Yohana 6:57 - Eriiraghano Eriihë

⁵⁷ Taata uno antomiri m‑muhöru anyi, na neeni nekubhöna obhuhöru gho kohetera gho Taata. Hangʼu hangʼu, omooto wowoose uno akowure omobhere waane, nakubhöna obhuhöru gho kohetera ghokoone.

Yohana 6:57 Referans Kwoze

Abhagharatiya 2:20

Eriimanya reene riire re kare ndekuure haghirohamu na Kirisito mo‑musarabha. Ibheere muhöru neenyi, amare taanyi eni, gho kubha Kirisito niwe anyi omuhöru moose yaane. Obhuhöru bhuno neenyi nabho eriibhagha rino, nebhughöötë gho ghiri e ghokumi Omoona o Ryobha. Iwe nansiighiri na akaruusi obhuhöru bhooche ghokoone kubha antoori.

Yohana 5:26

Kinya bhuno Taata anyi no obhuhöru moose yaache, hangʼu hangʼu nibhu amoheere Omoona kubha no obhuhöru moose yaache.

Yohana 17:21

Neghusabha kubha bhayo bhabhe egheghiro kimu. Taata, neghusabha bhabhe moose yiito, kinya bhuno iye onyi moose yaane, na neeni neenyi moose yaacho. Neghusabha kubha bhabhe egheghiro kimu, kubha abhaato bha mo‑se bhatore ghwishereri kubha n‑iye ontomiri.

1 Yohana 4:9

Eryobha eryene ndetwërëkiri obhosiighi bhooche ghokwito gho nchëra e komotoma Omoona waache omwene chiri kuucha mo‑se ino, kubha gho kohetera ghokooche tubhönë obhuhöru bho miishe ghyose.

Yohana 3:17

Eryobha retaamotomiri Omoona waache kubha atenere abhaato ekiina, amare abhaato bhatooribhu gho kohetera iwe.

1 Abhatesaronike 1:9

Hohoose hano tooghuye, abhaato mbaghosiikëra kebhuno ꞉mootughënëhiri eriibhagha ꞉twiichiri bhowaanyu. Mbaghosiikëra kebhuno ꞉mootighiri chasanaamu cheenyu na ghwigharurera Eryobha gho korihökëri rino reenyi ihöru na re mahëënë,

2 Abhakorinto 13:4

M‑mahëënë kubha Kirisito ꞉naamamburu mo‑bhutöbhu, amare ibheere m‑muhöru gho changuru che Ryobha. Hangʼu hangʼu na niitu m‑bhatöbhu toonyi kinya iwe, amare eriibhagha tokobhahökëri inyu, ntookubha abhahöru haghirohamu na iwe gho changuru che Ryobha.

1 Abhakorinto 15:22

Kinya bhuno abhaato bhoose bhaaghoku gho ghiri e ghughöötana koobho na Ataamu, hangʼu hangʼu abhaato bhoose mbakoryokibhu gho ghiri e ghughöötana koobho na Kirisito.

Yohana 14:19

Rekeere eriibhagha isuuhu abhaato bha mo‑se ino bhataakondighi wiiki. Amare inyu mokondighi, gho kubha eni m‑muhöru, na niinyu mookubha abhahöru.

Yohana 14:6

Yesu akamugharokeri akabhugha, “Eni n‑anchëra, no obhuhëënë, no obhuhöru. Taanyi‑ho uno aghotora kuucha o‑Taata aribha atahetiire ghokoone.

Mataayo 16:16

Simiyooni Bheetero akamugharokeri akabhugha, “Iye niiye Kirisito, Omoona o Ryobha rino reenyi ihöru.”

Abheebhuraaniya 9:14

Amare ibheere amasaahë gha Kirisito ngaanyi na changuru chwee ghokera amasaahë gha chatyenyi chiyo! Gho nchëra e Körö ino enyi e miishe ghyose, iwe ꞉niiruusiri kwo Waryobha kubha amaruusi ghano ghahikeriine. Amasaahë ghaache nigho ghaghotomusa emetema ghiito ighoro e masari ghano ghaghughëri oroko kubha torisëngërë Eryobha rino reenyi ihöru.

Yohana 6:29

Yesu akabhagharokeri akabhugha, “Emeremo ghino Eryobha rekwënda mukörë nighyo ghino, ghonkumi eni, uno netomuru naryo.”

Yohana 6:38

Eni niichiri koru Mwishaaro kubha nibhe neraköra amiigha gha Taata uno antomiri. Ntiichiri ghuköra amiigha ghaane.

1 Abhakorinto 15:45

Mo‑Mandëkö Amatööbhiyu yandëkuru kubha, “Omooto o mumbërë, Ataamu, natëëmuru akabha omooto omuhöru,” amare Ataamu o ntenero, n‑Kirisito, niwe Akörö ino ekobhaha abhaato obhuhöru.