Yohana 4:9 - Eriiraghano Eriihë

⁹ Mbe, omukari uyo akamugharokeri Yesu akabhugha, “Iye n‑Omuyahuuti, na neeni n‑Omusamaariya. Nibhu oghotora ghunsabha amanche eni omukari Omusamaariya?” ꞉Naabhughiri hangʼu gho kubha Abhayahuuti bhatahasanga haghirohamu na Abhasamaariya.

Yohana 4:9 Referans Kwoze

Amaköri gha Bhatomu 10:28

Bheetero akabhabhoorera, “Inyu mweche bhoheene kubha itu Abhayahuuti totiishereriiru ne emeghiro ghiito ghughöötana na abhaato bha matöngö aghande, koru kobhataarera. Amare Eryobha ndënyëërëkiri kubha netamobherekera omooto wowoose kubha m‑moghonchu, hamu kubha taakurëngʼaanera.

Yohana 8:48

Abhayahuuti bhakamobhoori Yesu bhakabhugha, “Kana, totaakobhugha obhuhëënë hano tokobhugha kubha iye n‑Omusamaariya, wiiki noonyi no omusambu?”

Mataayo 10:5

Yesu akabhatoma bhayo ikomi na bhabhere, akabharaghereri akabhugha, “Motaheta mo‑chaase che bhaato bha matöngö, wiiki motasöha mo‑moghya wowoose o Bhasamaariya.

Amaköri gha Bhatomu 1:8

Amare, mokuhaabhu changuru hano Akörö Ahörëëru ekuucha ghokoonyu, mookubha abhiibhateri bhaane mo‑moghya o Yerusareemu na ahaghiro ahande hoose ha Yuteya, na Samaariya, mbagha mo‑se yoose.”

Yohana 4:27

Eriibhagha riyo abhaanabheegha bhaache bhaghagharuka, bhakahagha korighi Yesu naghosiikëra no omukari. Amare taanyi‑ho koru umu uno ꞉amobhooriri Yesu kubha, “Neke okwënda ghokooche?” hamu, “Ngwake oghosiikëra nawe?”

Ruuka 10:33

“Akamara akaacha Omusamaariya umu, uno are mo‑rughëndö rooche. Hano amorooche omooto uyo, akamoghwera bheghongi.

Amaköri gha Bhatomu 10:32

Mbe, otome abhaato bhaghëndë mo‑moghya o Yoobha, bhamobherekere Simiyooni, uno akobherekeru Bheetero. Iwe m‑mughëni mo‑ka imu e Simiyooni, omumambi o mashëërö. Anyumba yaache neenyi rubhareka ro nyancha.’