Yohana 7:32 - Eriiraghano Eriihë

³² Amabharisaayo bhakooghu erikinda re bhaato bharingʼunyera ighoro yaache, ibho haghirohamu na abhakoro bha bhachaama bhakabhatoma abhaashirikare kubha bhamughöötë Yesu.

Yohana 7:32 Referans Kwoze

Amaköri gha Bhatomu 5:26

Niho omokoro uyo o bhachongi, haghirohamu na abhachongi bhaache, bhaaghaye kwo bhatomu bhayo, bhakabharëëta. Amare bhatabhaghöötiri gho changuru, gho kubha ꞉mbaatiiniri abhaato bhano ꞉bhaare na abhatomu bhayo kubha, mbangabharasiri na amabhohe.

Yohana 18:3

Mbe, Yuuta akarikangata erikinda re bhaashirikare, haghirohamu na abhatamishi bhano bharuure mo‑bhakoro bha bhachaama na kwo Mabharisaayo. Bhaaghaye mo‑kinyaweera kiire, bhaghöötëriire ebhemore ne emyenge, ne ebhiröönërö.

Yohana 12:19

Amare Amabharisaayo bhakabhoorani bhakabhugha, “Mokorighi? Totaaghotora ghuköra ghyokyose! Mööhi, abhaato bhoose mbakomutambana iwe.”

Mataayo 23:13

“Horeera mokorighi, inyu abheeghi bha meghiro na niinyu Amabharisaayo, inyu chaghughuuti, gho kubha mokobharëki abhaato ghusöha mo‑bhutëmi bho Mwishaaro gho nchëra e meeghi ghaanyu. Amare inyu bheene motaaghusöha‑mu, wiiki motaakobhiisherereri abhaato abhande bhano bhakwënda ghusöha, bhasöhë. [

Mataayo 12:14

Amare Amabharisaayo bhayo bhakahoroka anche na korwacha bhuno bhangamwitiri Yesu.

Mataayo 26:58

Eriibhagha riyo, Bheetero naare aramutambana Yesu gho kurë mbagha mwigho re nyumba e Muchaama Omokoro. Akamara aghasöha moose, aghiikara haghirohamu na abhachongi kubha arighi bhuno ekiina ke Yesu gheekubha.

Yohana 7:30

Niho bhaghatabhara komughööta, amare taare‑ho omooto uno atoriri komughööta, gho kubha eriibhagha reeche ndeere rekeere kohika.

Yohana 11:46

Amare Abhayahuuti abhamu bhaaghaye kwo Mabharisaayo bhakabhabhoorera ghano Yesu aköriri.