Yohana 4:45 - Eriiraghano Eriihë

⁴⁵ Hano ahikiri Ghariraaya, abhaato bha Ghariraaya bhakamosongʼaana bhoheene, gho kubha bhoose mbaare bhaghiire mo‑nyangi e Bhaasaka iyo Yerusareemu, ꞉mbaagharooche amangʼana ghoose ghano Yesu ꞉aköriri.

Yohana 4:45 Referans Kwoze

Yohana 2:23

Hano Yesu are Yerusareemu mo‑nyangi e Bhaasaka, abhaato bhaaru bhaghasëëma komokumi, gho kubha ꞉mbaarooche ebhyërëkërëri bhino are araköra.

Yohana 3:2

Orosiko rumu obhotiko, aghaye o‑Yesu akamobhoorera akabhugha, “Oo Omweghi, ntweche kubha iye n‑Omweghi uno otomuru ne Eryobha, gho kubha taanyi‑ho omooto uno aghotora ghuköra ebhyërëkërëri bhino oghuköra, aribha Eryobha retaanyi haghirohamu nawe.”

Ruuka 9:53

Amare, abhiikari bha iyo bhakaanga komughënëhi, gho kubha naare araghe Yerusareemu.

Ruuka 8:40

Hano Yesu ahikiri mo‑mukööwa o Ghariraaya, aghaturungʼaneru no obhoyo bho bhaato bhano ꞉bhaare bharamughanya.

Ruuka 13:1

Eriibhagha riyo, abhaato abhande bhakaacha bhakamuha Yesu amangʼana gha Bhaghariraaya bhano Bhiraato itiri hano ꞉bhaare bharaghöögha chaatugho cheebho che koruusi ambërë e Ryobha.

Yohana 4:54

Kiyo nkeere ekyërëkërëri ghe kabhere kino Yesu ꞉aköriri hano agharokiri Ghariraaya korwera Yuteya.