Yohana 6:60 - Eriiraghano Eriihë

⁶⁰ Ibheere abhaghëndi bhaaru bha Yesu hano bhooghwire ghayo, bhakabhoorani bhakabhugha, “Ameeghi ghano m‑mahaari chwee! Kana, n‑niwe aghotora ghoghiishereri?”

Yohana 6:60 Referans Kwoze

Yohana 6:66

Gho ghiri e mangʼana ghayo, abhaaru bhano ꞉bhaare bharamutambana, bhakamotigha, nabho bhataaghëndiini nawe wiiki.

Yohana 8:43

Ngwake motaakumënya ghano nekobhabhoorera? N‑gho kubha mokwanga ghutëghëërëra amangʼana ghaane.

Yohana 8:31

Mbe, Yesu akabhabhoorera Abhayahuuti bhaare bhamokumiri akabhugha, “Erabha moghutambana ameeghi ghaane, mahëënë inyu n‑abhaanabheegha bhaane moonyi.

Mataayo 11:6

Ngʼoni omooto wowoose uno ataanyi na kemboori ighoro yaane.”

2 Bheetero 3:16

Mo‑chanyaarubha cheeche choose naghosiikërëra amangʼana ghayo. Ngaanyi‑ho amangʼana aghande ghano ghaanyi maköngʼu ghoghamënya mo‑chanyaarubha cheeche chiyo. Amangʼana ghayo, abhaato bhano bhataanyi no obhumënyi na bhano bhataamara bhaköngʼëri mo‑bhokumi, mbahaaghasari, kinya bhuno bhahaasari Amandëkö Amatööbhiyu aghande. Gho nchëra iyo mbakwirëëtëra ghosireekerera koobho abheene.

Abheebhuraaniya 5:11

Ntoonyi na maaru gha ghosiikëra ighoro e Yesu kubha Omuchaama Omokoro, amare n‑ghuköngʼu kobhabhoorera gho kubha inyu taanyi bhahoho ghoghamënya.

Yohana 2:2

Yesu na abhaanabheegha bhaache bhoose mbaare bharaghiinu, mwirugha riyo.

Yohana 5:25

Mahëënë ˆnekabhabhoorera, eriibhagha ndekuucha, wiiki ˆrekahika, bhano bhakuure mbakooghu eriiraka re Moona o Ryobha. Niho bhano bhakooghu, mbaakubha no obhuhöru bho miishe ghyose.

Yohana 6:52

Mbe, Abhayahuuti bhaghasëëma ghushangʼaana na kobhoorani bharabhugha, “Omooto uno nibhu aghotora ghotuha omobhere waache, kubha towurë?”

Yohana 6:64

Amare mbaanyi‑ho abhande ghateghate yaanyu bhano bhakwanga ghonkumi.” Yesu ꞉naabhughiri hangʼu gho kubha ꞉naamënyiri koru simoka kubha m‑bhawe bhano bhakwanga komokumi, na kubha n‑niwe uno akuucha komwigharurani.

Yohana 7:3

Niho abhahiiri bha Yesu bhakamobhoorera bhakabhugha, “Nooru hano, ughëndë Yuteya kubha abhaanabheegha bhaacho bharighi ebhiraghe bhino oghuköra.