Yohana 6:53 - Eriiraghano Eriihë

⁵³ Mbe, Yesu akabhabhoorera akabhugha, “Mahëënë ˆnekabhabhoorera, erabha motaakurë omobhere waane, na kunyo amasaahë ghaane, eni Omoona o Mooto, motaakubha no obhuhöru bho miishe ghyose.

Yohana 6:53 Referans Kwoze

1 Yohana 5:12

Wowoose uno anyi no obhumu no Omoona o Ryobha, naanyi no obhuhöru bhuyo. Amare uno ataanyi no obhumu no Omoona o Ryobha, tabhughöötë obhuhöru bhuyo.

Yohana 6:55

Omobhere waane niwe ekiinyakurë ke mahëënë, na amasaahë ghaane nikyo ekinywebhu ke mahëënë.

Yohana 15:4

Mwikare moose yaane, na neeni neghwikara moose yaanyu. Kinya bhuno eghisaghe ghetaaghotora ghusönga amakorobhese ekyene chiri aribha ghetighöötëriire mo‑musabhiibhu, hangʼu hangʼu motaaghotora ghuköra amiigha gha Ryobha aribha motiikeere moose yaane.

Yohana 6:47

“Mahëënë ˆnekabhabhoorera, omooto wowoose uno aghonkumi eni, naanyi no obhuhöru bho miishe ghyose.

Yohana 3:3

Yesu akamugharokeri akabhugha, “Mahëënë ˆneghakobhoorera, taanyi‑ho omooto uno aghotora ghusöha mo‑bhutëmi bho Ryobha aribha atibhwiru mara e kabhere.”

Obhohunyurëru 2:17

Uno anyi na amatu atëghëërërë amangʼana ghano Akörö Ahörëëru eghoghabhoorera amakanisa. Omooto wowoose uno aghokinda amasaki, nekomuha eribhaara re bhiinyakurë bhe mana ino ere ebhisuru. Wiiki nekomuha eriibhohe eryero, ighoro e riibhohe riyo ndeekubha ryandëkuru eriina eriihë. Taanyi‑ho omooto uno akumanya eriina riyo nanyinga iwe uno ahaabhuru eriibhohe riyo.’”

Yohana 3:36

Omooto wowoose uno akomokumi Omoona o Ryobha naanyi no obhuhöru bho miishe ghyose. Amare omooto wowoose uno akomwanga taanyi no obhuhöru, gho kubha ghukarara kwo Waryobha ngokwëndërëra kubha ighoro yaache.

Mataayo 18:3

akabhabhoorera akabhugha, “Mahëënë ˆnekabhabhoorera, aribha motaaghwigharura na kubha kinya abhaana abhasuuhu, motaaghusöha mo‑bhutëmi bho Mwishaaro.

Yohana 3:5

Yesu akamugharokeri akabhugha, “Mahëënë ˆneghakobhoorera, taanyi‑ho omooto uno aghotora ghusöha mo‑bhutëmi bho Ryobha aribha atibhwiru kwo manche na gho Akörö e Ryobha.

Ruuka 13:5

ˆNekabhabhoorera tiyaanyi! Moraanga ghotuukuunera amasari ghaanyu, hangʼu hangʼu inyu bhoose moghosireekerera!”

Ruuka 13:3

ˆNekabhabhoorera taanyi hangʼu! Moraanga ghotuukuunera amasari ghaanyu, hangʼu hangʼu koru inyu moghosireekerera bhoose.

Yohana 13:8

Bheetero akamugharokeri akabhugha, “Iye tookonyishaabhi amaghoro naabha!” Yesu akamugharokeri akabhugha, “Aribha nteeghoghwishaabhi, toghotora kubha haghirohamu na neeni wiiki.”

Mataayo 5:18

Mahëënë ˆnekabhabhoorera, mbagha eriibhagha rino erishaaro na ase bhekoheta, ghetaanyi‑ho ekingʼöchö koru eryandëkö rimu isuuhu re meghiro ghe Musa rino rekoruusibhu, mbagha ghano ghoose ghahikeerane.

Obhohunyurëru 2:7

Uno anyi na amatu atëghëërërë amangʼana ghano Akörö Ahörëëru eghoghabhoorera amakanisa. Omooto wowoose uno aghokinda amasaki, nekomwisherereri kurë amakorobhese gha mote o kobhaha abhaato obhuhöru. Omote uyo noonyi Mwishaaro mo‑kinyaweera ke Ryobha.’”

Mataayo 8:20

Yesu akamugharokeri akabhugha, “Chaambwe ncheenyi na chakoobho ne ebhinyönyi mbeenyi ne ebhenyumba. Amare eni uno neenyi Omoona o Mooto nteenyi koru na ha ghotoora omutu!”

Yohana 6:51

Eni n‑ekiinyakurë kino gheghwika koru Mwishaaro, kino ghekobhaha abhaato obhuhöru. Omooto wowoose uno akurë ekiinyakurë kiyo, naakubha no obhuhöru bho miishe ghyose. Ekiinyakurë kiyo n‑omobhere waane uno nekoworuusi gho ghiri e bhaato bhoose, kubha bhabhe no obhuhöru bho miishe ghyose.”

Yohana 6:62

Mbe, nibhu ekubha erabha mokondighi eni Omoona o Mooto, ndatiira ghuye Mwishaaro hano neere ekimbërë?