Yohana 4:48 - Eriiraghano Eriihë

⁴⁸ Yesu akamugharokeri omokoro uyo akabhugha, “Inyu abhaato bhano, moraanga korighi ebhyërëkërëri ne ebhiraghe, motaaghokumi!”

Yohana 4:48 Referans Kwoze

Yohana 20:29

Yesu akamugharokeri akabhugha, “ˆOghakumi gho kubha nondooche. Mbiitabhiiru bhano bhankumiri koru nangabha bhatandooche.”

Abheebhuraaniya 2:4

Eryobha ryose ndeere rerahëënëhi obhotoori bhuyo gho kobhaha abhaato bhayo obhotoro bho ghuköra ebhyërëkërëri ne ebhiraghe ne ebheroghooro bhe manga maaru. Wiiki ꞉ndeebhahööhiri abhakumi ebhihaano bhe Körö Ahörëëru kurëngʼaana na amënda ghaache.

1 Abhakorinto 1:22

Abhayahuuti mbakwënda ebhyërëkërëri koru Mwishaaro kubha bhakumi, na Abhayunaani mbaghutabhara amangʼiini gha bhaato.

Amaköri gha Bhatomu 2:22

Bheetero akëëndërëra kobhugha, “Inyu abhaato bha Isiraeri, muntëghëërërë bhoheene! Eryobha eryene ndëbhëërëkiri obhokoro bho Yesu o Nasareeti ghokoonyu, gho nchëra e bhiraghe, ne ebheroghooro, ne ebhyërëkërëri bhe manga maaru bhino Eryobha ꞉reemoheere ghuköra ghate yaanyu. Ghayo, inyu mogheeche bhoheene.

Yohana 12:37

Koru nangabha Yesu ꞉aköriri ebhyërëkërëri bhyaru ambërë yaabho, abhaato bhaaru bhataamokumiri.

2 Abhakorinto 12:12

Eriibhagha neere bhowaanyu ꞉niiyëërëkiri kubha m‑motomu neenyi, gho kubha ꞉niiköriri ebhyërëkërëri, ne ebhiraghe ne ebheroghooro kwo bhoghumereri bhoose.

Abharuumi 15:19

꞉Mbaaruturu koresooka, gho kubha kohetera ghokoone mbarooche changuru che Kirisito mo‑bhyërëkërëri ne ebhiraghe. ꞉Neetoriri ghoghaköra gho changuru che Körö e Ryobha. Gho ghayo, ꞉niinaariri ahaghiro hoose kuraghani Angʼana Anchömu ighoro e Kirisito, korwera mo‑moghya o Yerusareemu mbagha mo‑mukööwa o Iririiko.

Amaköri gha Bhatomu 14:3

Bhawuro na Bharinaabha ꞉mbiikeere chaasiko chaaru hayo Ikoniyo, bhaakabha bharabhabhoorera abhaato kwo bhosubhesubhe ighoro e Mutëmi, na aghareeya yaache. Omutëmi nawe aghaghahikeerani amangʼana ghaabho kwo bhuhëënë, gho kobhaha obhotoro bho ghuköra ebhyërëkërëri ne ebhiraghe bhyaru.

Maariko 13:22

Mbakuucha abharööti bha bhuröngö na abhaato bhano bhakwibherekera Kirisito. Mbaakubha bharaköra ebhyërëkërëri ne ebhiraghe, kubha bhasaki kobhangʼiina bhano bhaahwiru ne Eryobha.

Mataayo 24:24

Mbakuucha abharööti bha bhuröngö na abhaato bhano bhakwibherekera Kirisito. Mbaakubha bharaköra ebhyërëkërëri bhekoro ne ebhiraghe bhekoro, kubha bhasaki kobhangʼiina koru bhano bhaahwiru ne Eryobha.

Amaköri gha Bhatomu 2:43

Abhatomu bhayo mbaare bharaköra ebhyërëkërëri ne ebhiraghe bhyaru, mbagha abhaato bhoose bhaakabha bhararesooka Eryobha.

Yohana 2:18

Hano abhakangati bha Bhayahuuti bharooche ghano Yesu aköriri, bhakamobhoori bhakabhugha, “Noghuköra ekyërëkërëri ke kwërëki kubha noonyi no obhotoro bho ghuköra ghano?”

Ruuka 16:31

Abhurahamu akamugharokeri akabhugha, ‘Bhaömöönyu bhayo, aribha bhataaghotereera ghano ghaandëkuru na Musa na abharööti, bhataaghotereera koru aribha omooto angaryoka koru mo‑bhaku.’”

2 Abhatesaronike 2:9

Eriibhagha re kuucha kooche, Omwigharurani uyo, nakuucha na changuru choose che Rishambu na ghuköra ebhyërëkërëri ne ebhiraghe bhe bhuröngö.

Amaköri gha Bhatomu 15:12

Mbe, abhaato bhoose bhano ꞉bhaare mo‑riibharacha riyo bhaghakira kiri. Bharinaabha na Bhawuro bhaakabha bharabhabhoorera kinya Eryobha ꞉riiköriri ebhyërëkërëri ne ebhiraghe bhyaru gho kohetera ghokoobho mo‑bhaato bhayo.

Amaköri gha Bhatomu 7:36

Musa uyo niwe abhakangatiri Abhiisiraeri kobharuusi mo‑se e Miisiri, gho nchëra e ghuköra ebhyërëkërëri ne ebhiraghe bhyaru mo‑se iyo, na mo‑nyancha e Shaamu, na mwibhara, kwo riibhagha re meeka miröngö ene.

Amaköri gha Bhatomu 6:8

Siteebhano uyo, Eryobha ꞉ndeemoheere aghareeya yaaru, na changuru chaaru, akabha araköra ebhyërëkërëri ne ebhiraghe mo‑bhaato.

Amaköri gha Bhatomu 5:12

Abhatomu bhayo bha Yesu mbaare bharaköra ebhyërëkërëri ne ebhiraghe bhyaru mo‑bhaato. Wiiki abhakumi bha Yesu bhoose mbaare bhanariri ghwikomana haghirohamu mo‑riibhuru re Seremaani kwo mukörö umu.

Amaköri gha Bhatomu 4:30

Taata, ughöröröki okubhökö koocho otukörë totore kuhöri abhaato, otusakeri ghuköra ebhyërëkërëri ne ebhiraghe kwo eriina re Yesu, omutamishi waacho Omutööbhiyu!”

Amaköri gha Bhatomu 2:19

Neghuköra ebhiraghe ighoro mwishaaro, ne ebhyërëkërëri hano mo‑se. Abhaato mbakorighi ebhyërëkërëri bhe masaahë, no omororo, no omooki o ryoki mokoro.

Yohana 15:24

Niköriri ebheroghooro bhekoro bhino bhetaamara bhiköru no omooto owonde. Erabha bhatangabherooche, mbangabheere bhataanyi na amasari. Amare ibheere, mbagharooche ghoose ghano ꞉niiköriri, koru hangʼu bhakeere bhandëghiri eni na Taata waane.

Ruuka 10:18

Yesu akabhagharokeri akabhugha, “꞉Neerooche Erishambu reragho kinya orunanehi koru Mwishaaro.

Mataayo 27:42

Aribha mahëënë n‑Omutëmi o Abhiisiraeri, niike mo‑musarabha, niho na niitu tokomokumi.

Mataayo 16:1

Niho Amabharisaayo na Amasatukaayo nyarebhe bhakamutambana Yesu, bhakamusaki kubha, ntokwënda ukörë ekiraghe kwërëki kubha noruure kwo Waryobha.

Yohana 4:49

Omukangati uyo akamugharokeri akabhugha, “Omutëmi, ˆneghaghusasaama, tughëndë omuhöri omoona waane akeere ghoku.”