Yohana 5:18 - Eriiraghano Eriihë

¹⁸ Gho ghayo, abhakangati bha Bhayahuuti bhaghasëëma ghutabhara anchëra e komwita Yesu. ꞉Mbaaköriri hangʼu gho kubha taasariri emeghiro ghe Riikane eryene, amare ꞉naabherekiire Eryobha kubha, n‑Ishe. Gho nchëra iyo naare ariitoora kubha, naanyi kebhuno Eryobha reenyi.

Yohana 5:18 Referans Kwoze

Yohana 10:33

Abhayahuuti bhaghagharokeri bhakabhugha, “Totaakwënda ghokurasa na amabhohe gho ghiri e ghuköra amachömu, amare n‑gho kubha nokwirëngʼaani ne Eryobha. Iye n‑omooto hangʼu, amare noghwiköri kubha Eryobha!”

Yohana 10:30

Eni na Taata m‑bhamu toonyi.”

Yohana 19:7

Abhayahuuti bhakamugharokeri bhakabhugha, “Itu ntoonyi no omoghiro, na kurëngʼaana no omoghiro uyo, nakwëndëru ghwitu, gho kubha naghwighamba kubha n‑Omoona o Ryobha.”

Yohana 8:58

Yesu akabhagharokeri akabhugha, “Mahëënë ˆnekabhabhoorera, eriibhagha Abhurahamu akeere kwibhoru, Eni Niwe.”

Yohana 14:23

Yesu akamugharokeri akabhugha, “Omooto wowoose uno ansiighiri, naghughööta angʼana yaane. Taata waane nakomosiigha, wiiki eni na Taata ntookuucha ghokooche na ghwikara haghirohamu nawe.

Yohana 5:23

Gho nchëra iyo, abhaato bhoose mbakomosooka Omoona kinya bhuno bhakomosooka Taata. Omooto wowoose uno ataakomosooka Omoona, mbe, taakomosooka Taata uno amotomiri.

Abhabhiribhi 2:6

Nangabha iwe naare arëngʼiine ne Eryobha, akarighi taanyi bhoheene asaaghe aghöötëriire riyo.

Obhohunyurëru 22:3

Omoghya uyo tookubha ne egheghiro ghyokyose kino kiihiimuru ne Eryobha. Eghetumbe kiire ghe ghitëmi ke Ryobha no Omoona o Ngʼöndu ngeekubha‑mu. Abhatamishi bha Ryobha mbakorisëngëra.

Obhohunyurëru 22:1

Akamara marayika uyo akanyëërëki orooche ro manche gha bhuhöru, ndoore rorabhari kinya ekiröri na ndorweriire irungu re ghetumbe ghe ghitëmi ke Ryobha no Omoona o Ngʼöndu.

Yohana 8:54

Yesu akabhagharokeri akabhugha, “Erabha nekwihacha eni mwene, kwihacha koone ghotaghöötë ekebhune ghyokyose. Amare Taata, uno inyu mokobhugha n‑Eryobha reenyu, niwe uno aghuntöghösi eni.

Yohana 7:19

Yesu akëëndërëra kobhugha, “Mweche kubha Musa naare abhaheere emeghiro ghe Ryobha. Amare taanyi‑ho omooto koru umu uno aghoghitambana emeghiro ghiyo. Mbe, ngwake mokwënda koonyita?”

Yohana 7:1

Ghaache koheta ghayo, Yesu aghasëëma kwinaara mo‑meghya ghe Ghariraaya. Tëëndiri kwinaara Yuteya, gho kubha abhakangati bha Bhayahuuti mbaare bharatabhara komwita.

Yohana 5:16

Niho abhakangati bha Bhayahuuti bhaghasëëma komwirighori Yesu gho kubha naare arahöri abhaato orosiko ro Riikane.

Yohana 14:9

Yesu akamugharokeri akabhugha, “Bhiiribho, nibheere haghirohamu na niinyu chaasiko chino choose, iye okeere kuumënya eni? Omooto wowoose uno andooche eni, namorooche Taata. Mbe, ngwake okomboori kubha, ‘Otwërëki Taata’?

Mataayo 12:5

Hamu motaasömiri mo‑meghiro ghe Musa kubha abhachaama bha Mwisëngërö mbaare bharasari emeghiro orosiko ro Riikane, koru hangʼu Eryobha retabhabhariri kubha, mbaköriri kobhe?

Yohana 1:19

Orosiko rumu, abhakangati bha Bhayahuuti ꞉mbaabhatomiri abhachaama na Abharaawi koru Yerusareemu, bhamobhoori Yohana kubha n‑niwe. Bhuno nibho obhwibhateri bhooche,

Yohana 5:15

Hayo hayo, omooto wuure akamotigha Yesu, aghagharuka wiiki kobhabhoorera abhakangati bha Bhayahuuti kubha n‑Yesu niwe amuhöriri.

Yohana 5:17

Mbe, Yesu akabhabhoorera akabhugha, “Taata waane naghuköra emeremo chaasiko choose, eni woose neghuköra emeremo hangʼu hangʼu.”