeri akabhugha, “Oo Omutëmi, taanyi‑ho koru umu.” Niho Yesu akamobhoorera akabhugha, “Na neeni nteeghoghotenera ekiina. Nooghi, amare korwera reero, otaköra amasari wiiki.”]

Yohana 8:11 Referans Kwoze

Yohana 3:17

Eryobha retaamotomiri Omoona waache kubha atenere abhaato ekiina, amare abhaato bhatooribhu gho kohetera iwe.

Yohana 5:14

Ghayo ghaache koheta, Yesu akamubhöna omooto uyo Mwisëngërö, akamobhoorera akabhugha, “Tëghëërëra, ibheere nuhöriri. Otaköra amasari wiiki, gho kubha oraköra amasari, nokunyaaka chwee ghokera hayo ekimbërë.”

Yohana 8:15

Inyu moghontenera ekiina eni kurëngʼaana na amiihëëbhö gha bhaato, amare eni nteekomotenera ekiina omooto wowoose.

Ruuka 15:7

“ˆNekabhabhoorera, hangʼu hangʼu ngookubha na ghuchömëru kwaru Mwishaaro, eriibhagha omooto umu o masari aratuukuunera amasari ghaache. Ghuchömëru kuyo, ngookubha ghokoro ghokera kuure kwo bhaato abhachömu miröngö kende na kende, bhano bhataanyi na amënda gha ghotuukuuna.

Ruuka 5:32

Eni ntiichiri kobhabherekera bhano bhakwirighi kubha, m-bhahëënë ambërë e Ryobha. Amare niichiri kobhabherekera bhano bhaanyi na amasari, kubha bhatuukuune.”

Abharuumi 2:4

Eryobha n‑ihöriicho chwee, ndeghokorigheri ebheghongi bhyaru, na ndeghoghoghumereri chwee. Amare iye ibheere, nokwënda ghutaraaha ghayo ghoose? Tweche kubha ndeghokwërëki obhuhöriicho bhooche, kubha otore ghotuukuunera amasari ghaacho?

Ruuka 13:3

ˆNekabhabhoorera taanyi hangʼu! Moraanga ghotuukuunera amasari ghaanyu, hangʼu hangʼu koru inyu moghosireekerera bhoose.

Ruuka 15:10

“ˆNekabhabhoorera, hangʼu hangʼu, Eryobha ndeghuchömëru chwee ambërë e bhamarayika bhaache, hano omooto umu o masari akubha atuukuuniire amasari ghaache.”

Yohana 18:36

Yesu akamugharokeri akabhugha, “Obhutëmi bhoone taanyi bho mo‑se ino. Aribha mbongabheere bho mo‑se ino, abhaanabheegha bhaane mbangandoniire kubha netaghöötu na Abhayahuuti. Amare obhutëmi bhoone bhotaanyi bho hano.”

Ruuka 15:32

Amare omonyi waacho uno, ntokwëndëru tomukörërë obhughëni na ghosiighasiigha haghirohamu. Niköriri hangʼu gho kubha naare abhoriri, amare ibheere ˆakabhönëka. Wiiki naare kinya akuure, ni ibheere m‑muhöru!’”

Ruuka 13:5

ˆNekabhabhoorera tiyaanyi! Moraanga ghotuukuunera amasari ghaanyu, hangʼu hangʼu inyu bhoose moghosireekerera!”

2 Bheetero 3:15

Mumënyë kubha Omutëmi nakobhaghumereri kubha mubhönë omweya o ghotooribhu. Hangʼu nibhu omohiiri wiito Bhawuro omosiighani ꞉abhaandëkiire gho kuhökëri mangʼiini ghano Eryobha ꞉reemoheere.

1 Abhakorinto 5:12

Mbe, n‑emeremo gheene kobhatenera ekiina bhano bhaanyi anche? Inyu mokwëndëru kobhatenera ekiina bhano bhaanyi mo‑kanisa,

Ruuka 9:56

gho kubha Omoona o Mooto tiichiri ghosireekereri chaakörö che bhaato, amare niichiri ghochetoori.” Bhaakaru hayo bhaaghaye mo‑kyaro ekende.