Yohana 7:30 - Eriiraghano Eriihë

³⁰ Niho bhaghatabhara komughööta, amare taare‑ho omooto uno atoriri komughööta, gho kubha eriibhagha reeche ndeere rekeere kohika.

Yohana 7:30 Referans Kwoze

Yohana 10:39

Niho Abhayahuuti abhande hano bhooghwire ghayo, bhaghatabhara wiiki komughööta Yesu, amare akabhatabhaabhuka mo‑mabhökö ghaabho.

Yohana 8:20

Yesu ꞉naabhughiri ghayo ghoose eriibhagha are areeghi Mwisëngërö, ahaghiro hano ꞉bhaare bharatoora amasandëkö gha chambiiri. Amare taare‑ho omooto uno amughöötiri gho kubha eriibhagha reeche ndeere rekeere kohika.

Yohana 7:6

Niho Yesu akabhabhoorera akabhugha, “Eriibhagha reene re ghuye rekeere kohika, amare inyu moghotora ghuye eriibhagha ryoryose.

Yohana 7:32

Amabharisaayo bhakooghu erikinda re bhaato bharingʼunyera ighoro yaache, ibho haghirohamu na abhakoro bha bhachaama bhakabhatoma abhaashirikare kubha bhamughöötë Yesu.

Yohana 11:57

Abhakoro bha bhachaama na Amabharisaayo mbaare bhahatëkiri kubha, omooto wowoose uno eche hano Yesu anyi, arëëtë amangʼana kubha bhamughöötë.

Yohana 9:4

Eriibhagha hakeere omwishe, ntokwëndëru ghuköra emeremo ghe Ryobha rino rentomiri. Obhotiko mbokuucha, hano omooto ataaghotora ghuköra emeremo ghiyo.

Yohana 8:59

Hano Abhayahuuti bhooghwire ghayo, bhaghatööra amabhohe kubha bhamurase na komwita Yesu. Amare akiibhisa, akaru mo‑riigho re Risëngërö.

Yohana 8:37

Nyeeche kubha inyu n‑orwibhoro ro Abhurahamu, amare mokwënda koonyita eni gho kubha mokwanga ghokumi ghano nekobheeghi.

Yohana 7:19

Yesu akëëndërëra kobhugha, “Mweche kubha Musa naare abhaheere emeghiro ghe Ryobha. Amare taanyi‑ho omooto koru umu uno aghoghitambana emeghiro ghiyo. Mbe, ngwake mokwënda koonyita?”

Yohana 7:8

Inyu moghi Yerusareemu mo‑nyangi iyo. Eni nteeghuye ibheere, gho kubha eriibhagha reene rekeere kohika.”

Ruuka 22:53

Chaasiko choose neere haghirohamu na niinyu Mwisëngërö, amare motangöötiri! Amare ibheere, rino niryo eriibhagha reenyu, re bhukangati bho Rishambu.”

Ruuka 20:19

Abheeghi bhayo bha meghiro na abhakoro bha bhachaama, bhakamënya kubha eghetuubhaani kino n‑ghekeebho keere. Ibheere bhakëënda komughööta hayo hayo, amare bhaghatiina obhoyo bho bhaato.

Maariko 11:18

Hano abhakoro bha bhachaama na abheeghi bha meghiro bhooghwire ghayo, bhaghasëëma ghutabhara anchëra e komwita, gho kubha, mbaare bharamotiina, abhaato bhoose mbaare bhararoghooru na ameeghi ghaache.

Mataayo 21:46

Niho bhaghatabhara anchëra e komughööta, amare bhaghatiina erikinda re bhaato gho kubha ibho mbamënyiri Yesu kubha n‑omurööti.

Yohana 10:31

Mbe, Abhayahuuti abhamu hano bhooghwire ghayo, bhaghasëëma wiiki kwimoki amabhohe, kubha bhamurase na komwita Yesu.

Mataayo 12:14

Amare Amabharisaayo bhayo bhakahoroka anche na korwacha bhuno bhangamwitiri Yesu.