Yohana 7:28 - Eriiraghano Eriihë

²⁸ Mbe, Yesu hano are areeghi mo‑riigho re Risëngërö, aghatiiri amaraka na kobhugha, “Mahëënë moonyeche, wiiki mweche hano neruure. Eni ntiichiri gho changuru cheene! Amare Eryobha rino rentomiri n‑de mahëënë. Inyu motaryeche.

Yohana 7:28 Referans Kwoze

Yohana 8:42

Yesu akabhagharokeri akabhugha, “Aribha Eryobha rengabheere Taata waanyu, mbe, mongabheere moransiigha, gho kubha neeni neruure kwo Waryobha ni ibheere hano neenyi. Eni ntiichiri gho changuru cheene, amare n‑Eryobha niryo rentomiri.

Yohana 8:19

Niho Amabharisaayo bhakamobhoori Yesu bhakabhugha, “Kana, Iso hayi anyi?” Yesu akabhagharokeri akabhugha, “Inyu motanyeche eni, koru Taata waane motamweche. Erabha mongamënyiri eni, mongamumënyiri na Taata waane woose.”

Yohana 8:26

Nighöötë maaru ghano nengatoriri ghosiikëra na kobhatenera ekiina inyu, amare nteeghuköra hangʼu. Eni nekobhabhoorera abhaato bhoose amangʼana ghaare nekooghu koru gho Taata. Iwe uno antomiri naghosiikëra obhuhëënë.”

Yohana 8:14

Yesu akabhagharokeri akabhugha, “Koru nangabha neghwighambera eni mwene ghano neghosiikëra n‑gha mahëënë, gho kubha nyeeche hano neruure, wiiki nyeeche hano neeghuye. Amare inyu moteeche hano neruure na hano neeghuye.

Yohana 17:3

Obhuhöru bho miishe ghyose nibho bhuno, abhaato bhakumënyë iye mwene uno onyi Eryobha re hëënë, wiiki bhamënyë eni Yesu Kirisito, uno ontomiri.

Yohana 12:49

Neekubha hangʼu gho kubha, ntesiikiire kwo bhotoro bhoone eni omwene, amare Taata uno antomiri, niwe ꞉andagheriiri ghano neghosiikëra, na kebhuno nekuucha ghughamba.

Yohana 5:43

Eni niichiri kwo riina re Taata, na mwangiri ghonsongʼaana. Amare omooto owonde araacha kwo riina reeche omwene, iwe mokomokumi na komosongʼaana.

Mataayo 11:27

Yesu akëëndërëra kweghi abhaato bhayo arabhugha, “Taata waane, namariri ghotoora ghoose mo‑mabhökö ghaane. Wiiki taanyi‑ho uno amweche Omoona, n‑Ishe omwene. Koru taanyi‑ho uno amweche Ishe, n‑Omoona omwene, na wowoose uno Omoona akwënda komohunyurera.

1 Yohana 5:10

Wowoose uno akomokumi Omoona o Ryobha, nakumiri kubha obhuhëënë bhuyo m‑bho mahëënë. Amare uno ataakorekumi Eryobha, nakobhugha kubha Eryobha n‑iröngö, gho kubha tabhwisheriiri obhuhëënë bhuno Eryobha ꞉reeruusiri ighoro e Moona waache.

Abheebhuraaniya 6:18

Erabha Eryobha ndirahiiri na komuraghera, retaaghugharura naabha gho kubha iryo retaanyi ibhiihi. Iryo ꞉ndiiköriri ebheghiro bhibhere hangʼu, kuraheri na kuragha, kubha retuhë omukörö itu bhano tungʼösiire ghokooche, tubhe na amiitëngʼërö gho ghaare ghakuucha ambërë yiito.

Tiito 1:2

na mbokobhaha amiitëngʼërö gha bhuhöru bho miishe ghyose. Eryobha ꞉ndiiraghiri obhuhöru bhuyo, koru rekeere ghutëëma ase, na retaaghosiikëra obhuröngö.

2 Abhakorinto 4:6

Eryobha rino ꞉reebhughiri kubha, “Obhwero bhurëngaari mo‑kengʼuuri,” niryo riyo rirëngaariri mo‑metema ghiito, na ghotuköra tumënyë obhokumi bhooche obhokoro bhuno bhokurëngaari mo‑bhosho bho Yesu Kirisito.

2 Abhakorinto 1:18

Amare ibheere, kinya bhuno Eryobha reenyi ihëënë, ghano tobhabhoriire inyu, ghataare gha mooto kobhugha, eriibhagha erimu “Hee,” ne eriibhagha erende, “Tiyaanyi.”

Abharuumi 3:4

Tiyaanyi! Abhaato bhoose m‑bharöngö, amare Eryobha ndyërëkiri kubha ndeghuköra kino rekobhugha. N‑kinya bhuno Amandëkö Amatööbhiyu ghakobhugha ighoro yaache kubha, “Orasëma abhaato kwo masari ghaabho, amangʼana ghaacho n‑gha mahëënë. Orabhatenera ekiina, ghotena ekiina koocho n‑kwo bhuhëënë.”

Abharuumi 1:28

Mbe, gho kubha abhaato mbaangiri korimënya Eryobha, ryose ndebhatighiri bhabhe bharatambana amiihëëbhö ghaabho ghano ghakobharumeeri. Ibheere mbaghuköra amangʼana ghano ghataakurëngʼaanera ghuköru.

Amaköri gha Bhatomu 17:23

Hano neere neraheta mo‑moghya uno, ꞉neerooche ebheghiro bhino moore morasëngëra. Nekarighi koru ahaghiro ha koruuseri amaruusi hano haandëkiri amangʼana ghano, ‘kwo ryobha rino retamënyëkiine.’ Eryobha rino moore morasëngëra ino motaryeche, niryo riyo eni nekobhamënyi inyu.

Yohana 17:25

Oo Taata uno onyi no obhuhëënë, abhaato bha se ino bhatakweche. Amare eni nekweche, wiiki abhaanabheegha bhaane mbeeche kubha n‑iye ontomiri.

Yohana 16:3

Mbakobhakörëra hangʼu, gho kubha bhatamweche Taata, wiiki bhatanyeche eni.

Yohana 14:31

Amare nekwëndëru abhaato bha mo‑se bhatore kumënya nemosiighiri Taata, kinya bhuure Taata ꞉andagheriiri, nibhu neghuköra. “Ibheere, mwimeerere toru hano.”

Yohana 14:10

Kana, toghokumi kubha eni neenyi moose e Taata, na Taata naanyi moose yaane? Amangʼana ghano nekobhabhoorera ghataakoru mo‑miihëëbhö ghaane, amare Taata, uno anyi moose yaane, naghuköra emeremo gheeche.

Yohana 10:36

Kana, ngwake mokobhugha eni neghwiköri Eryobha hano nekobhugha, ‘Eni n‑Omoona o Ryobha?’ Taata niwe anyahwire na ghontoma mo‑se.

Yohana 8:16

Amare erabha eni nemoteniire ekiina omooto, neekubha niköriri kwo bhuhëënë gho kubha nteenyi eni mwene, amare neenyi haghirohamu na Taata uno antomiri.

Yohana 5:32

Amare Taata naghungambëra amangʼana ghaane ghokoonyu, na neeni nyeeche kubha amaghambo ghoose ghano aghughamba ighoro yaane n‑gha hëënë.

Yohana 3:33

Omooto wowoose uno aghwishereri amangʼana gha Yesu, nakuhëënëhi kubha Eryobha n‑ihëënë.

Yohana 3:2

Orosiko rumu obhotiko, aghaye o‑Yesu akamobhoorera akabhugha, “Oo Omweghi, ntweche kubha iye n‑Omweghi uno otomuru ne Eryobha, gho kubha taanyi‑ho omooto uno aghotora ghuköra ebhyërëkërëri bhino oghuköra, aribha Eryobha retaanyi haghirohamu nawe.”

Yohana 1:46

Amare Natanaheri akamobhoori akabhugha, “N‑gheghiro ke ghichömu gheghotora koru mo‑moghya omosuuhu o Nasareeti?” Bhiiribho akamugharokeri arabhugha, “Nuuche, orighi.”

Ruuka 10:22

Akamara akabhabhoorera, “Taata waane, namariri ghotoora ghoose mo‑mabhökö ghaane. Wiiki taanyi‑ho uno amweche Omoona, n‑Ishe omwene. Koru taanyi‑ho uno amweche Ishe, n‑Omoona omwene, na wowoose uno Omoona akwënda komohunyurera.”

Ruuka 2:51

Hano bhamariri ghayo, bhaaghaye nawe awaabho Nasareeti, akabha arabhasooka. Ghayo ghoose ꞉ghaaköruru, nyina naare aghatooriri mo‑motema waache.

Ruuka 2:39

Yusubhu na Mariyamu, hano ꞉bhaare bhamariri ghuköra ghoose ghano emeghiro ghe Mutëmi ghyëndiri, bhaghagharuka awaabho mo‑moghya o Nasareeti, mo‑mukööwa o Ghariraaya.

Ruuka 2:11

Reero ino mo‑moghya o Tawuti, Omotoori waanyu niibhwiru. Omotoori uyo niwe Kirisito Omutëmi.

Ruuka 2:4

Yusubhu woose akaru mo‑moghya o Nasareeti mo‑mukööwa o Ghariraaya, aghatiira ghuye mo‑mukööwa o Yuteya mo‑moghya o Bheserehemu, gho kubha Bheserehemu niwe ore omoghya o Tawuti, na Yusubhu naare o mo‑rwibhoro rooche.

Mataayo 2:23

Bhakahika na kumanya mo‑moghya o Nasareeti. Niho ꞉ehikeriine angʼana ino ighamburu ighoro e Yesu gho kohetera abharööti, kubha, “Nakobherekeru Omunasareeti.”

Yohana 7:14

Hano chaasiko che nyangi chehikiri ghateghate, Yesu aghaye, aghasöha mo‑riigho re Risëngërö, aghasëëma kobheeghi abhaato.

Mataayo 26:55

Niho Yesu akarebhoorera erikinda re bhaato bhayo akabhugha, “Kana, mwichiri ne emehyo na charungu ghungööta eni kinya erinyangara? Chaasiko choose neere nereeghi Mwisëngërö, amare motangöötiri!

Yohana 6:42

Bhakabhoorani bhakabhugha, “Kana, omooto uno taanyi Yesu, mwërëëti o Yusubhu, uno ntobheeche abhiibhori bhaache bhoose? Mbe, nibhu aghotora kobhugha kubha ꞉niikiri koru Mwishaaro?”

Yohana 9:29

Ntweche kubha Eryobha ꞉ndeesiikiire na Musa, amare omooto uyo toteeche hayi arweriire.”