Yohana 6:63 - Eriiraghano Eriihë

⁶³ Akörö e Ryobha niyo ekobhaha abhaato obhuhöru. Omooto taaghotora ghuköra ghyokyose gho changuru cheeche omwene. Amangʼana ghano nebhabhooriire n‑gha Akörö e Ryobha, nagho ngakoruusi obhuhöru.

Yohana 6:63 Referans Kwoze

Abheebhuraaniya 4:12

Angʼana e Ryobha n‑ihöru wiiki neenyi na changuru ghokera ekinyamiino ekyeghi. Angʼana iyo, nehaangʼuuta omooto ehikera mo‑maghuha, nehaataani ebhyemo na amaghuta ghano ghaanyi‑mu. Wiiki nehaangohi kumënya amiihëëbhö gha mo‑motema o mooto, na kino akwënda.

Abhagharatiya 5:25

Akörö Ahörëëru netoheere eriimanya eriihë, mbe, tutambane obhukangati bhooche.

Yohana 6:68

Simiyooni Bheetero akamugharokeri akabhugha, “Oo Omutëmi, toghi waawe? Iye omwene noonyi na amangʼana ghano ghaghotuha obhuhöru bho miishe ghyose.

1 Bheetero 1:23

gho kubha mwibhwiru mara e kabhere. Kwibhoru kuyo, ghotarweriire mo‑bhiiso bhano bhaghotora ghoku, amare inyu mwibhwiru kwo ngʼana e Ryobha ino enyi ihöru na neekubha‑ho emiishe ghyose.

1 Abhakorinto 15:45

Mo‑Mandëkö Amatööbhiyu yandëkuru kubha, “Omooto o mumbërë, Ataamu, natëëmuru akabha omooto omuhöru,” amare Ataamu o ntenero, n‑Kirisito, niwe Akörö ino ekobhaha abhaato obhuhöru.

Abharuumi 10:17

Gho ghayo, abhaato mbaghotora komokumi Kirisito erabha bharooghu angʼana ighoro e Kirisito. Wiiki mbaghotora kooghu erabha angʼana iyo e Kirisito iraghiinu.

1 Bheetero 3:18

Kirisito woose nanyaakiru mara rimu hangʼu gho ghiri e masari, omooto omuhëënë gho ghiri e bhaato bhano bhataanyi abhahëënë, kubha atughöötani ne Eryobha. Omobhere ꞉wiituru, amare kwo bhotoro bho Akörö Ahörëëru ꞉naabhwine wiiki obhuhöru.

1 Abhatesaronike 2:13

Gho ghayo, itu ntokoriitabheri Eryobha totaaghotigha naabha, gho kubha hano mutëghëëriire angʼana yaache koru ghokwito, motayiisheriiri kinya angʼana e mooto. Amare kinya angʼana e Ryobha, na hëënë hangʼu keenyi. Angʼana iyo niyo eghuköra emeremo moose e metema gheenyu, inyu bhano momokumiri.

Abharuumi 8:2

Gho nchëra e ghughöötana na Kirisito Yesu, changuru che Körö Ahörëëru chino chekurëëta obhuhöru bho miishe ghyose, ncheghontoori koruusibhu koru mo‑kibhöhö ke masari, kubha netighe ghukangatu na changuru che masari no oroko.

Yakobho 1:18

Gho kwënda kooche eryene, ndetuköriri tubhe abhaana bhaache, gho nchëra e ngʼana yaache e hëënë, kubha tubhe a bhambërë mo‑bhyose bhino ꞉riitëëmiri.

1 Bheetero 3:21

Amanche ghayo n‑eghetuubhaani ke bhubhatiiso, bhuno bhoghototoori, taanyi gho koruusi eriiku mo‑mobhere, amare n‑eriiraghano re mënda meero kwo Waryobha. Amangʼana ghayo, ngaakubha gho kohetera koryoka kwo Yesu Kirisito.

1 Timotewo 4:8

Nimënyuru kubha, “Kowuhöki omobhere ubhönë changuru nkoonyi no obhwëra bhosuuhu hangʼu. Amare, ghuköra ghano ghakwëndëru ambërë e Ryobha, nkoonyi no obhwëra mo‑ghoose, gho kubha ngoghotuha obhuhöru bho miishe ghyose bhuno Eryobha returaghiire, bhwi ibheere na bhuno bhokuucha.”

Abheebhuraaniya 13:9

Motangʼiinu na ameeghi aghande amahë gha ghighëni, gho kubha changuru che metema gheenyu nchekoru mo‑ghareeya e Ryobha, taanyi mo‑meghiro ghe bhiinyakurë. Emeghiro ghiyo ghetaakobhatoori ghyokyose bhano bhaghoghitambana.

Abhagharatiya 6:15

Ghusaaru hamu kwanga ghusaaru, ghotaanyi ne ekebhune ghyokyose. Egheghiro ke bhwëra n‑ghuköru obhuhë ne Eryobha.

Abharuumi 2:25

Oghusaaru koocho ngookubha no obhwëra, erabha oghuköra kinya bhuno emeghiro ghekwërëkërëri. Amare arabha noghusari emeghiro, iye nookubha kinya omooto uno atasaaruru.

Abhagharatiya 5:6

Mbe, aribha tughöötiine na Kirisito Yesu, ghusaaru hamu kwanga ghusaaru ghotaanyi ne ekebhune ghyokyose. Egheghiro ke bhwëra n‑obhokumi bhwito bhuno bhohaaköra emeremo kwo bhosiighi.

Yohana 5:21

Kebhuno Taata akobharyoki abhaku na kobhaha obhuhöru bho miishe ghyose, hangʼu hangʼu Omoona nahaabhaha obhuhöru abhaato bhano asiighiri kobhaha.

Amaköri gha Bhatomu 5:20

“Mughëndë mwimeerere Mwisëngërö, mobhabhoorere abhaato amangʼana ghoose ighoro e bhuhöru bhuno!”