Yohana 6:9 - Eriiraghano Eriihë

⁹ “Oo Omutëmi, naanyi‑ho omobhureni umu hano uno anyi ne emighaate etaano ghe shayiri ne ebhesu bhesuuhu bhibhere. Amare ekiinyakurë kino nibhu gheghuköra ghiishe erikinda rino?”

Yohana 6:9 Referans Kwoze

Ruuka 9:13

Yesu akabhagharokeri akabhugha, “Mobhahë inyu ebhiinyakurë!” Bhakamugharokeri bhakabhugha, “Itu totaghöötë gheghiro ghyokyose, amare ntoonyi ne emighaate etaano hangʼu na chaasu ibhere. Nokwënda tughëndë tobhaghorere abhaato bhano bhoose ebhiinyakurë?”

Maariko 6:38

Yesu akabhabhoori akabhugha, “Kana, moonyi ne emighaate erenge? Mughëndë morighi.” Bhaaghaye korighi, bhaghagharuka, bhakamobhoorera bhakabhugha, “Ntoonyi ne emighaate etaano na chaasu ibhere.”

Mataayo 14:17

Nabho bhakamugharokeri bhakabhugha, “Ntoonyi ne emighaate etaano hangʼu na chaasu ibhere.”

Mataayo 16:9

Kana, motaamara mumënya? Mokeebhu kebhuno abhaato bhaare ebheku bhitaano (5,000) ꞉bhiighotiri kwo mighaate etaano? Na ꞉mookomiri ebhetonga bhirenge bhe bhiinyakurë bhino bhisaaghiri?

Maariko 8:19

Eriibhagha riire hano nesuuriri emighaate ghiire etaano na kobhaha abhaato ghokera ebheku bhitaano (5,000), ꞉mookomiri ebhetonga bhirenge bhe bhiinyakurë bhino bhisaaghiri?” Bhakamugharokeri bhakabhugha, “꞉Ntookomiri ebhetonga ikomi na bhibhere.”

2 Abhakorinto 8:9

Ghokera ghayo, mweche kinya bhuno Omutëmi wiito Yesu Kirisito abhaheere aghareeya yaache. Nangabha are omwame, aghiiköri kubha muhabhe gho ghiri yaanyu, kubha gho nchëra e bhuhabhe bhooche, inyu mubhe abhaame.

Obhohunyurëru 6:6

Nekooghu egheghiro kinya eriiraka, rerarwera ghateghate e bhetyenyi bhiire bhine, rerabhugha, “Amareho gha mwishe moghima ngaghoghora akiro imu e bhotu bho ngano, hamu chakiiro ishato che bhotu bho shayiri. Amare otasari amaghuta hamu adivaayi.”

Yohana 11:32

Eriibhagha Mariyamu ꞉ahikiri hano Yesu are, akamorighi, akabhuna ebheru ambërë yaache, akamobhoorera akabhugha, “Oo Omutëmi, aribha ongabheere‑ho, omwito tangakuure.”

Yohana 11:21

Marita akamobhoorera Yesu akabhugha, “Oo Omutëmi, aribha ongabheere hano omwito tangakuure.

Yohana 6:7

Bhiiribho akamugharokeri akabhugha, “Koru nangabha tongaghoriri ebhiinyakurë kubha omooto woose abhönë ghasuuhu ghasuuhu, chatinaari amaghana abhere chetangatoriri kobhiisha.”

Yohana 6:11

Niho Yesu akiimoki emighaate ghiire, aghiitabheri Eryobha, aghaghesuura, akabhahööhi abhaato bhoose bhano ꞉bhaare hayo. Aghaköra hangʼu hangʼu ne ebhesu bhiire. Omooto woose akabhöna kebhuno are arëënda.

Yohana 21:9

Hano bhahikiri mo‑se ayoomu, bhakarighi omororo uhëmburu. Mo‑mororo uyo bhakarighi chaasu no omughaate cheragheekeru ighoro yaache.

Yohana 21:10

Yesu akabhabhoorera abhaanabheegha bhaache akabhugha, “Murëëtë hano chaasu echimu chino moweesiine ibheerebheere.”

Yohana 21:13

Mbe, Yesu akaacha akiimoki omughaate, akabhaha abhaanabheegha bhaache. Wiiki, akiimoki asu aghaköra hangʼu hangʼu.