Yohana 6:32 - Eriiraghano Eriihë

³² Mbe, Yesu akabhabhoorera akabhugha, “Mahëënë ˆnekabhabhoorera, taanyi Musa uno ꞉abhaheere bhasookoro bhaanyu ebhiinyakurë bhiire bheruure Mwishaaro. Amare n‑Taata waane, uno ibheere akobhaha inyu ekiinyakurë ke hëënë kino gheekoru Mwishaaro.

Yohana 6:32 Referans Kwoze

Yohana 15:1

Yesu akëëndërëra kobheeghi arabhugha, “Eni n‑omusabhiibhu o hëënë, na Taata waane niwe omoremi.

Yohana 6:58

Mbe, eni n‑ekiinyakurë kino ghiikiri koru Mwishaaro, ghetanga kino bhasookoro bhaanyu ꞉bhaariire bhaaghaku. Amare omooto wowoose uno akurë ekiinyakurë kino, naakubha no obhuhöru bho miishe ghyose.”

Abhagharatiya 4:4

Amare eriibhagha rino rirënguru hano rehikiri, Eryobha rekamotoma Omoona waache mo‑se ino. Omoona waache akiibhoru no omukari kinya itu, akamanya haase e meghiro ghe Musa.

Yohana 6:55

Omobhere waane niwe ekiinyakurë ke mahëënë, na amasaahë ghaane nikyo ekinywebhu ke mahëënë.

Yohana 6:50

Amare hano nkeenyi‑ho ekiinyakurë kino gheghwika koru Mwishaaro. Aribha omooto ariire ekiinyakurë kiyo, taaghoku naabha.

Yohana 6:41

Mbe, Abhayahuuti bhaghasëëma kwingʼunyerangʼunyera gho kubha Yesu ꞉niighambiri kubha, “Eni n‑ekiinyakurë kino ghiikiri koru Mwishaaro.”

Yohana 6:35

Yesu akabhagharokeri akabhugha, “Eni neeni ekiinyakurë kino ghekobhaha abhaato obhuhöru. Omooto wowoose uno akuucha ghokoone, taakooghu anchëra inkongʼorimu, wiiki uno aghonkumi taakooghu anyööta naabha.

Yohana 6:33

Ekiinyakurë ke Ryobha n‑uno ikiri koru Mwishaaro, kubha abhahë abhaato bhoose bha mo‑se obhuhöru.”

Yohana 1:9

Uyo niwe obhwero bho hëënë, nakurëngaareri omooto woose, naare ichiri mo‑se.

1 Yohana 5:20

Wiiki ntweche kubha Omoona o Ryobha namariri kuucha, natoheere obhongʼiini, kubha torimënyë Eryobha re hëënë. Ntoonyi no obhumu ne Eryobha re hëënë, gho nchëra e kubha no obhumu no Omoona waache Yesu Kirisito. Rino niryo Eryobha re hëënë, no obhuhöru bho emiishe ghyose.

Yohana 6:31

Bhasookoro bhiito ꞉mbaariire agharinga eriibhagha bhaanyi mwibhara, kinya bhuure yandëkuru mo‑Mandëkö Amatööbhiyu kubha, ‘Nabhaheere ekiinyakurë ghe koru Mwishaaro kubha bhari.’”